Ovi iz sela ča čete ji vidit na slici su mi rekli da neka ispod slike napišen-novi Mjesni odbor.

A zato jerbo se je skidala jedna palma koju je obrstila ona Pipa,pa je postojala mogučnost da se zbog gnjileži deblo samo od sebe sruši,a pošto je ovo bija malo bebaviji posal i ovi put je to obavija Spliski alpinista Ivica Matković,dokle su policija i Komunalni redari regulirali promet i pazili na sigurnost pješaka koji su tote prolazili.

Iako je u niko doba počela i kiša padat,ča čete vidit na prviman slikan,Jučera je održan Deseti,jubilarni susret Tomos motorini u našemu selu.Sudionici susreta su se lipo družili,razminjivali iskustva,natjecali se u spretnosti voženja,ko če sporije,najboljiman su se podilile nagrade,pa su učinili đir priko sela i na kraju su svi ča su se tote na Rivi našli, od Zagora dobili po kornet…

Nisan ni ja baš od niki veliki školi,jeman samo onu diplomu od sridnje,ali mi je to dovoljno da vidin kako sa ovon novopostavljenon pločon ništo nevalja. Znači. Umisto dosadašnje Gospojske Štrade ča je od pantivjeka tote,niko se sitija sad ništo nadodat i upisat rič trg,pa bi ja samo pita jeli oni kojemu je ovo palo napamet zna šta je to štrada? Štrada=dvorište,pa Van to sad znači da ste u jednomen…

Klape Rišpet i Cambi su sinoč svojiman nastupiman zatvorili ovogodišnje Kaštelansko kulturno lito. A ovi isti feral se i lani ka i ovu godinu cilo vrime palija i gasija:

Jema od subote da od zgrade kraj Bobisa pa sve doli do mora teče cilo vrime nika voda. A koja je ovo voda,oli ne moredu napravit,bolje da se se uzalud troši,a jeli ovo mi plačamo itd.bili su komentari,ali ispada da ovo nema veze sa vodon iz vodovoda,jer kako su mi rekli,a to san zna,da su ove zgrade napravljene na bunariman,a pri nego su se počele gradit onda se ta voda…

Jema skoro i desetak daan da mi je jedan reka da neka iden u oni vrtič kraj crikve vidit kako između gumeni kocak reste trava. Pri par miseci tamo di se dica igradu na spravan,toboganiman…,je meklo gumene kocke za ublažavanje padov,ali ka ča vidite na slikan,između oti kocak je počela rest trava,a otu travu ne morete sad potaracat kosilicon jerbo bi sa krenon uništili gumu,a niti se ota trava more…

[gallery