Nikidan san uletija u priču sa jednin Sučuraninon šta u selu ne stoji stalno,več povrimeno,ali prometni kaos u ulici u kojoj mu se nalazi kuča nije privremen,več stalan i samo je pitanje dana kad če se dogodit velika tragedija,ali niko onda neče moč “ruke oprat”,da on za to nije odgovoran,jer uz moje pisanje na ovoj stranici,o problemu san par puti govorija i na sjednicama Mjesnoga Odbora,tražija da se sedne sa…

Jema več prilično vrimena da se na šetnici na Gojaču otvorila lipa rupa i meklo je ova driva da koko nogon ne upadne,ali po noči je puno nji za ovo “konstrukcije” zapelo,jerbo se baš ne vidi najbolje,a pa su mi rekli da neka meknen i napišen, da ča se koko triba priko ovega slomit,pa če se tek onda sredit?

Kako je u petak primiščalo jedan kandelabar od javne rasvjete,sada ne svitli ni on,a ni za ona dva posli njega nije proslijeđena struja,tako da sad to uvečer izgleda evo ovako:

Jema cilu prošlu sedmicu da,ča na Gojači,ča na Bistrici, ne radi jednu desetak kandelabri i onda to uvečer izgleda evo ovako:

Svaki dan sve više jema nji ča šetadu sa pasiman,a kako se povečaje broj pasi tako iz dana u dan jema sve više govan,e na plažaman,e na Rivi,e u Getu,e u Varošu,e u…eno namo,odluke su donesene,kazne su poznate,a govan di se ko okreneš?? Pa onda ljudi kad ugazidu u određeni objekat,šaljedu kvragu pase,a oni bidni uopče nisu krivi.

Tamo okolo četiri ure popodne kroz selo su se čule sirene sa vatrogasni aut koje su odile staron ceton prema istočnoj strani od sela,a tamo kraj Emezete,užgala se ferata,točnije lokomotiva koja je vukla vagune-cisterne,govoridu prazne,a veču dežgraciju su spriječili naši vatrogasci koji su sa pjenon uspješno i brzinski zapaljenu lokomotivu udunili pa je tako moguča katastrofa izbjegnuta.

Ovo kako je korona virus krenija tako je sve okolo nas deškvarta,ništa više nije isto ka pri,a oni ča su se nakon korizme mislili oženit to zbog razni zabran nisu uspili napravit,a onda kad je parilo da se sve vratilo na staro,oni ča su bili na redu to sa piron su uspili uz ove i one mire odradit,a onda se opet sve zakonpliciralo,virus se raspojasa,pa se opet počelo šuškat o…

Kako vidimo Korona virus nije, ka ča se to mislilo da če sa toplijiman daniman pobignit,je li ovo drugi val ili ka ča nan očedu reč da nije,več da su to krakovi od onoga prvoga,o tomen neka se “oni”između sebe karadu,uglavnon vidimo da je jučera bija dan koji je od pojave toga virusa bija jedan od najgori,ča se broja oboljeli tiče,čak se donila odluka da u zatvorenomen sad svi moramo…

E a sad da koko krivo ne svati,to je ono vanka di se mekne šugaman za leč,žalo je sa toga mista skroz nestalo. Prolazin danas Gojačon i jedna žena ča se tote kupala mi govori da je li mi more ništo reč,da je li more,govorin ja,pa mi pokažije na misto di je predviđeno za ležat na žalu i govori kako jema več dvi-tri godine da niko nije niti karijolu žala…