Tradicionalno,evo več šestu godinu za redom klapa Podvorje za Velu Gospu čini koncerat u Gospojskoj štradi koja je bila krcata,jer je počevši od partera,priko balaturi,balkoni,sklalinadi,galerije sve bilo puno,tribalo bi za ubuduče razmislit o montažniman tribinan E. U pauzan,za malo počinit pivala je ženska klapa iz Bosne Arabela,a na kraju koncerta publici je predstavljen i novi presjednik klape Podvorje, Marin Sarić,mladič iz našega sela koji jema dvi godine da u klapi…

U subotu su članovi KPU Kanpanejal,oli ti ga Sučuraške maškare učinile feštu,a počelo je okolo sedan uri zbog toga jer je fešta bila humanitarnoga karaktera,pa su tako postavljeni štandovi sa ručniman radoviman dice s posebnim potribama iz Centra za rehabilitaciju Mir, Udruge tjelesnih invalida Kaštila i udruge Naša dica koji su se prodavali,a Udruga Kanpanel je još svakoj od udrug donirala po pesto kuun. Inače zabavni dijal je počeja iza…

Danas su užežin Velike Gospe Sučurački vjernici od župne crkve SV. Jurja procesijom došli do Gospe na Hladi di je održana sveta Misa.

Da ča san ja jema odit na utaknicu, da su radi toga i izgubili i da slučajno nisan iša ovo sad kad budedu igrat sa ovin stranin klubon ča če nan doč (neznan ni kako se zovedu),je ja san kriv,ča se naši nisu snašli protiv Dinama i ča se pokazalo da nan je sredina neuigrana,obrana šuplja itd.itd. Je,istina je da mrzin balun i da ritko kad,gren na utaknice,ali ovi put…

Jučera san nakon dugo vrimena iša gledat Ajduka i Dinama,proradija je u meni “oni dišpet”,a po tomen da je stadijon bija do zanjega mista ispunjen očito je da nisan jedini. Neču sad o utaknici (to ču sutra),sad ču o jednomen natpisu kojega su jedna od one dvi grupe Dinamovi navijači razvili ka transparenat na kojemu je pisalo “DABOGDA OPET IGRALI NA VISU”,a najpri čemo pojasnit malo o ove dvi grupe…

Evo ovako je to bilo u Podstrani na Dan proslave Oluje di su okupljeniman pivali Miroslav Škoro i Mate Bulič. Da ja puno ne govorin pogledajte slike,jer i tako se reče da slika govori iljadu besid.

E,a ovo kako na oviman slikan izgleda je veliki problem,ono turisti ča je u selo došlo i kojiman je Sokolana hit samo se kupidu sa plaže ča,a i našiman nije baš svejedno,jerbo se nezna ča se sve krije u ovoj muteži ča iz potoka izlazi vanka,a plaža koja je cila mutna,bi se nakon nikoga vrimena kad se sve vrati u normalu opet tribala razbistrit,s tin da če ovo kafenilo past…

Nakon tri sedmice građenja u ovu subotu na Sokolanu je porinut mali brodič Batelina,tj več odavna zaboravljena vrsta dalmatinskoga drvenoga brodiča kojega su gradile vridne dičje ruke, koje su pomagale Jamesu i Inki koji su iz Jamerik došli u Sučurac da bi sa dicon činili brode,ovo je bija, nazovimo ga projekat dičje brodogradnje, di su dica učila o tradicionanoj izradi brodiča i šta je najvažnije bili dijal izgradnje od prvoga…

Sutra,u subotu, maškare na Barbarincu činidu feštu i to koju, biče mukte jiča i piča koliko ko morete sa sebon odnit,naravno u drobu,a močete i zabalat, sa muzikon uživo,a kako se do tamo pribacit?lipo,kako ko, koko če sa buveliman-koliman,niko sa luftičiman,a jema ji ča čedu i sa plastičniman brodičiman,kajičiman,gajetan,,jahtan…,a i maškare su osigurale prijevoz,tako da u jedanajst uri i u podne sa Mula jemate brod koji če Vas tamo odvest,a…