Luda noč na Gojači
Bilo je sve do zanjega oče bit,neče bit,pa je odluka pala,biče,malo je bilo stresa,pa se onda popodne i kiša u dva navrata uvatila padat,a gledale su se puste prognoze,od oni Kineski,Hrvaski,Norveški… i na nijednoj nije bilo da če se kiša onako izlit,pa se onda kad je oto kiše stalo,na brzinu moralo sve sredit,jerbo vrimena je bilo sve manje,a nervoze sve više,jerbo triba počet na vrime,a ova mladost je pokazala kako je vrlo ozbiljna kad triba učinit posal,snalažljivi kad jin se stvori koji problem,a virujte mi,bilo ji je,ali o tomen neču,ustvari bi ja,ali su mi rekli,neka,šta je bilo bilo je,snašli smo se,a bome,kad je napokon sve to završilo pokazali su kako se znadu i proveselit.
E onda kad ji koko oče prikazat ovakviman i onakviman,a ovo par miseci od kako se ova Udruga navijači Hajduka u selu osnovala uz ovo gori ča san nabrojija,svojima djelima pokazali su i koliko su humani,ka i socijalno osjetljivi i kad bi svi oni koji su tamo na nikiman funkcijan,svoj posal radili ka ča to ovi momci činidu,bilo bi nan puno lipo,ali eto nije,ali,doče i njiovo vrime,kako se ono reče,na mladiman svit ostaje.
Naravno,priobučivalice na Sokolani još uvik nima
O onoj nesritnjoj priobučivalici ča je još uvik nima doli na Sokolanu svakin danon kružidu razno razne priče,pa mi je tako jedna osoba iz MO-a rekla da je njoj rečeno kako priobučivalice nima jerbo ju je ukrelo,a sad neznan kad ju je to ukrelo,iako put doli svaki dan učinen đir i nisan je nikako vidija,možda san slučajno prividija,pa san pita ljude koji su svaki dan od početka doli na Sokolanu,da…
Otvori ...Asti,a šta su ovi plakati zalipljeni po selu?
LUDA NOČ U SUBOTU NA GOJAČI
Otvori ...Da ko je ovo lipo opitura?
Jema sad če skoro i misec daan da je doli na rukometnomen igralištu Sučuračka Udruga navijača Hajduka u plavo crvenu koluru opiturala tribine,a na sjeverni zid učinila i natpis sa grbon,a onda su nikidan i na Gojaču na jedan zidič učinili jedan lipi muralič,a polemiku su učinila ona četiri zanja slova,pa se po selu pita,a je li,a ča ono znači,a onda iza toga slijedi ona;A ka reču ti… I na…
Otvori ...Opet u Varošu i niko ne reagira?
Ona uličica o kojoj san toliko puti pisa kako je puna trave,pa je zanji put ispalo kako su napokon i to uzeli u plan i program i pokosili,a onda san nakon par daan dozna da ni onda nebi,da jedna žena koja tamo stoji kad je ove ča su po Varošu kosili,vidila kako su ovu kaleticu opet priskočili, nije trčala za njiman i rekla jin da i to pokosidu,pa kako mi…
Otvori ...Da vidimo kako se kupači na Sokolani snalazidu bez priobučivalice??
Evo pogledajte u par slik ovega,mislin da je po šestu Francuz,koje je kerefeke mora izvodit dokle se priobuka u robu za poč ča i ko zna oče li nan se više u selo vratit. Dakle operacija oblačenje uz pomoč samo jedne ruke,jerbo se sa drugon mora držat šugaman kojega se okolo sebe omota,trajala je lipi pet-šest minuti,jerbo nije lako stat na jednoj nozi,a da se sa rukaman ne moreš za…
Otvori ...Požar na Braču
Popodne okolo četiri ipo na Braču je počeja požar i na ono maeštrala ča je bija punija nije izgledalo ka da če na dobro završit,ali je na sriču kroz uru vrimena dim bija vidljivo manji,a u međuvrimenu su došla i dva Kanadera koji su pomagali natopit namo di je bilo nepristupačno i požar se udunija. I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Otvori ...Jučera je asvaltiralo
Napokon su oni ča prolazidu ovin dilon Rimskoga puta do svoji kuč,odanili,radovi sa kanalizacijon nakon dugi… miseci su završeni i jučera je napokon meklo asvalat. I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Otvori ...
Komentiraj