Niti je bija sudar,niti se auta zapalila,nego je čoviku za volanon došlo slabo naslonija se auton na drugu koja je bila parkirana i noga mu je ostala na gasu,tako da je oni dim iz aute bija zbog lamele od kunpluga koja je počela dimit,a to su sredili naši vatrogasci,dok je čovika priuzela prva pomoč,a do njiovoga dolaska su dvojica miščani (otac i sin) čovika izvukli iz aute i polegli ga…

Jeli ovo ono ča je Smoje govorija o pokrivanju jednon veeelikon ceradon i največemu cirkusu na svitu? A nije,to je u nas sutra veliki maskenbal na kojemu če prisutne zabavljat Dražen Zečić,a sve to če počet velikon maškaranon povorkon koja sa pilane gre u tri ure,a program u šatoru če počet u šest uri popodne uz Smile Bend,a nakon ča oni zagrijedu atmosveru onda na pozornicu dolazi Dražen Zečić…

Znate oni problem okolo lokav uz Kaštelansku cestu zbog koji su pješaci morali odit ceston? E u ponediljak su dobar dijal posuli i nabili oti materijal,ali na nika mista pari ka da če se voda opet zadržavat,to če se  moč vidit tek kad padne prva kiša,ali zato kišu ne triba čekat  za dijal na koji nisu bacili niti lopatu materijala,a lokve na to misto su u dužini od jednu dvadesetak-dvajstipet…

Ponediljak popodne iza četiri ure dogodila se teška saobračajna nesriča nakon koje su naši vatrogasci morali kidat krov od jedne aute da bi iz nje mogli izvadit vozačicu,za koju se govori da je bila pri svijesti,šta se točno dogodilo neznan,znan samo priče oni ča tvrdidu da su bili očevici,a bilo bi prilično neozbiljno kad bi ja sad ovde o tomen pisa,jer za to postojidu prometni stručnjaci koji če istragon doč…

A evo ovako,najpri je bija ples sa lunbrelan,nakon čega je bija bez nji,pa je onda na pozornicu uskrsa Bii Điz,pa su onda balali lancuni,nakon čega je doša na red i Elvis,oni Prisli,pa je onda bija kabare,a nakon toga sinhronizirano muško plivanje u sklopu kojega je prikazana i poznata scena iz Titanika na koju su snimljene razne teme, kad su ono dvoje zaljubljeni jedno iza drugoga na pašamanu od prove broda…

A taman je prošlo dvadeset daan od kako je u Jamerike učinilo ono leda koji je bija taki da su na ulican pljačkali one ča su bili obučeni u one Kanadske kapute od dvi iljade dolari,pod pritnjon pištolon ji skidali na licu mista i na se ji obučivali i ka ča je to i do sad bilo,samo neznan u kojemu obliku,ali je sigurno da oti led ča učini tamo,za jednu…

Evo jema več,e tote se nismo baš uspili usaglasit je li tristačetrdeset i pet,tristačetrdeset i osan,tristapedeset i tri,tristašezdeset i jedan…,a jema oni ča su jučera tvrdili da jema i cilu godinu daan da je ova šentada evo ovako,ka ča to na prvu sliku morete vidit,razbivena i događalo se da su ljudi ne znajuč za to i padali zajedno sa njon,ali sriča nikomen se ništa do sad nije dogodilo,a samo je…

Ka ča znate nikidan san pročelnici upravnoga odjela za komunalno gospodarstvo i imovinsko pravne poslove- Mariji Pelivan, posla upit zašto se ne riješidu one lokve na potezu od anbulante do Lučice,jer zbog toga problema pješaci moradu odit ceston zbog čega su u velikoj opasnosti: A to izgleda evo ovako: A danas san dobija odgovor,pa da nebi čako falija napisat ili da mi koko ne reče da san izvuka ništo iz…