Ukrelo je Svetoga Duju
Na onoj maketi ča jema par godin da se nalazi na istočnoj bandi o Spliske rive na koju je u bronci ili bakru učinjen uži dijal Splita odcipilo je kanpanejal Sv.Duje. I to ga je bome junačina iščupala, jerbo ka ča se vidi na maketi cilu kolonadu od oni stupi na Peristilu je iskrivija dokle ga je ginga vamo tamo da bi ga odlomija i to kako mi je ovi jedan reka dokle san slikava da jema lipi dan kako je Duje nesta,a niko nezna točno kad je to bilo,a pravo da van rečen nebi ni ja to vidija da se mala nije put tamo uputila i nako priko oka san vidija ka da ništo fali,a Duje je naravno bija najvisočija građevina makete koja ti prva pada u oko ča ovi put nije bija slučaj,ali opet nikako gledaš i vidiš da fali Duje,ali ga opet iščeš di je i onda kad ugaziš ono ča se reče na balun vidiš da ga stvarno nima. E sad je li ga koko od stranac vazeja za uspomenu ili ga je koko iša u Buka prodat ostat če enigma,ali je siguro da je svakin danon sve bliže realizacija postavljanja kamer na javniman mistiman.To se po svjeskin destinacijan more vidit na svakomen kantunu i nije mi jasno kad več sve kopiramo izvanka pogotovo u cijenama i onda naglasimo kako je tako i vanka,nismo i ovu praksu postavljanja kamer isto tako objeručke prihvatili? Je ne more u nas ništa durat.
Kakve je ovo boje more na plaži ispod švori?
Od Trstenika pa vamo na istok do lučice na Lučici more je nikako čudno blidunjave boje,a razlog je ka ča morete vidit na slici ovo ništo bilo iz potoka koji se uliva u more. A to kad san doša tamo onda mi je još reklo da kako tot na plažu niko ne dolazi za uredit je ovi ča san s njin priča govori mi da je on to sve očistija…
Otvori ...Gojača je jutros očiščena
Ono jučerašnje jugo šta je divlje puvalo na gojaču je donilo niku maščuku tako da iako je jučera bija jedan od oni dan kad se je moglo kupat jučera u moru nije bilo skoro nikoga jerbo je ljude bilo straj da se ne infetadu od otega ča je u moru plutalo. I danas je došla nika specijalna auta u koju se oto masno ča je plutalo usisalo i zajedno sa…
Otvori ...Od početka ove školske godine građanski odgoj je obavezan
Sa početkon školske godine 2014/2015 u sedme razrede Osnovne i prve Sridnje,a godinu kasnije u osme razrede i druge razrede Sridnje škole počinje se sa učenjen građanskoga odgoja. Zanimljivo je da iako se tema več duže vrimena spominje po javnin raspravan i po razniman medijiman nikako sve pari ka da se i nima baš puno ča o tomen govorit. Je se svako malo ka niko zaleti pa ima ništo za…
Otvori ...Ovako je to bilo oni dan
Evo je prošlo par dan i eto rekuperali smo se od onega poraza,a do nekoga sličnoga momenta pogledajte kako je to na ulican izgledalo:
Otvori ...“Jahač u kockastomen”
Iako je oti dan jašija po asvaltu za njin se digla velika prašina,a evo van par slik pa pogledajte kako je to izgledalo:
Otvori ...Sučurac je danas dobija “Trg Ive Đurđevića”
Evo je napokon svečano otvorena ploča sa imenon trga po prof. Ivi Đurđeviću koja je postavljena na zapadni zid o stare škole. Zašto napokon?a zato jer ima več osan godin da je komisija za imenovanja trgova i ulic donila odluku koja je tek danas svečano i realizirana.
Otvori ...Dodjela spomen povelja
Danas su u Gradskoj viječnici povodon Dana državnosti zaslužnima i onima koji su dali izuzetan doprinos u Domovinskomen ratu odlukon Skupštine udruge Hrvatskih ratnih veterana Kaštili dodiljene spomen povelje: Damir Ezgeta- dragovoljac Domovinskoga rata Veselko Andromak – prvi demokratski izabrani gradonačelnik Grada Kaštili 1990.g. Ivan Gagič Biluš – dragovoljac Domovinskoga rata Željan Jurlin – dragovoljac Domovinskoga rata Dr.med.spec. Goran Pavela – specijalist psihijatar,Hrvatski branitelj posmrtno – pok. Veljku Rogošiču posmrtno…
Otvori ...Baumax zatvara dučan u Sučurcu
Još ova dva dana imate na raspolaganju poč u Baumaxa u po cijene kupit ako ima od onoga šta je ostalo da vas čako zanima jerbo je sutra zanji dan i posli toga gredu ča.
Otvori ...
Komentiraj