Tamo di se na Brižine sa ceste salazi prema Emezeti,pa sve do Petro kamena,jednu petnajestak kandelabri ne radi,tako da je to područje jema par dan ča se vanjske rasvjete tiče u potpunome mraku. A to izgleda ovako: Šta bi moga bit razlog? Možda je čak probija kabel,jer da je osigurač,sigurno bi to več sredili.

Odgovor-spavan. E pa lipo se probudi i poj vanka slikat kako cimentara dimi. Ajde pak. Znači odma triba smirit paniku koja se danas po selu raširila,jerbo je cili dan dimilo,da je to zbog toga jerbo se uputila peč,a svaki put posli radov-remonti,ovako to bude okolo jednu dvadeset i četiri ure.

A da ne bude monotono,ovi je put kafenilo bilo prošarano sa bililon,ali je zato smrad osta isti.

Nakon šta je dijal obale strada u onemu zanjemu divljanju mora,tako je i do dana današnjega ostalo. Biče se čeka koja nova Lebičada oli Garbinada u nadi da če oto popucaloga betona povuč u more?

Učinija san đir prema Sokolani i ništa,vratija san se nazad okolo ure i pet i bila je nika siča,pa san se naša sa jednin nasrid Rive di smo pričali jednu dvadesetak minuti i on da gre ča,a ja govorin gren i ja,ma ču isto najpri povirit kakvo je sad stanje i evo,ovako je to bilo na uru i dvadeset i pet:

Nije baš bila ka ona pri tri godine,ali imala je lipu prolaznu ocjenu,e i dokle su jedni razglabali oba tomen kako je pri samo dvadesetak daan sve bilo od mora poplavljeno,vječita tema kod oseke je,a di se sad ovo silno more povuklo,nigdi je isteklo,ima nika velika rupa u koju je ušlo,pa če iz nje opet kasnije izač,je li sad na koje drugo misto išlo,pa je ka ča je to u…

Jutros je u Satrčevićevoj ulici na prilazu priko štrike vlak naletija na auto ča je tila prič priko štrike,a zanimljivo da je vlak odija iz pravca Splita prema Kaštiliman,a auta iz pravca Kave prema Sučurcu,pa se vlak moga vidit još dokle je bija puno daleko,tako da su se svi pitali kako se to moglo dogodit,ali očito je da svi mi koji prilazimo priko štrike tribamo jemat uvik na umu onu, kako…

Nakon ča je to počelo u petak,kad je osin šta san ja pisa,to još bilo i na Fejsbuku i portalu Dalmacija danas,pa onda opet u subotu,šta je izašlo na portalu od Slobodne Dalmacije i danas su opet na isto misto na Rivu ispod crikve govna veselo izlazila. Da odma nike stvari pojasnimo,ljudi beštimadu i šaljedu kvragu i eko sustav i to ča mi za izgradnju oto sustava več dvadesetak godin…

Deseta ura je zvoni mobitel,a ča je,di si,selo nan pliva u govniman,a tebe nima? Asti,a najbolje da dignen šator doli na Rivu i dežuran. Ajde dolazi. Evo gren. I dolazin doli,a jeman ča i vidit,a odma su me dočekali da neš ti otoga ča sad izlazi,a da san doša samo po ure pri to su komadi ovoliki izlazili (pokažijedu rukan). Ma ovo više stvarno nije normalno,jema več evo sad u…