Oče neče,oče neče…
Ljudi u staromen dilu sela ove dane gledadu u straju kako se more poigrava pa čas reste,pa se onda spušta…
Jutros je to okolo jedanajst uri bilo gadno,ali ipak u zanji čas je more odustalo od svoga nauma i povuklo se tako da su bar za sad stanovnici staroga dila sela mirni,ali dokad?
Strašno je to kad su ovi dani od variranja mora,oni ča stojidu u getu spavadu sa jenin okon otvorenin,jerbo nikad se nezna kad če …
A koliko če još ljudi ovako bit atento,oče li se sa ovin novin famoznim projekton uređenja obale u Sučurcu o kojemu se toliko priča napokon riješit ovi problem i ljudi šta tote stojidu moč živit bez straja,e o tomen ču do koji dan.
Ma kako si ono nikidan moga napisat da nevalja sat na staremu kanpanelu?
Pita me ovi jedan i govori,a vidi da dobro gre,da neka pogledan na sat na ruci ista ura je ka i na kanpanelu,a je u pravu si govorin ja njemu,a onda san pričeka jednu petnajestak minuti,pa sad ja govorin ovemu,asti,jema bit da je ura na kanpanelu opet fermala,evo je u mene podne i devet minuti,a na kanpanelu je još uvik podne manje šest ka i malo pri,a jeli mogu sad…
Otvori ...Priča selo – SRAMOTA
Neka je to bilo u subotu evo ni do danas se ne stišaje priča o suboti kad se obilježila obljetnica bonbardiranja našega sela, kad je u jednomen danu svaka familija ostala bez nekoga svoga člana i Sučurani su vrlo osjetljivi na to i ne zaboravljadu bilo kakve greška učinjene na oti dan,pa se tako i dalje spominje kako se pri dvi godine od strane grada i MO-a nije meka buket…
Otvori ...A podhodnik ča su rekli da je učinjen za pješake, sad kad je provrija Rišič izgleda evo ovako
A evo i videjo o podhodniku kojemu jema okolo sedan godin i ča se do dana današnjega prominilo? Ništa. A je ajde,prominili su se natpisi na zidovima.
Otvori ...Provrija je Rišič
Inače,priča okolo Rišiča je i dalje osta misterij. I niko nezna kad če izvrit. Diko prođe pet godin pa ništa,deset godin i ništa,a evo u ovi četvrtak je opet provrija,a zanji put je to bilo 2018 godine,a po nagađanjiman koja se prinosidu sa kolina na kolino to je ponornica koja zbog veliki kiiš izleti vanka, pa onda da to ima veze sa tlakon zraka,a ima i teorija da se to…
Otvori ...Zaborav na to da je, jedan put potok uvik potok, skupo čemo platit
Nikidan smo svi vidili nemoč prid vodurinon koja nas je izviruči sa svi stran iznenadila i dobro smo prošli,ustvari,kako ko,oni ča mu „vre“ voda usrid kuče,garaže,podruma…sigurno nije,ali se zato svi čudidu,kako,kako usrid kuče iz poda more vrit-izlazit voda,a lipo,poznato je več od davna kako če čovik sam sebe uništit,a kakve to veze jema sa vodurinon šta je svugdi okolo nas odila i sa svi stran izvirala,ima,ima,pogledajte samo koliko je potoci…
Otvori ...A je se u ovi zanji petnajestak dan uvatilo Vranjica
Najpri je do nji došla nika nafta ča se od nikud izlila,pa su onda imali incidenat sa nikon pituron u moru,za da bi se danas dogodilo ovo sa pinon,a koje če jin iznenađenje bit sljedeče?
Otvori ...Poplava u Starčevićevoj ulici
Jučera je ovde u ulici di stojin bilo veliki problemi koje je uzrokovala kišurina koja se u malo vrimena izlila u nenormalniman količinan,a ovde u Starčevićevoj,taman di počinje uzbrdica za ič prema tehničkomen pregledu-policiji,iz šahte,jednu četrdeset centimetri uvis je izlazija vodoskok zbog čega je bila poplavljena ne samo Starčevićeva i pojedini zemlje i objekti na putanji di je voda odila,več je to bija razlog i poplavljivanju Kaštelanske ceste di je…
Otvori ...Palma na Podvorju je stučena do temelja
Samo još triba odnit ovo pustega materijala. An pače,zaboravija san bija napisat kako su na Podvorje posadili i četiri murve,a koje,je li one ča če sa nji padat ono ča “inkartaje” podove i aute,a valjda nije,ustvari to če bit iznenađenje.
Otvori ...
Komentiraj