A kako če se dokle budedu trajat radovi,do groblja moč doč?
Ovo kako EU financira radove okolo vode i kanalizacije,svaki čas se more dogodit da radovi počmedu i na putu prema groblju,tako da če se auton moč doč do Braskoga doca,a dalje če se moč samo nanoge odit,a za aute se pripremija alternativni pravac,ali kroza priču sa ljudiman svatiš da tri dila nji nema pojma ča mu objašnjaješ,kad mu govoriš di oti takozvani, alternativni put prolazi,pa ču ja ovako to objasnit.
Znate oni podvožnjak u Vriliman,e idete odozdala prema uzgor i onda jemate odvojak za livo (prema sjeveru) i samo vozite put uzgor,pa onda dođete na raskršče,e i tote opet vozite prema uzgor(sjeveru)pa onda pratite cestu prema Gorici i tamo di je oni teren za balote,nakon jednu petnajestak metri skrenete sa asvalta put uzgor,vidičete makadamski put,friško posut sa žalon,e i sad samo pratite oti nasuti put koji če Vas dovest sa istočne strane groblja,ali ima bi jednu primjedbu,ne znadu svi di triba vozit,a i ovo ča san ja sad nikako prova objasnit,siguro nji lipi dijal nije uopče razumija,pa bi bilo dobro da se postavidu privremene tabele koje če ljude navodit kud če vozit,a kako se govori,ova alternativa če potrajat skoro pa i godinu daan.
Kako če bit kad budedu sprovodi?A to če bit iznenađenje.
Ka ča san več napisa,put je sad baš lipo uređen,ali ka ča morete vidit na jednoj od slik,postojidu dionice di se vidi kako če na njiman bit problema,pogotovo posli kiše,tako da če cilo vrime tribat bit atento i ovo puta držat da bude upravo onakvi kakvi je i sad,jerbo u suprotnomen,ljudi če koji tote budedu prolazit imat veliki problema,a znamo kako ima ljudi koji če tu svakodnevno prolazit,jerbo navr groblja stojidu,a i cisterne sa vodon jin isto tako tribadu dolazit…
Inače moran napisat kako se i u ovomen slučaju pokazalo kako “sit gladnome ne viruje”,pa pojedinci po selu govoridu,a ista retorika se mogla čut i na prošloj sjednici MO-a,da ča ljudi brontuladu,najpri je bilo kad čedu dobit vodu i kanalizaciju,a sad kad jin se ide napravit,onda se bunidu da kako če do kuč dolazit.Da ko bi nan udovoljij, a ma ne triba niko nikomen udovoljavat,neka se radovi odvijadu,ali isto tako i ljudi moradu normalno živit i sve ča se mora,se triba učinit,pa da suživot sa radoviman koji bi ovde triba trajat okolo godinu daan,za sve one koji tote stojidu,prođe šta bezbolnije.
A,sad češ sigurno napisat onu poznatu,a jesan li Van ja reka ča če se dogodit?
Govoridu mi u selo nako onega ča se je jedan kamijoncin šta je vozija drva zaglavija kolon u Tunbin jerbo se u Tunbinu otvorila rupa,a sriča da rupa nije bila toliko velika,pa je samo sa kolon zaglavija i kako mi je ovi jedan reka,jerbo je bija sa“ druge strane žice“tražilo se pomoč da ga se dođe sa sajelon izvuč,ali se ipak uspija nikako sam iz otega iskobeljat… Pa me od…
Otvori ...A čiji je posal za maknit ove čike?
Navr one kante ča je meklo isprid starega kanpanela,a još je nije maklo,neka ne pristaje anbijentu u kojemu se nalazi,stoji pepeljara i ta pepeljara kako se vidi izvršava svoju dužnost, zašto je i postavljena,ali se postavlja pitanje čija je dužnost da otu pepeljaru isprazni?Sriča da jemamo kišu koja ote čike izmrvi i buru koja ji kasnije raznese.
Otvori ...Pitadu me u selo da di bi u nas tribali bit ovi polupodzemni kontejneri za smeče?
A ča to mene pitate? A kako ča?Jesi li ti u Mjesnomen Odboru? Ajde pak. Jesan i?Jeli oti Mjesni Odbor počeja radit? A je,baš smo nikidan-u četvrtak jemali sjednicu. Jemali ste sjednicu? A kako ništa oba tomen nisi pisa.Ajde pusti sad to,čekan da mi se slegnedu dojmovi pa ču onda,još uvik mi u glavi rebunbajedu,odbijedu se ka od šponde i nikako ji stivat na jedno misto. Nego pusti sad MO,ča…
Otvori ...Opet ovde di nebi tribalo
Jema več nikoliko daan da su na sjeveroistočnomen kantunu od Rive (tamo di su kontejneri) počela govna u more izlazit,ča se nikako nebi smilo događat,jerbo je oti dijal uza Kajin brig i okolo njega cili bija raskopan i kanalizacija se sprovela u eko sustav?? Je li to ima veze sa smradon ča se baš na Kajinomen brigu more ove dane u navratiman čutit,jer mi je jedan još prije govorija kako…
Otvori ...Ma vidi ti dase Austrijanca
Taman isprid mene na semaforu stoji niki Rangerover neka je na semaforu zeleno,kad ča,izaša dasa iz aute pa se iša karat sa onin-onon ča je bilo u drugoj auti odisprid njega. E sad ča se on iša karat ne znan,ali znan da je nakon vike i mavanja rukan grintavo krenija prema auti, uša, počeja vozit,i ispromiša sve trake koliko ji je ko bilo i lipo je udrija po gasu, jema…
Otvori ...
Je li moguče da i u Sučurcu pod pritiskon izletidu šahte od kanalizacije?
Bila je to tema u selu, nakon ča se je čulo kako su na Čiovu zbog, kako su rekli,najvjerojatnije aktiviranja plinov u kanaliman fekalne odvodnje,letile šahte,tako da je jedna odletila do prvoga kata jedne od kuuč,a zna se kako u selu jemamo ulic koje nakon radov na novoj kanalizaciji pri šest sedan godin, smrdidu za popizdit,a ča ljudi onda radidu,začepljijedu rupe na poklopciman od šahti da jin šta manje vonja,a…
Otvori ...Podvorje na Podvorju
Sinočnji,a nazovimo ga mini koncerat započeli su domačini,muška klapa Podvorje,pa je nastavila Mješovita klapa Vruja iz Zadvarja,ženska klapa Volosko iz Opatije,muška klapa Sv.Jeronim iz Gomilice,muška klapa Concordia iz Međugorja,nakon koji je pivala Kaštelanska ženska klapa Neverinke i na kraju opet Sučuračko Podvorje. Ovo je jedanajesta godina kako za Velu Gospu klapa Podvorje učini koncerat pod nazivon,Podvorje na Podvorju,šta je meni uvik bilo to nikako čudno,jerbo bi se oti koncerat uvik…
Otvori ...
Komentiraj