Bravo Marinko
Sičate li se one priče ,a da van pravo rečen zaboravija san kad san je pisa pa san iša pogledat i začudija se kad san vidija datum od 30. prvoga,a bila je o onoj ženi ča je zajedno sa diteton odila onon famoznon popločanon šetnicon šta gre od mula prema rivi i koja bi se bila iskrenila ka vriča kunpliri da nije držala dite za ruku koje je uspilo zadržat je na nogan. E i baš na tomen mistu pri niku večer čujen ja Marinka kako ništo brontula. A ča je Marinko ča si jidan?a evo mi je zapela noga u ovu rupu pa san se zamalo iskrenija. A moj Marinko pisa san ti ja o tomen ima jednu misec dan (A ko je zna da je več prošlo i tri miseca) i niko ne obada. A Marinko če meni,evo ja ču to sredit odma sutra. Sutra je bila kiša i nije bilo ništa od posla,ali odma kad je učinija lipi dan uvatija se Marinko mišat melo,a kad su ostali na rivi vidili ča Marinko radi odma su se pridružili, savjete dilili,melo mišali i materijal su iz doma nosili,a oni ča su tot šetali su imali samo riči fale,a i pokude na račun oni ča to još nisu napravili jerbo kako je ovi jedan stariji čovik reka da je i on isto tot zamalo odletija,a po pričama kako je ko dolazija ispalo je da nije bija jedini,a i oni ča su autan prolazili su isto tako pozdravljali ovu akciju koko trubljenjen,a koko komentariman kroza ponistru,pa je ovi jedan reka,da neka mu sad oni ča su to tribali učinit lipo platidu dnevnicu…,a bilo je i komentari ča se tičedu oni koji ovo tribadu učinit da kad bi ji sad ovde iša pisat onda bi cilo vrime triba koristit ono bip,bip,biiip bip.. tako da san od otoga odusta,ali bilo kako bilo posla na ovome mistu jema još dosta,npr.ova ploča šta je slikana ni se mogla izvadit,a da se išlo na silu bilo je straja da nebi pukla,a isto tako dvi tri rubne ploče po kojima se penje na ovu šetnicu su klimave i postoji mogučnost kad se na nji ugazi da če se jednostavno odcipit,a sad zamislite situaciju da ugazite na skalinu i ona van se makne odispod nog…
Ovako je to bilo:
Ova šta je tamo nigdi po sredini nije se mogla popravit jerbo se zaglavila pa se nije dala izvadit:
65. godišnjica planinarskoga društva Kozjak
Sinoč je u Sučuračkomen kinu svečano obilježena 65. godišnjica osnutka planinarskoga društva Kozjak di su zaslužnima podiljene nagrade,a posli je u muzejskomen prostoru na Glavici otvorena izložba pod nazivon Kozjak te zove.
Otvori ...U Kaštilima se dilija fažol u organizaciji SDP-a Kaštili
@iskrenomen fala na videju
Otvori ...Ima bit da se začepila cijev?
Tamo u Vrila voda iz potoka zamisto da gre kroz cijev izlazi kroza šahtu vanka i izlije se po cesti,a tamo kraj onoga podvožnjaka od siline vode izletija je poklopac od šahte pa postoji mogučnost da če koko udrit u nju kolon ili ako se još više pomakne ostače rupa.
Otvori ...Motoristička sezona je otvorena
Danas je Oldtimer moto klub Adria iz našega sela na rivu organizira otvaranje ovogodišnje motociklističke sezone.
Otvori ...Papa Ivan Pavao II proglašen je svetim
Danas je na trgu Svetoga Petra u Vatikanu Papa Franjo proglasija svetim Ivana XXIII- dobri papa i Ivana Pavla II. Prvi put u povijesti u dvi iljade godin se dogodilo da su dva Papa sadašnji Franjo i Racinger u mirovanju proglasili svecima dvojicu papa. Ovome događaju su prisustvovali izaslanstva iz 98 zemalj svita kojemu je prisustvova i Hrvatski predsjednik Josipovič. Ivan Pavao II je prvi Papa koji je posjetija Sinagogu…
Otvori ...Šuška se po selu da se izabrala nova ravnateljica
Ove dane od kako je u utorak bija Školski odbor selo govori da se donila odluka i izabrala nova ravnateljica. Ma nije se izabrala nova ravnateljica več pošto staroj ravnateljici ističe mandat,a okolo biranja nove se ništo zakonpliciralo pa da škola more normalno funkcionirat mora se izabrat (ve de) vršitelja dužnosti ravnatelja ča je i napravljeno,a novoizabranoj ve de ravnatelja mandat bi triba trajat tamo nigdi okolo početka druge godine…
Otvori ...Tags:izabrana vršiteljica dužnosti ravnatelja , kaštel sućurac , osnovna škola
Sveti Jure
Cilo jutro Sučurani su gledali put neba,a ono se nečkalo oče kiša neče kiša,ma bila ne bila Sveti je Jure lipo lunbrelu u ruke i ajde. Tako i ona moja mala,taman da čemo se uputit kad eto se uvatilo rosikat i sad ja njon govorin da neka ostane lipo doma jerbo da če se gori cila smočit,ne,ona gre sa menon gori i gotova priča. A dobro. I cilo vrime kiša…
Otvori ...Održana promocija knjige “Kad se sve užme”
Sinoč je u našoj crkvi održana promocija četvrte po redu knjige Miroslava Luketina Sarajčeva pod naslovon “Kad se sve užme” na kojoj je pored Mire Batič i Željka Bana i sam autor pročita jedan dijal iz knjige kojega je posvetija pok. Tonču Petrasovu Maroviču koji mu je kako Miro voli reč bija mentor,a ko nezna bili su i rođaci pa puno nji govori da je to Miro ča se tiče…
Otvori ...
Komentiraj