Podhodnika kraj vatrogasac,klap,po ko zna koji put
Svaki put kad padne malo veča kiša onda je oni podhodnik kraj vatrogasac i po par daan neprohodan,jerbo kroza njega prolazi voda,a kako se to može riješit do sad san ko zna koliko puti napisa,a isto tako i na Mjesnomen Odboru govorija.Pa me je jučera opet zvalo da dođen slikat kako se tamo opet ne more odit,a ča ču više slikavat,sve je isto ka i pri nikoliko godin,samo su crteži i parole na zidoviman drugačiji,pa san evo meka slike od prije,a evo usput i text kojega san pisa npr. 2015g.
E i onda da je “ono” napravljeno zbog sigurnosti za pješake?
Postavio:adminDatum:February 27, 2015 11:02 pm
Znate več odavna oni opjevani ča se zove podhodnikon za pješake kraj vatrogasac koji bi triba zbog sigurnosti služit da oni ča tribadu iz gornjega dila sela prič u donji dijal sela i obratno ne gredu priko pet trak nego sigurno ispod nji.E pa oti pothodnik kojega su kako su rekli učinili radi pješaci,a ne zato ča je i prije tot odija potok, je pod vodon. A reče koko nije ni čudo,oli ga nisu zato i učinili.E,a ne moredu voda i pješak zajedno,a ove godine ka zanje dvi nije provrija Rišič,a vode lipo jema i to se bez čižam ne more, ko unutra uđe, suv vanka izač. Bilo je par pokušaji dičice da čedu proč pa su se brzo vratili. A da se bilo napokon uvatit i riješit ovi problem? Zar se ne bi moglo dužinon ovega kanala produbit novi kanal kroz kojega bi prolazila voda i gori ga prikrit pločaman da se more po njemu odit? Ma vidi opet mene.
Berba grožđa je u punomen jeku
Ovo kako drugu sedmicu zovedu kišu,svi su zaprišili sa berbon grožđa,govoridu,neka je vino u konobi,ko zna, kako je ova godina krenila još če ga i krupa otuč,a i nima se više šta čekat,gradacija mu je dvadeset,a ča se tiče količine,nije baš ka lani,ali ča je tu je,bolje išta nego ništa.
Otvori ...U nas ga more metit kako i di kome padne na pamet
Nije prvi put da se u naše misto kanperi moredu svugdi vidit,pa je tako i juros ovi osvanija na Mulu,lipo su zatvorili žaluzine da ji svitlost ne probudi,čudno,nisu ispod skal mekli tapetič sa natpison velkomen ili se kome svidija pa ga je prisvojija. Bilo kako bilo,evo su ga oni metili,jerbo u nas moredu činit ča ji volja,nebi mu,ne samo tamo odakle je doša,več u večini biloga svitata, ovo palo na…
Otvori ...Aj učini štako,aj učini štako
Znate doli na Sokolanu di izlazi ono vode iz Vodovoda u more, pa me zbog toga cilo lito vučedu po selu za rukav tako da su mi od kratki učinili duge,jerbo da se zbog toga potoka nije baš ugodno kupat,ni usrid lita,a pogotovo sad,kad lito pomalo gre ča,ali se još uvik moreš kupat i znate kako san jema dvadesetak daan tamo izmirija tenperaturu u pličaku od petnajst stupnjev i da…
Otvori ...Više to nije štrc-brc,nego su to umjetnička djela
Ovo kako se bliži 110 godin Ajduka i 70 Torcide, to svako malo osvane niki novi mural,ali to više nije ono,vazest važ piture i štrc-brc učinit par puti pinelon ili sprejen, pa šta ispadne,to su sad prava remek djela i to sa sitniman detaljiman,a svaki od nji šalje svoju poruku,ali šteta šta je puno nji na mistiman di baš nisu tako dobro vidljivi,ka ovi doli ča je uza cestu i…
Otvori ...Pitadu me roditelji dice iz vrtiča da jeli mogu šta napisat?
A radi se o problemu roditelji koji dovededu dicu u dičinji vrtič Neven i ostavidu autu doli na cestu južno od vrtiča, iako znadu da ne smidu jerbo je tote zabranjeno zaustavljanje i parkiranje. O tomen san več prije par godin pisa,lani je jedna viječnica (HDZ) na Mjesnomen Odboru o istomen problemu govorila,a mi je svi jednoglasno podržali,a iz grada smo dobili odgovor kako se doli ne more dozvolit parkiranje,a…
Otvori ...E sad,za di ovi znak vridi? Vamo ili tamo?
Znak zabranjeno zaustavljanje i parkiranje znači da se aute ne smidu parkirat izad njega,e okolo ovega je jučera bila prepirka,govorin ja ovoj dvojici,je,tako je,ma ovde to nije tako,da kako,sad san ja ispa pametnjakovič,a lipo,dokle su ovi mečali znak lipo san ji pita je li to znak za vamo ili tamo,a onda su mi oni rekli da oto znači da se nesmi parkirat uza južni zid od starega kina,a i doli…
Otvori ...
Komentiraj