Svi sveti
Svi sveti se u narodu povezuju sa odlasciman na groblja postavljanjen cviča i paljenjen sviča na grobovima najmilijih koji više nisu sa nama. Sve je počelo sa papon Grguron III koji je datum prvi studenoga izabra za posvetu jedne kapelice u katedrali Sv.Petra relikvijama apostola i svi sveti mučenika savršeni pravednika koji na svakome kantunu svita počivaju u miru.Ovde u Dalmaciji na današnji dan,a to pantin još od kako san dite bija se jidu bobiči i to po nikomen nepisanomen pravilu bobiče kupujedu muški i poklanjadu ji punican…, a isto tako od o ho ho prije pa sve do današnji dan ovi naš bobisov dučan u Sučurcu je poznat po največoj količini prodani bobiči na oviman prostoriman.
I još jedna zanimljivost,velika večina mladoga svita danas, uopče nezna šta su to bobiči,evo meni čer dokle je u sridnjoj bila u Nazora,doznala je kako niko u njenomen razredu nikad nije ni čuja,a ni prova bobiče…
Holliveen Halloveen ili oboje?
A ča moreš pametno još napisat o oniman događajiman ča se periodično ponavljadu svake godine? Ništa.. Je nan ova zapadnjačka “kultura” od kraja osandeseti na ovamo prosvitljenje učinila. Ma zamisli ti blagodati,do onda smo samo sa onoliko pinez koliko smo u žepu jemali, mogli raspolagat,a onda smo se najedan put priporodili i uz pomoč ono bokun plastične kartice moga koliko si ko tija bez pinez kupovat,tribalo je dosta vrimena dokle…
Otvori ...Torcida danas slavi 75. rođendan
Na današnji dan iljadu devesto i pedesete godine na spliskoj Pjaci osnovana je navijačka skupina Torcida,najstarija u Evropi
Otvori ...Zaređena trojica đakona
U ovu nedilju u Đakovačkoj katedrali Svetoga Petra Đakovačko-Osječki nadbiskup Đuro Hranić predvodija je euharistijsko slavlje tokon kojega je zaredija trojicu đakona. Zanimljivo je kako je prvi put da su zaređena dvojica đakona sa Afričkoga kontinenta,a njiovi najbliži koji nisu mogli prisustvovat ovome slavlju su ipak u realnomen vrimenu,pomoču suvremene tehnologije,slikom i tonom mogli pratit svečani čin ređenja.
Otvori ...A kad če ovo doč na red?
Jema več duuuugoo vrimena kako je pukla mriža na onu zapadnu “ponistru” na staremu kanpanelu,a evo za one ča su dosad govorili kako se meni pričinja, slika,na kojoj je uz pomoč juga to lipo vidljivo:
Otvori ...A di je nestalo ono jadno malo drvo?
A jema koji dan da ga je posadilo i sad je nestalo,jema bit da bi to tribalo bit ovo stabalce ča je zamisto livo,sad na desnoj bandi,sinja san sa crvenon točkon. Čudidu se po selu kako jema par daan da ga je posadilo iako se znalo da čedu se ovde izvodit radovi,zbog koji je sad oto stabalce,sa otega mista na kojega je posadilo,maknuto. Odlična koordinacija. Stabalce je bilo ovde: A…
Otvori ...Ko govori da se samo u donja Kaštila uređijedu šetnice?
Evo jema dva dana da su i u nas doli na Sokolanu počeli sa radoviman,betonirat če se postoječa šetnica,a oni ča jin je to bila uobičajena ruta,moradu se, kad sve bude gotovo, pripremit za nešto duže hodanje (cca 1minuta),za petnajestak metri više nego ča je to do sad bilo.E. Inače okolo ovi radov su se još u peti misec na licu mista dogovarali predstavnici Cemexa sa predstavniciman iz Grada.
Otvori ...Napokon je došlo i ovo na red
Ne triba puno opisivat kako je to bilo kad se odilo onon ceston od magistrale put groblja i obratno i evo se sad napokon i to sređije:
Otvori ...Zanimljivo opiturana zebra
A pošto se nalazi u Zadru, ima oni koji govoridu kako je i zebra stranački obojena,jer zna se ko je tamo na vlasti 😀
Otvori ...
Komentiraj