Oboje presjedničkih kandidata prošetali Splitom
Naravno,to se nije dogodilo isti dan,Zoran Milanović je Split obaša u subotu,dok je Kolinda Grabar Kitarović to učinila u nedilju.
A ja dokle san to u nedilju slikava,kraj mene su bili nika tri starija čovika i onda počinje priča,ma vidi,jučera on,danas ona,ajme ča nas volidu,je,je doda je drugi,nima ča nečedu obečat za da ji zaokružimo,a ovi če treči,kako ga ovi posjeti,Zoran jučera,Kolinda danas, podsječa na ono vrime kad smo bili iza takozvane željezne zavjese,ka nesvrstani, kad bi u Loru najpri došli Amerikanski ratni brodi,a ne bi prošlo ni par dan kad bi ovi išli,eto ti nakon nji Ruski brodovi u vižitu ili obratno,najpri Rusi,pa iza toga Amerikanci,a vidiš ti,ja bi volija da su se i kandidatkinja i kandidat isti dan jedno dolazeči sa istočne strane,drugo sa zapadne strane našli nasrid Rive i tote malo sa sviton i između sebe debatirali,a televizijske kuče to kasnije prinile,e to bi bilo ono pravo,asti,a ko bi to drža pod kontrolom,bilo bi tote svega i svačega i ko zna kako bi završilo,ma kako bi završilo,lipo,eto kako… bilo je tote još toga,a taman kad san odija ča onda su načeli temu o tomen kako se pušedu koliko jin po gradoviman svita bude,a ovde u Split kad je lipo vrime u subotu i nedilju okolo ure ipo kad su i jedno i drugo na Rivu bili i “oni za zaštitu Babujače” kad bi u to vrime na Rivu prosvjed učinili,mogli bi se pofalit da je na njemu jednu dvi tri iljade svita bilo.E.
Novogodišnji kupanac
Ka po običaju na prvi dan Nove godine na Spliske Bačvice padne i kupanac,u pličaku se igra na male branke,picigin,a jema oni ča kroza pličak samo prošetadu,pa da moredu meknit na društvene mriže,ka i oni ča se i okupadu,a da jin ne bude zima, vunenu kapu na glavi držidu…
Otvori ...Ovako je to u Splitu bilo na Šilveštrovo
Po cilomen gradu je bilo šušura,ispod ure su se več tradicionalno skupili glasovi iz različiti klap i bacili pismu,po kaletan je bilo veselo uz muziku u živo,na pozornicu ča je na sredini Rive izmjenjivali su se razni izvođači,a armonike,kontrabasi,trube,gitare… su bili glavni istrumenti koji su garantirali dobar provod,a u popodnevnin uran sad več tradicionalno na Šilveštrovo na spliskoj Pjaci bude totalna ludnica,toliko bude svita da se za doč na drugi…
Otvori ...
Šesnajesti po redu Mašokarič u Sučurcu
Asti,ka da je jučera sve to počelo,a evo ove godine se dogodila šesnajesta po redu utrka kariči u našemu selu. Ovi fenomen bi tribalo proučavat,da se ovoliko svita od oni najmanji,pa do oni najstariji skupi za gledat one ča se vozikadu na komad daske na koju su mekli nika željezna kola koja stvaradu nemoguču buku i to sve bude gotovo u sedan minuti,dokle prvi od natjecatelji prođe kroz cilj. I…
Otvori ...Kako san na koncertu od Željka Bebeka završija skoro pa na binu
Cilo vrime mi je ona moja govorila da smo mogli poč na Bebekov koncerat,a ja san se nečka,oču-neču,a ča ja znan,iša bi,pa onda nebi iša,kad jedan dan zvoni njoj mobitel,zovedu prijatelji iz Slovenije,vidin ja klima ona glavon,čujen je kako govori,aha,dobro,di,kad,u koju uru… E i kad je poklopila slušalicu,govori ona meni,e sad nima očeš-nečeš,zvala je Nataša,dolazidu u subotu na koncerat i to ti je to,astiii,sad moran poč trčat karte vazest,a ne…
Otvori ...Tradicionalni bakalar u Matele
Več je to ušlo u tradiciju da Ivan na Badnjak učini bakalar i počasti Sučurane,a i ove,ka i prošli godin,moglo se guštat u onemu na brujet i na bilo učinjenomen,a da je oti bakalar bija dobro učinjen,znak je da su teče vrlo brzo ostale prazne,pa se na kraju i dno sa teče strugalo.A uz bakalar je tote bilo i fritul,a sve to se moglo zalit sa lipin Matelinin vinon.
Otvori ...A Mislave ča to radiš? Doče ti komunalni redar i napisat kaznu.
Ajde pak,govori mi,nemoj da te pošaljen,evo ja čistin šahte kad opčina oto nije napravila. Nakon ča se je more počelo povlačit na Podvorju se i dalje zadržavalo,a Mislavu se odma upalila lanpica zašto,pa je vazeja mašklin podiga gradele od šahte,kad ono sifon pun materijala,podiga ga je vanka,a šahta je učinila surlp i sve more povukla unutra. E i sad mi ča smo tote bili,nismo mogli ne razmišljat o tomen,a kako…
Otvori ...A ča jema da je poplavilo i evo ga sad opet
Zanji put je bilo to sredinon jedanajestoga miseca kad je isto tako ljudiman u kuče more ulazilo,asti,a jesan li ja smija ovako to napisat,jerbo je gradonačelnik reka da če me za sljedeču napisanu laž tužit,a kad smo mi iz MO zanji put kod njega tamo 25.11. bili onda san na temu od poplavljivanja reka da kako ljudiman nisu navrime vriče sa savuron došle,a da jesu,možda bi tragedija bila puno manja,pa…
Otvori ...
Komentiraj