Pitanje je vrimena kad če se u Starčevićevoj ulici dogodit koja tragedija jerbo su političari dozvolili da se kroz nju odvija teški kamijonski promet,za kojega se,tamo za di je predviđen da triba odit,radidu ceste po posebniman uvjetiman,počevši od podloge ispod asvalta,ka i samoga asvalta koji je u odnosu na ovi ča je u Starčevićevoj i po četiri-pet puti deblji,a o tomen kako je ovo gusto naseljeno područje nečemo ni spominjat….

Znate oni kanal ča su ga kopali za kabel od telefonije na prostoru di je bila stara crkva ča je stradala u bonbardiranju,a koji su obiližili sa kafenin asvalton? E,a sad su oti kanal koji je iskopan u otemu kafenomen asvaltu, zakrpili sa crnin asvalton. Pa to sad izgleda evo ovako: Ok,razumin da je zeznuto doč do mali količin kafenoga asvalta,ali da se bilo malo poigrat sa materijalon,da je bilo…

Evo i večeras smo u stari dijal sela opet bez rasvjete,u par navrati se to parilo ka da je u redu,ali sustav opet uporno ispada,pa je tako bilo i sinoč i večeras… Naravno da u selu odma krenedu priče,a jedna od nji je kako je ovo zavručilo, pa da se je biče koko na fazu od rasvjete spojija sa klimon.

Zanimalo me koliko su bukirali ovi naši iznajmljivači ovo lito pa san to iša pogledat na booking.com. Osim njega ima i Airbnb, Novasol i ko zna koje još internet agencije ali ja san gleda samo booking. Ovo ča je crveno to je bukirano, a ča je bilo nije :(. Gleda san sedmicu od subote do subote, osin oni 5 dan za vrime ultre, a ča je sve crveno osin jednoga…

Stari dijal sela skupa sa rasvjeton na Gospici sinoč i prisinoč su bili u mraku,jedino je gorija donji dijal rasvjete od Sokolane pa do rive,a po tomen se dalo zaključit da je javna rasvjeta podiljena na dva voda,ali po stanju na terenu,kad se ovakvi kvar dogodi,krivo raspoređena. Sinoč je okolo deset uri u trafo stanici u Varošu kvar otklonjen.

Jučera je Kurobasa u moru ispod crikve jednu desetak metri od obale-rive naša ručnu granatu,popularno nazvanu “kinder jaje” na koju se još niti lažina nije počela vatat,pa su jučera popodne specijalci-ronioci najpri osigurali područje,snimili situaciju u moru na poziciji koju in je Kurobasa pokaza i počeli sa pripremama,a onda i sa vađenjen bombe koju su,posli toga išli uništit jer je bila aktivna. Ovo je Kurobasi do sada 61.explozivni predmet kojega…

Da šahta nikako ne more bit u razini sa ceston to svi znamo,ili u nji upadamo ili od nji odskačemo,a i zanimljivo,kad ji mečedu moradu bit na tragu od livoga ili desnoga kola,nikako na sredinu od trake. Evo opet krpidu i okolo oni šaht kraj stare apoteke,a ča jema da su popravljali?

Pa su onda opet krenile priče da se to biče između komunalac,Zelenoga i modroga ili oni ča metedu selo nisu uspili usaglasit čiji bi oto posal bija,a dotle neka šporkica i garež stojidu,a turisti uz ostalo, jemadu i ovo za slikat,pa če imat za pokazat kad dođedu doma u kakvomen su selu bili.

A ča jema da je počela,a u petak je školsko zvono označilo kraj ove školske godine. Zvrrrrrrrr, zazvonilo je zvono u Osnovnoj školi kneza Mislava,a generacija ovogodišnji osmaši čula ga je zadnji put i mislija san kako če sad odozgara sa kata letit put izlazni vraat za ča pri izač,ali san se privarija, pomalo su s noge na nogu izlazili,parilo je ka da činidu korak naprid,dva unazad, isto ka da…