Nikidan se sve raspisalo o tomen kako je dvoje turisti sa rusaciman u Veneciju ispod niki skalini išlo skuvat kafu,ovi ji je jedan prijavija i zbog toga su dobili,ne samo kaznu od devesto i pedeset euri,nego i progon iz grada,meklo ji je na crnu listu,ka nepoželjne. A koliko bi onda kazne triba dobit ovi jedan turista ča je na Spliskoj rivi na kuvalo navisija obid da mu se kuva?

Pri nikoliko daan opet je iz onega potoka ča ulazi na plažu Sokolana svašta izlazilo. Zvalo me da dođen vidit,a dokle san doli doša toga više nije bilo,ali san uspija uvatit ovo dvoje mladi koji su išli vidit o čemu se to radi,pa je momak pita ovoga jednoga “gud voter” i pokazije prston na potok ča ulazi u more,a ovi mu odgovara “no gud”,malo su gingali glavon,malo popričali,skupili su stvari…

Zašto oni šta tribadu ne učinedu svoj posal da bi se oni koji nisu, spojili na kolektor šta prolazi Novin puten?Bitno je da su se za oti kolektor potrošili pusti pinezi,a on stoji suv. Zašto kad u nas izlazidu govna u more nikoga od vrja Gradske vlasti nima po medijiman,a kad se to dogodi u Donja Kaštila onda se dajedu puste izjave? Opet na Rivi smrad sa ovakviman slikan:

Bila je to večer za pančenje,jedna od bolji fešt do sad,ako ne i najbolja,sve pofale organizatoru,vodili su računa o svakomen detalju,čak su obavijesti o ne parkiranju aut na tome području,znajuč da tu stojidu i stranci,za nji te obavijesti bile napisane na ingleškomen,a i jedan ne tako zanemarujuči detalj,jer se radi o nečemu vrlo važnomen,ovo je prva fešta da se koko sitija meknit one plastične zahode,pa smo onda sinoč u selo…

Bilo je kad smo ja i mala došli doma sa utaknice od Ajduka. Ma daj di si to čula?A je, eno piše po portaliman,govori Ona i još pišedu da se napalo i svečanu ložu. „Ma nije to tako bilo,igrači su se od velike euforije zaboravili poč poslin utaknice javit navijačiman,pa su eto,navijači svratili do terena za nji pozdravit.“ Ajme ljudi kako je oto utaknice bilo teško za gledat,pogotovo drugo poluvrime…

Puno toga se ove dane o Ultri moglo čut i pročitat,pa je npr. tako nakon svake večeri bilo čuđenja kako je prva pomoč jemala malo posla i nije bilo nikakvi neredi??? Ma dobro pustimo to,uvatimo se ničega drugoga,doli na Rivu te dane od Ultre komunalni redari su zaustavljali mladost ča je tote odila bez majic i naplačivali jin kazne,e neka znadu kakvi je u nas red dobacija je ovi jedan…

Po ovome se more vidit koliko je Sučurcu važna ova plaža na Sokolani,ali nadležni u gradskoj upravi to nikako da svatidu. Sokolana: Gojača:

Jučera je u ulici Rimski put opet je pukla ona tlačna cijev od kanalizacije. Zašto opet? A zato jerbo je u istoj ulici,samo par metri na zapad od ovoga sada mista,pukla u četvrti misec 2013-te godine.Opet na isti način,a to je da se podiga lipi dijal asvalta,a sadržaja iz cijevi bilo je toliko da je odilo i priko ceste,a kasnije su došli i vatrogasci pa su otu šporkicu sa šmrkoviman…