Vidija san da pasi nosidu novine,pa i papuče,ali da u zubiman nosidu šteku duvana,e to san nikidan prvi put vidija.

Veselo na svakomen kantunu.

Obratija mi se u selo jedan naš miščanin koji me svako malo zna obasut sa lipiman podaciman iz naše bogate stare baštine,želeči da ja, kako me nazva,ka novovikni kroničar našega „Malega Mista“ zabiližin koju crticu. Ovi put mi je da izvatke iz JADRANSKOGA DNEVNIKA od 1934.godine-preteča današnje Slobodne Dalmacije,di odma na naslovnici moreš vidit zanimljive naslove,ka npr.da vlast triba pomoč siromašnoj Dalmaciji,Ingleži činidu problem Evropi u Jamerikan štrajkovi itd. /sve…

  Šta se triba koja tragedija dogodit pa da reagirate… Svakodnevna su pitanja na ovu temu kad kroza selo prođen,a ja mogu samo odgovorit da smo mi iz Mjesnoga Odbora jednoglasni u odluci da se tomen triba stat na kraj i to lani od desetoga miseca od kako smo se oformili,ali od gradski struktura po tomen pitanju nima nikakvoga pomaka,ka da niko “nevidljivi” cilo vrime koči da bi se oti…

A to je bila utrka in memoriam Ivica Radeljić koja se trčala doli od rive,pa gori do svetoga Luke koju su istrčali seniori,a dužina staze je osan kilometri koju je oni ča je doša prvi istrča za trideset devet minuti i trideset i šest sekundi,a onu kraču stazu,do planinarskoga doma koja je predviđena za juniore,oni najbrži istrča je za dvadeset sedan minuti i pedeset i tri sekunde.

Gradovi i opčine sve to očedu držat nikako zakukuljeno,ča po onoj novoj popularnoj besidi oče reč nisu baš transparentni za animiranje građani po ovomen pitanju. Buđet, oli ti ga proračun nikoga grada oli opčine je dobrin dilon unaprid definiran,a oni dijal ča nije postoji mogučnost da ga mi građani sa svojiman prijedloziman o prioritetiman koji su nan u selo bitni za šta kvalitetnije življenje definiramo. To se zove praksa participativnoga…

Evo je večeras okolo devet manje kvarat kroza Starčevićevu ulicu prošla makinjeta ča po cesti crte čini. I sad,ako čemo poštivat pravilo pune crte na cesti koje se,ako je priđete,smatra prekršajen,neka mi objasni oni koji je ovo nacrta ili oni koji je onomen ča crta,reka da ovako nacrta,kako sad ljudi ča gredu iz pravca sela moredu autan doč do svoji kuč i garaž,kad jin je meklo punu crtu i po…

U svitu se održaje jema več trideset i šest godin,a Split je danas po prvi put bija jedan od stočetrdeset gradov u svitu koji se pridružija globalnoj akciji Think Pink, na kojoj je kroza Spliske ulice prošlo okolo pet iljad svita,od koji su niki trčali,a oni drugi ča ne moredu trčat,šetali za oboljele od raka dojke,a posli utrke su za one koji zbog ote bolesti više nisu sa nan u…