Ovo mu je treči put.   A kako to več u nas biva,jednima je drago ča je doša,oviman drugiman nije,trečima je svejedno,četvrti pitadu kad če poč ča… Je li baš triba ovde doč ,zašto je baš triba ovde u nas doč,koliko če ostat,oče li nan ko zbog toga,oli neče, zamirit… Svašta se u pričaman more čut,a počmen li,morat ču onda puno oni bi.biiip-ov napisat,pa se bolje toga ne vatat,jerbo je…

Evo danas se satove maklo uru naprid,o tomen da če ovo bit zanji put,da če ostat na zimskomen oli litnjemu vrimenu,itd.itd.nečemo,više su dosadni sa otin,bit če ča bude,brzo če se dogovorit. Nego,kako su stari u našemu selu,kad su bili u polju,znali koja je ura? Lipo,gledali su u prirodnu uru,takozvane kline,koji su poredani na Kozjaku,a koji bi,u odnosu na položaj sunca,bacali određenu sjenu,prirodni sunčani sat i to ne bi baš puno…

Vratičemo se  tamo u daleku 1596 godinu kad je Uskočka vojska na Cvitnicu sa stanovniciman Kaštili i Sučurca osvojila Klis iz Turski ruuk,a na čelu in je bija Spliski plemič Dr. Ivan Alberti,general Juraj Lenkovič,Biskup iz Senja i naši Sučuraški glavari. Ali nažalost,nakon samo dva miseca izdajon Venecije Klis je ponovo dopa u ruke Turak,tako da su Sučuraški glavari od kazne smrti spašavali glave i morali su iz sela bižat…

Ovo kako je učinilo nevrime i pa snig svugdi okolo nas,a kraj trečega je miseca,odma su počeli, da kako se ne panti ovako ništo u nas u ovemu zemanu,a ja oviman,da kako je pri koju godinu ovod u selu u četvrti misec snig pa,samo ča me nije izilo,ma vidi pametnjakoviča,mudrijaša,ajde Vakula u sve se razumiš,bla,bla,truč,trač,e i sad san se ja š njiman triba karat,a kad neču,evo Van na crno na…

Najpri je od ranoga jutra divljalo Jugo,a nakon toga je okrenilo na Lebičadu,sriča da je more bilo nisko,tako da kalete u staremu dilu sela nisu poplimale,ali,okolo sedan uri uvečer,more se pomalo kroza raštele u kaletama ipak počelo lagano pojavljivat…

Po selu se brontulaje,beštimaje…,govori se da je li ovo ono,prošli su izbori pa više ne miritamo da nan za Uskrs podilidu bonove,pusti gradovi i opčine dilidu šakon i kapon,a naši ovde mučidu. Ali,jema bit po čulareklakazala,da su se i naši,zanji momenat odlučili,da bi se bonovi mogli dilit,a kad če to bit,jerbo je puno nji več odavna sa diljenjen počelo,a vidičemo.

A danas,21-ga,na prvi dan proliča triba je jemat šesdeset i tri godine,a pošto smo se nas dva uvik okolo ničega pripirali,tako je i datum njegovoga rođendandana isto tako bija predmeton karbe,jerbo kako je bija rođen na prvi dan proliča,onda bi ga ja namjerno zva dvadesetoga i čestita mu,a onda bi počela rasprava,on bi meni,kako mu danas,dvadesetoga,nije rođendan,več dvadeset i prvoga,ma čekaj malo,je li tebi rođendan na prvi dan proliča,sa druge…

Ma zanimljivo je ovo sa prvim danon proliča,kako znamo kad smo bili u Osnovnoj školi,tamo do četvrtoga razreda,obavezno pitanje bi bilo,nabroji mi sva četiri godišnja doba i datum kad koje od nji počimlje i ka šta isto tako znamo,proliče počinje dvadeset i prvi trečega,ali jema več i više od petnajestak godin da proliče počinje dvadesetoga trečega,oliti dan ranije,a još zanimljivije je od svega,kako govoridu stručnjaci da če tako bit sljedeči…

Vatrogascima nije bilo ni malo lako,noč,nepristupačan teren,bura…i neka je sve to bilo protiv nji,uspili su stavit požar pod kontrolu,a pritilo je da se dogodi scenarij ka ča smo ga več vidili i osjetili,kad je biče to bilo pri petnajestak godin,kad je iz pravca Solina,prema nan,cilu noč gorilo i izgorila stara borova šuma i požar ujutro doša do našega Gaja,di se uz velike napore vatrogasac,miščani i kanaderi,udunija.