Sučurcen šetadu bobiji
Danas su se kroza selo mogle vidit kako šetaju dvi bobijice samo svi su se pitali šta su dobili ka zadatak jerbo je ona donja traka na rivi iako je znak zabrane parkiranja po običaju opet bila puna aut,a u Splitu od kako su bobiji stupili u akciju nema da se moreš zaustavit u koju od trak ili tamo di je znak zabrane ka ovi na rivi, jerbo odma doletidu i kendaju sve ča. E,a po selu jutros opet rasprave,e da se oče ovi nered bi se u jedan dan moga dovest u red,a ča očeš ti onda reč da nikomen paše ovi nered?pita ga ovi drugi,ma neču ja ništa reč,ma je činjenica da je ovo više neizdrživo,parkira se di ko oče,gre se kroza zabranjene smjerove,po plažan se vozidu motoriman,kamijoni od iljadu ton prolazidu gori ceston,a ne smidu…
A evo san se ja malo pozabavija za vidit kako drugi rješajedu oti problem okolo parkiranji tamo di se to ne smi. Evo npr. u Šibenik su iskoristili zakonsku mogučnost i več par godin jemadu tri prometna redara koji radidu u dvi smjene i pišedu kazne onima koji se ne pridržajedu prometni propisi tako da jin se u proračun slije lipo pinez. Naravno, ljudi se s njima znadu karat,a diko mora reagirat i policija,ali reda mora bit. Eto,a čula, rekla, kazala govori da bi i Kaštila kad prođedu obuku tribala dobit dva taka redara? Samo se onda tribadu znat pravila,di se na korniž more,a di ne more parkirat,jerbo svi znamo da na korniž po pravilu nesmiš parkirat,ali ako je ulica jednosmjerna onda se (npr.imate u Splitu ti primjeri) na jedan od korniži more parkirat,dokle oni sa druge bande mora ostat slobodan ili ako u toj ulici postoji samo jedan korniš onda se dopušta parkiranje na cesti (naravno ako je ulica toliko široka da se more i parkirat i vozit),a korniž mora ostat slobodan itd.itd.,ali o tomen čemo onda kad bude.
Ukrelo je Svetoga Duju
Na onoj maketi ča jema par godin da se nalazi na istočnoj bandi o Spliske rive na koju je u bronci ili bakru učinjen uži dijal Splita odcipilo je kanpanejal Sv.Duje. I to ga je bome junačina iščupala, jerbo ka ča se vidi na maketi cilu kolonadu od oni stupi na Peristilu je iskrivija dokle ga je ginga vamo tamo da bi ga odlomija i to kako mi je ovi…
Otvori ...Kakve je ovo boje more na plaži ispod švori?
Od Trstenika pa vamo na istok do lučice na Lučici more je nikako čudno blidunjave boje,a razlog je ka ča morete vidit na slici ovo ništo bilo iz potoka koji se uliva u more. A to kad san doša tamo onda mi je još reklo da kako tot na plažu niko ne dolazi za uredit je ovi ča san s njin priča govori mi da je on to sve očistija…
Otvori ...Gojača je jutros očiščena
Ono jučerašnje jugo šta je divlje puvalo na gojaču je donilo niku maščuku tako da iako je jučera bija jedan od oni dan kad se je moglo kupat jučera u moru nije bilo skoro nikoga jerbo je ljude bilo straj da se ne infetadu od otega ča je u moru plutalo. I danas je došla nika specijalna auta u koju se oto masno ča je plutalo usisalo i zajedno sa…
Otvori ...Od početka ove školske godine građanski odgoj je obavezan
Sa početkon školske godine 2014/2015 u sedme razrede Osnovne i prve Sridnje,a godinu kasnije u osme razrede i druge razrede Sridnje škole počinje se sa učenjen građanskoga odgoja. Zanimljivo je da iako se tema več duže vrimena spominje po javnin raspravan i po razniman medijiman nikako sve pari ka da se i nima baš puno ča o tomen govorit. Je se svako malo ka niko zaleti pa ima ništo za…
Otvori ...Ovako je to bilo oni dan
Evo je prošlo par dan i eto rekuperali smo se od onega poraza,a do nekoga sličnoga momenta pogledajte kako je to na ulican izgledalo:
Otvori ...“Jahač u kockastomen”
Iako je oti dan jašija po asvaltu za njin se digla velika prašina,a evo van par slik pa pogledajte kako je to izgledalo:
Otvori ...Sučurac je danas dobija “Trg Ive Đurđevića”
Evo je napokon svečano otvorena ploča sa imenon trga po prof. Ivi Đurđeviću koja je postavljena na zapadni zid o stare škole. Zašto napokon?a zato jer ima več osan godin da je komisija za imenovanja trgova i ulic donila odluku koja je tek danas svečano i realizirana.
Otvori ...Dodjela spomen povelja
Danas su u Gradskoj viječnici povodon Dana državnosti zaslužnima i onima koji su dali izuzetan doprinos u Domovinskomen ratu odlukon Skupštine udruge Hrvatskih ratnih veterana Kaštili dodiljene spomen povelje: Damir Ezgeta- dragovoljac Domovinskoga rata Veselko Andromak – prvi demokratski izabrani gradonačelnik Grada Kaštili 1990.g. Ivan Gagič Biluš – dragovoljac Domovinskoga rata Željan Jurlin – dragovoljac Domovinskoga rata Dr.med.spec. Goran Pavela – specijalist psihijatar,Hrvatski branitelj posmrtno – pok. Veljku Rogošiču posmrtno…
Otvori ...
Komentiraj