Da nevalja jist dinju iz frižidera
A ča bi je,prije nego šta počmen jist,najpri triba poteplit,a ko more platit ovo sad kad su velike vručine,vazest ledenu dinju i navalit,e,ali da kad stoji u frižideru gubi vridnosti,a baš san se iznenadija,bilo bi čudno da su napisali kako je upravo ledenoladna dinja ono,ništo,jer po njima neznamo ni jabuku jist,sigurno vas je diko “uboja” u oko naslov,znate li kako se ispravno ji jabuka,a tek ono,kako bananu ogulit,sa naslovon,jeli znate pravilno ogulit bananu,a da,to mi je vrlo bitno,kako san ništo otvorija za doč do sadržaja kojega ču izist,e pa tako ispada da je dinju najbolje jist sa sobne tenperature jerbo onda najmanje gubi ona vridna svojstva koja u sebi jema…E.
Vi kako očete,ma ču ja i dalje jist onu iz frižidera.
A najjači su mi ovi ka na slici,kad u kacu sa dinjaman meknedu vodoskok koji ka ono ladi ote dinje,a u večini slučajev cirkulira ista voda.
Ma zamisli u osmi misec je vruče
A kad je nikidan dnevna tenperatura bila okolo dvajstipet,onda nan opet nije valjalo,a ča bi mi tili,a onda čuješ,a lipo normalnu tenperaturu,npr.do 31 stupanj je super,sve priko je ajme,a evo jutros okolo četiri ipo,pogleda san koja je tenperatura,tamo di se službeno miri i bila je trideset,taman onoliko koliko si reka,a da neka lipo iden kvragu,fala ti,a ča san sad krivo reka,da ča si reka,dnevna,dnevna tenperatura do trideset i jedan,a ne…
Otvori ...Klapa Podvorje u Gospojskoj Štradi
I ovu godinu,več tradicionalno na Svetoga Roka,klapa Podvorje sa svojiman gostiman,ženskon klapon Neverin,muškon Sveti Mihovil i još dvima ženskiman klapan Salona i Stivanja u Gospojskoj Štradi,učinili su jedan lipi koncerat. Malo je bilo čudno kako je ostalo prazni stolic,jer je to koncerat zbog kojega je Štrada uvik “pucala po šavovima”,a još čudnije mi je kad se po selu pitalo,a očelidu ovu godinu pivat i pravdanje za nedolazak kako nisu znali…
Otvori ...Da oli nisan vidija kako je prid Veliku Gospu izgledala punpa na groblju
Jesan,vidija san:
Otvori ...Zašto još uvik nema imena poginulom branitelju?
Ka i svaku godinu i ovu je na godišnjicu tragedije u Bosanskomen Grahovi opet krenila priča zašto još uvik na spomeniku poginulima braniteljima nima imena od Lorana Šulentića,a ja mogu samo reč,pošto nan nije uspilo u prošlome sazivu Mjesnoga Odbora,onda smo sad u novome sazivu MO-a (Željan pridložija) opet pokrenili proceduru da nepravda napokon bude ispravljena i ime poginuloga momka napokon bude upisano. (Iako me straj da če i dalje…
Otvori ...Pa mi se ni okolo najobičnijega čepa ne moremo složit
Kad san tamo krajen šestoga miseca bija u Italiju,prvi put san se susreja sa bocon sa koje se ne more skinit odvidani čep,gleda san nikako čudno u oto čepa,ali san na kraju skupa s njon zaključija,da je to biče falinga u proizvodnji,kako smo na proputovanju minjali gradove,a svaka kupljena boca je imala tu istu “falingu”,nas dvoje je zaključilo kako to nije tehnička greška,več je to namjerno napravljeno,e a sad kad…
Otvori ...Ovako je to bilo na fešti ča su je učinile maškare
Ovi petak je u selu bila fešta o maškar. Eto vidiš,mislija san se fermat samo na ovoj gori prvoj rečenici,jerbo mi uvik pribotunadu,zašto si napisa ono nako,zašto ovo vako,pa onda da preferiran ovega ili onega,a znate ča,a ajdete lipo … Bilo komen drago oli ne,maškare kad činidu u selo feštu,a tako je i ovi put bilo,jemadu najviše svita,oliti ga posjetitelji,a ovo ča se tiče ponude spize,sve su to nijanse,jerbo ča…
Otvori ...Kako ono ide,šta gluplji seljak,to veči kunpir
To je poslovica koja se več odavna pripričava,zanimljivo kako je svake godine priča okolo kunpira sveprisutna,počevši od onoga,jesi li posadija kunpire,vidi kolika je več u mene cima-stabljika,do one na zanju,koliko je ko količinski kunpiri izvadija,a uz to i puvanje ko je večega uzgojija,a pa eto,kad se več falimo,onda moran reč da smo mi ove godine jemali trofej od šezdesettri,sedan deki,e,a moran priznat kako se “Ona” večinu vrimena bavila okolo tega…
Otvori ...
Komentiraj