Evo na,da če od sutra počet vozit “Sučuračka Duja”
Kako je krenila vijest da če od ponediljka počet vozit naša “Duja” koja če kako piše odit ujutro u sedan,devet,jedanajst i zanja na uru manje pet,opet sa staroga mista ka i onda kad je naprasito prestala vozit,s tin da če joj nova oznaka bit (2A),odma se sve uzbunilo,najpri radi polazak pa se u selo more čut,a jeli oni ovo nas zajebajedu,a mislidu stvarno da smo mi budale,očedu nan oči zamličit,najpri su nan je ukreli,a sad se političari na društvenin mrižan falidu kako su nan je oni vratili nazad,a nisu se onda falili kad su nan je uzeli,nego su svi mučali,čak se u komentariman išlo toliko daleko da jin je evo na,ne triba nan vakva kakvu su nan je vratili,ako če samo četiri puta na dan odit,a vidi u Solinu,kako oni držidu do svoji ljudi,jedinica jin sa Starin svaki po ure gre itd.itd.,još san ovo bija ka umjeren,izbacija san one “epitete-ukrasne pridjeve” ča su bili neizbježni u komentiranju i na kraju i ovo 2A je nejasno,zašto nije ona druga linija dobila oti dodatak A,a nama ostavilo ka ča je i prije to bilo,samo “Duju” i na kraju,svi se nadaju kako je ovo sa uran polaska početnička griješka koju čedu isto tako uvidit i vrlo brzo ispravit.
Holliveen Halloveen ili oboje?
A ča moreš pametno još napisat o oniman događajiman ča se periodično ponavljadu svake godine? Ništa.. Je nan ova zapadnjačka “kultura” od kraja osandeseti na ovamo prosvitljenje učinila. Ma zamisli ti blagodati,do onda smo samo sa onoliko pinez koliko smo u žepu jemali, mogli raspolagat,a onda smo se najedan put priporodili i uz pomoč ono bokun plastične kartice moga koliko si ko tija bez pinez kupovat,tribalo je dosta vrimena dokle…
Otvori ...Ko još more reč da jema selfi ka ja sa vrja od starega kanpanela??
Zašto smo Željan i ja išli kod Gradonačelnika?
Kad nima sjednic od MO-a jema več i šezdeset daan onda smo se Željan i ja ka i svi građani Kaštili najavili za jedan utorak na razgovor kod Gradonačelnika i to je tribalo bit ovi prošli utorak,ali pošto je Gradonačelniku ništo hitno uskrslo,primljeni smo u četvrtak. Odma na početku ču o „Duji“. Gradonačelnik je reka da priznaje kako je falija oto sa „Dujon“,ča mi se kod njega svidilo,jerbo danas ni…
Otvori ...Najstarija navijačka Evropska skupina Torcida danas jema 69 rođendan
A proslava je bila u subotu na utaknici Ajduka i Slavena Belupa na kojoj je oni drugi Ajdukov gol bija ništo ča još nisan vidija,najpri su oni napali nas,a oni naš vratar isto ka da je zaboravija zašto je tote,pa je bija malo daleko od svoga “radnoga mista” branke,a kad je vidija da balun gre prema njoj, zatrča se i jedva nikako čudno zavrnjenon rukon, uspija izbit balun kojega su…
Otvori ...“Bitno je da se radi”
A nema veze kako.Uz ginganje glavon govoridu na Rivi. Ove dane se doli na Rivu, tamo di je lani primiščalo spomenik napokon posijala trava,ma se postavlja pitanje zašto sad krajen desetoga miseca,a ne tamo u proliče,a stala bi priča koju su turnili,da se radi u jesen jer da onda bude manje one divlje trave,da lani okolo dvadeset i petoga devetoga kad se sa radoviman završilo nisan pita,a zašto sad ovde…
Otvori ...Ljudi po selu cilo vrime pitadu šta je to sa Mjesnin Odboron?
Da ča smo se uvatili toga kad ne želimo radit? E i sad je po tomen u istu vriču uvalilo i nas i nji. A evo san po neznan ni ja koji put opet prema članoviman MO-a posla emajliranu poruku da se pojedinačno izjasnidu i napokon nakon šezdeset dan od zanjega puta koji je bija 23.08., sazovemo sjednicu MO-a.jer građani našega sela jemaju puno problemi,a nimadu se kome obratit za…
Otvori ...A vidi ovega pasa ča drži u zubiman
Vidija san da pasi nosidu novine,pa i papuče,ali da u zubiman nosidu šteku duvana,e to san nikidan prvi put vidija.
Otvori ...
Komentiraj