I sad če koko krenit u osudu ovega čina,a ovo se sigurno nebi dogodilo da je bista ostala tamo di je i bila,a na naše pitanje iz Mjesnoga odbora ni do dana današnjega,a prošlo je više od godine ipo daan,da   od gradski struktura nismo dobili odgovor ko je naredija da se bista pribaci ovde na Rivu? Jer,kad se to dogodilo,ondašnji Mjesno odbor je bija u blokadi i zbog toga nije…

A je bilo beštimanja i grintanja pri jednu dvajstipet daan kad je počela zabrana loženja na otvorenomen,taman onda kad su se ljudi tribali riješit raznoga granja i trave-korova.Ali zato to morete napravit ovi petak,subotu i nedilju,petak je več proša,pa je ostala još subota i nedilja,kako mi je reklo za ovo, nisan virova pa san nazva vatrogasce,jerbo i ja jeman ništo za užgat,je li istina da se petak subotu i nediju…

A nadamo se da je ovo prvi i zanji put da Uskrs slavimo na ovakvi čudan način.

Zanji deset daan Svaki put kad gren do dučana Ona mi reče vidi jeli jema, pa uzmi friškoga kvasa,a ove dane okolo Uskrsa po dučaniman je glavno pitanje,jemate li svježega kvasa,a u devedeset posto slučajev je odgovor,nima,a pojte vidit u Interšpara,ja san pri niki dan tamo uzeja,dajedu po tri kockice,tako da bude za svi.

Prisinoč ste mogli vidit takozvani super misec,a zove se tako jer je najbliže Zemlji,pa je zbog toga največi i najsvitliji i ružičast.

Peti dan #ostani doma Deseti dan #ostani doma Petnajesti dan #ostani doma Dvadeseti dan #ostani doma Dvadeset i peti dan #ostani doma Trideseti dan #ostani doma A usput jema i one divlje trave za iščupat

Nikad još nije bila ovakva Cvitnica,mise su bez vjernika ili sa nji par u crikvama na pristojnoj udaljenosti,a isto tako se moredu pratit priko društveni mriž,nima procesije i ljudi sa maslinoviman grančican sa kojiman mašedu,ove se godine svelo na to da je isprid crikve meknuta kutija sa več blagoslovljeniman grančican po koje su ljudi dolazili i nosili doma. A kakvi če bit Uskrs zbog Korona virusa? A sad čemo malo…

Zbog korona virusa zatvorene su škole,dica učidu novitade priko televizije,a domači pišedu na daljinu i šaljedu interneton nastavniciman,zatvoreni su vrtiči,zatvorene su crikve,za Uskrs nima euharistijskoga slavlja,obiteljski uskršnji obidi čedu pričekat koje bolje vrime,nima krštenja,nima vinčanji,ne slavidu se dičinji rođendani,zatvoreni su kafiči,kina,kazališta,frizeri,pedikeri,ča je uzrokovalo manjak selfiji po društvenin mrižan…,nima sporski događanji,zatvorene su dvorane,stadijoni,odgađa se Euro 2020,ni Olinpijski igar ovo lito neče bit,na sprovodiman su samo oni iz najuže familije i zabranjeno…

Jutros je raskopan dijal šetnice prema Sokolani ča je potonija.Ča se misli na ovakvi način napravit neznan,vidičemo,jer kako mi je reka oni ča roni, ovde je problem u samima temeljiman? Inače,pitadu me da kako nima komentatori,a par puti san izbrisa komentare jer kako smo u nikoj stvari,ljudi bi se sad išvogavali,pa je najbolje da se,dokle ovo sve skupa ne prođe, ne komentira.Biče vrimena. 😀