Opet nova cerada na priobučivalicaman,na kraju ima ništo i za žuntu
Znate kako je tamo okolo sredine šestoga miseca meklo cerade na priobučivalice sa motiviman Sučurca s tin da su malo falili,pa su tako uz motive iz našega sela mekli i Kanbelovski spomenik učinjen Fabijanu i Jakovu Dražinu,pa su onda nakon jednu tri dana oto prominili i mekli novu ceradu,ovi put bilu,za da bi jučera ujutro oto cerade opet prominilo i meklo novu,ispravljenu,sa motiviman iz našega sela,a pa san malo pričeka,nisan tija odma jučera mečat,triba malo saslušat šta puk govori,kako se reagira na ovo minjanje ceradi i dupliranje troškov di se zbog nečije falinge uletilo u nove troškove i štanpanja drugi ceradi Gojača-Sokolana,zar nan toliko pritiče,a neka bolje da jemamo,lipo je znat,kad bude tribat,da nan nečedu reč,kako se nima…
Neču više oba ovemu,neka svak za se donosi odluke,a ča bi ja tija,nije mi valjala ona cerada sa falingon,sad mi opet nevalja kad je ispravljeno,a pa ko bi tebi udovoljija…,naravno ispast če ono ka,ovi je uvik kontra,ajde pak…
Sad oto vako izgleda:
A bilo je ovako:
Evo ču ponovit text ča san ga u šesti misec oba ovomen pisa:
Na Sokolanu je mekno priobučivalicu,ali…
Postavio:admin Datum:June 14, 2023 11:49
Znate ono kad je 2021 nije ni do petnajsti sedmoga meklo,ove godine priobučivalicu na Sokolanu je jema dva dana stavilo,ali ka šta to več u nas po običaju biva,o ceradi sa kojon je otu priobučivalicu pokrilo govori se na sve strane,a i mene je fermalo,pa me pitalo,a je li ti iz Mjesnoga Odbora,a reci ti nan,a kakve veze jemadu spomenici iz Kanbelovca sa Sučurcen,a ja ji gledan i neman pojma o čemu se radi,alo,o čemu to Vi,kako o čemu,meklo je doli na Sokolanu priobučivalicu na kojoj piše Kaštel Sučurac,e ali, ka po običaju u nas ništa ne more baš bez otega (ali) zašto je na toj Sučuračkoj priobučivalici uz motive starega kanpanela,podvorja i panorame našega sela,slikane sa Kozjaka,meklo i Kanbelovski spomenik Fabjanu i Jakovu Dražinu????
A niman Van ja pojma,nimaš pojma,a vidin ja da u naše selo more svak svašta radit i mečat,a Mjesni Odbor nema pojma,a zašto,kad je več išlo mečat motive od našega sela nije meklo i crkvicu Svetoga Jure,sigurno oto misto ne mirita da ga se na ceradu mekne,ipak je to samo neka tamo crkvica od koje je krenila povijest nas Hrvata,ovi drugi na to doda,a mogli su i Trpimirovu darovnicu meknit,ali nisu,a zašto se Vi iz MO-a niste zato založili,ma ča uopče radite,zašto mi o tomen ništa neznamo,a di je ono kad ste prije izbori govorili, kako čete bit transparentni,prošli su izbori,a sad parite ka nika tajna organizacija…??
I ča san ja sad moga na ovo sve reč?
Ništa,nego,a ljudi moji u pravu ste,niman riči za opravdat se…
I na kraju,evo one žunte ča san je u naslovu spomenija:
Od jutros je ono trave od isprid anbulante pokošeno,pa to više ne pari ka đungla.
Eto.
E moran priznat kako su me Marsovci ipak iznenadili
U dane od Ultre U Split se sjatidu sa svi kantuni ove naše balote Zemlje,nema koju boju kože ne moreš vidit i jezika koji na svitu postoji,ne moreš čut,tako da smo se u devet godin Ultre svega nagledali,ali moran priznat kako su ne samo mene,več sve prisutne,jučera na Rivi ove dvi Marsovice iznenadili i svi su razgoračeniman očiman,sa nevjericon,prema njiman gledali,čak se pronila vijest,od oni ča su tamo bili,kako je…
Otvori ...Evo je ponovno meklo srčeko
Osvanilo je na ono misto di je i bilo,pa me danas štucigajedu,a ča je ništa ne govoriš,a ča ču govorit,koliko toga je bilo prilišnije od ovega,ali nije bitno,biče,oli je priša,a je i tebi ništa nevalja,to ka meni,govori ovi jedan,a šta to npr. meni nevalja,a tebi valja,evo vidiš kako je ono ruvinano srce lipo ušestilo i vratilo ga nazad,aha i ča ja sad triban trčat po selu mavat zastavican i vikat…
Otvori ...Svi se pušedu sa slikanin super Misecon,pa što nebi i ja?
Ova dva dana na svakomen kantunu od društveni mriž,razni portali… slike o super Misecu,pa onda moreš čut razna pitanja,ma je li more bit baš tako crven,nako kad ga gledaš ne ispada baš tako crven,a kako more bit tako crven,…,eno nako. Inače,zašto se to zove super Misec Zašto je ove prošle dane parilo da je Misec bija(velik je ka lavapijat),a razlog tome je šta se Zemlja, Misec i Sunce nalazidu u…
Otvori ...Klupe za dojenje i minjanje pelen
Sve više se pojavljijedu klupe za dojenje i minjanje male dice,a naravno ka i uvik jema oni šta su protiv toga da mame dojidu dicu u javnosti,več da bi to tribale činit doma u četiri zida,jerbo je to po njiman intiman čin,bla,bla,truč,trač,a zanimljivo otu tezu zastupadu oni koji su i protiv pobačaja,a jedno sa drugin se nikako ne poklapa,ali sriča kako puno više jema ovi drugi šta odobravadu dojenje u…
Otvori ...Panika na Sokolani
Zvoni meni popodne u četiri manje kvarat mobitel,a ja taman ubija malo oko,jerbo me satralo ove dane po Italiji,a kad smo se vračali,drndali smo se četrnajst uri u autobusu,e zatvorena Oštrovica Kikovica,pa onda Maslenica i ka Mageljani,sve okolo smo morali odit,a ovi ča me zva me još napa,spavaj ti spavaj,a na Sokolani panika,koja panika,a da je ništo kafeno ušlo u more,a kako je to ušlo,svi su od straja iz njega…
Otvori ...Koja kanta,za u ligu naroda
Ma baš smo prava selendra,ono malo turisti šta nan dođe uz ona govna šta nan je svakodnevna slika na rivi u memoriju svoji mobiteli i fotoaparati obavezno spremidu i kantu koja se nalazi koji desetak metri dalje od ove prve atrakcije. Ova druga je na Gojači: A da vidimo malo šta drugi imaju,a imadu lipe šesne moderne kante koje radidu na sunčevu energiju,sabijadu otpad,signaliziradu kad je kanta puna,da je triba…
Otvori ...Koji su ovo radovi na staremu kanpanelu?
A u početku je bilo to malo zbunjujuče,iako je Matković sa svojom ekipon doša skinit ove dotrajale cijevi od rasvjete,nakon šta je Jurlin zva na mobitel za vidit o čemu se tu radi,sa druge strane je bilo kako bi ovi tribali i onu stinu ča je nikidan sa kanpanela pala,zalipit? Ma čekaj malo,pitanje je momenta kad če i ostalo odozgara počet padat,a bitno je stinu šta je pala,zalipit? I dalje…
Otvori ...Auuu,koliko lipote na jednomen mistu
Nikidan je u Splitu na rivu u autan bilo vridnosti od jednu nikoliko desetak milijuni euri,pa se tako na jedno misto moglo vidit i Lanborđinije,Ferarije,Maseratije,Bugatije,Poršee,Bentlije,Rojs Rojseve…,a razlog je reli superautomobila nazvan Gumball 3000,a Split jin se naša na proputovanju prema krajnjemu cilju,Crnoj Gori. A nisu se ni Spličani dali,ko nezna kako ove gori nabrojane aute zvučidu,provat ču ja slikovito objasnit,a to kad oni dadu gasa,onda to zvuči vrooom,vroooom,bruum,da se treslo…
Otvori ...
Komentiraj