Gren ja selon i čujen niko viče ej, barba,barba,pa san svatija da kako se niko ne ozivlje biče meni govori,ajme šta mi je drago kad mi se vako javidu,slabo mi dođe.
Okričen se da ču ga poslat,pa vidin jedan mlađi bračni par iz sela,a on mi govori,barba bi li mogli napisat kako u selo fali oni mali kant za ono sitno smeče bacat i kad čovik oče da bude uredno i ne želi na pod bacit nima di,pa smo se tako u priči dotakli di je prije oti mali kantic bilo,a sad ji nima,pa tako ispada kad sa Rive uza Kajin brig grete do Gospice niti jedne jedine ote male kantice nima, prije je bila jedna isprid pošte,a sljedeča navr slaste,a sad je to vako,jemamo doli na rivu kraj starega kanpanela,pa kad gremo uzgor ka ča san napisa,sljedeča je tek gori na Gospicu,kad se priđe cesta,isprid one dvi zgrade,tamo di je prije bila ona čekaonica za autobus,a isto tako kad se gre potezon od starega kanpanela Rivon,južnon bandon,prema banani,isto nima nijedne kantice,pa uzgor prema Gospici,jedino ča na tomen potezu u Park moremo ono ča jemamo itnit,a lipo nan priko televizije od kako je ova pandemija počela govoridu,(bukvalan prijevod)kako kad se papirnaton maramicon obriše nos,onda otu maramicu moramo pažljivo odložit u kantu za smeče,ne je spremat u žep.
A dobro,govorin ja njima,napisat ču ja to,nije meni teško,ma je problem u tomen ča oni to ne obadajedu,a je,je,govori on,vidin ja da oni kad se napiše ipak napravidu,a moj ti,kad bi samo zna,a bolje da neznaš kako to ide kad ja napišen,ali…, evo, sad ja opet ovde po ko zna koji put govorin,ma napišite mejl gradonačelniku,nije meni problem ovde o problemiman pisat,ali da ne ispadne,ka ča to ispada,evo njega opet mu ništo smeta,a i ovo moredu protumačit,ma vidi ga,sad je izmislija da su ga fermali pa je napisa,sakrije se iza građani našega sela,a da,za ote ča čedu tako protumačit,onda čemo napisat kako nisan nikoga trevija,niti mi je ko ča govorija,meni samomen u selu pored sedan iljad i neznan koliko stanovnika smeta i ovo sa kantaman i sve ostalo ča se triba,a nije učinilo i ko zna kad če se i oče li se učinit.