U subotu su u Gospojskoj štradi Ante, Ivica,Tomislav,Vanja,Josip i Ivo,članovi Splicke Scene uspili publiku dvi ure držat atento,svi su čekali ča če sad koko od nji novoga reč,a nije u današnje vrime baš lako bit stend ap komičar,sa mikrofonon u ruci,na milost i nemilost stojiš sam isprid publike i strepiš kako čedu oni sa suprotne bande ča jin je puna kapa svega, reagirat na ono ča če komičar reč,a moran…

Na južnomen zidu od rukometnoga igrališta članovi Sučuraške Torcide su učinili jedan puno lipi mural u koji se uložilo puno truda i ljubavi,ali posal ni izbliza nije gotov,mora se sa sjeverne strane sanirat zid,jerbo kroza pukotine zida če kad bude padat kiša probijat voda i uništavat oti mural,a isto tako po planoviman, rukometno igralište bi tribalo krasit još murali.

Znate onu rupu ča se otvorila u Starćevičevoj ulici zbog prolaska teškoga prometa,e došli su u ponediljak iskopali,nasuli materijal i išli ča. I sad san ja mislija da če to tako sa žalon barenko jednu misec daan stat,kad ji eto sutra dan najranije ujutro, došli su i oto asvaltirali. Opet se i ovde založija jedan iz našega sela ča ga neču imenovat dokle mi on ne reče da mogu. A…

Nakon ča san obavijestija i popa i presjednika MO-a jučera san opet iša vidit na groblje ča se događa,mislija san da ču nač konzervatore,ali san naša samo čovika koji radi na bageru,pa san ga pita je li mu ko reka da ferma sa radoviman,zbog kostiju koje su tu nađene i koji mi je reka da mu je rečeno da neka nastavi sa radoviman,a ovi ča je bija sa menon se…

Jučera je mobitel bija užaren,sa svi stran je zvalo da ča se ono u Gospe kopa,pa san iša vidit i je,sve je isprid raskopano,a tamo na zapad di su oni čenpresi je i dijal žil okinut,a u selo odma krenila priča da zašto se to kopa kad se uvik govorilo da su tu naši preci pokapani,znan kad san u svoje vrime, kad mi je otac ono bija groblje vodija pita,da…

Kako san jučera zbog onega ča se isprid crikve kopa par puti bija na groblju,e oti zanji put kad san izlazija iz Fiče odma mi je iz daljine mavalo da dođen,a ča je,ma ča ča je,sramota,na nijednoj od tri čatrnje (isprid mrtvačnice,na staromen dilu i doli južnomen dilu groblja)ne moreš vode napunit,jedina ča radi je ona četvrta,ča se nalazi namo skroz na istočnu stranu.

Odma na početku moran reč da me sjednice ča ji jemamo u Mjesnomen odboru sa odgovoriman zašto to šta smo mi tražili da nan u selu triba,ne moremo imat-dobit,podsječaju na onu Britansku seriju „Da ministre“,baš na zanjemu sastanku,niko vrime san drža zatvorene oči i samo sluša odgovore presjednika MO i mislija da san u toj priči,ali kad san otvorija oči,suočija san se sa žalosnom stvarnošču. Od zanjega sastanka Mjesnoga Odbora…

Pitanje je vrimena kad če se u Starčevićevoj ulici dogodit koja tragedija jerbo su političari dozvolili da se kroz nju odvija teški kamijonski promet,za kojega se,tamo za di je predviđen da triba odit,radidu ceste po posebniman uvjetiman,počevši od podloge ispod asvalta,ka i samoga asvalta koji je u odnosu na ovi ča je u Starčevićevoj i po četiri-pet puti deblji,a o tomen kako je ovo gusto naseljeno područje nečemo ni spominjat….

Na današnji dan 1991 godine Hrvatski Sabor donija je Ustavnu odluku o suverenosti i samostalnosti Hrvatske države na osnovu referenduma na kojemu se 93,2% stanovnika Hrvatske izjasnilo za izdvajanje od tadašnje Jugoslavije.