Jutros su u selu izgorile dvi aute
Okolo četiri ure ujutro u selu u Alfirevićevoj ulici,točnije, nasuprot Nestora su gorile dvi aute,kako govoridu oni ča su bili budni, da su se čule i dvi explozije,pa je ovi jedan reka da se njemu čini da je explodira rezervar,a nije,da je to bija rezervar ko zna koliko bi još štete bilo,a to se nije dogodilo jerbo su naši vatrogasci brzo doletili i u malo vrimena to sa pjenon sanirali i udunili,iako je dojava bila da gori kontejner,a oto ča se čulo su bile gume, koje kad puknedu zna lipo odjeknit. Šta je bija uzrok požaru neznan,ustvari “selo” sve zna (ča san ja čuja tri verzije),a glavna karba je bila okolo ure kad se to dogodilo,pa se moga čut raspon od ure ipo poza ponoča, kad je ovi jedan reka da je čuja da je ništo explodiralo,a ovi drugi mu se u tomen pridružija,pa sve do četiri ure ujutro,ali san na par misti pročita ka da je to bija tehnički kvar na jednoj od aut,a pravu istinu o uzroku če pokazat kriminalistička istraga.
Ove tri gori slike dokle je gorilo slika je jedan građanin iz našega sela.
Eno dimi cimentara a ti ništa nisi napisa?
Bilo je jučera u selu,a prvu obavijest san na mobitel dobija oko ponoča i dvadeset na kojoj je pisalo,eno Sv. Jure u oblaku dima,a ja to ne mogu snimit i izaša ja vanka, gren vidit di to gori,kad ono ništa,na Kozjaku okolo Jure ni vatre ni dima,a onda san tek ujutro, kad san u selo doša i svi upirali prston u fabriku,svatija da je ota poruka bila za cimentaru,a ne…
Otvori ...Jučera su opet sa Sokolane bižali
Evo ga, njemu reci,bilo je danas na rivu,a ča je sad,a to da se na Sokolanu pojavilo još jedno zlo,a naravno,zlo nikad ne gre samo,uvik uza sebe jema “brata,sestru,oli barenko kojega rođaka”,pa mi govoridu da je sad sto posto sigurno da ono na što se do sad sumljalo,pokazalo istinitin,a to je da na Sokolanu jemamo novo misto di govna u more ulazidu,vamo na istok,ali naravno,triba trevit u pravi momenat za…
Otvori ...Klape na Kaštelanskiman trgoviman
Sinoč je u svaki Kaštil pivala po jedna klapa,muška oli ženska,a pošto smo ja i Ona kroza Kaštila prolazili biciklan uspili smo poslušat klapu Cambi ča je pivala u Kanbelovcu,Sveti Jeronim u Gomilici i Klapu Podvorje u Sučurcu.
Otvori ...Kanbelovska fešta o boba
Jučera je u Kanbelovcu bilačetrnajesta po redu “Fešta o boba” koja iz godine u godinu ima sve više i više natjecatelji,a i posjetitelji i nastavi li vako za koju godinu tribat če maone u more mečat jerbo če oni prostor na Brcu bit mali za primit sve one koji čedu tit bit na nezaobilaznomen događaju u Kaštiliman, koji se več sad notaje u razne rokovnike, kalendare dlanovnike, tablete… Nema ča…
Otvori ...Asti evo prometni redar,a ča sad?
Jema oni ča su odma trčali micat auto,oni ča su promatrali di gre i kalkulirali oče li ga odma maknit ili če malo pričekat,oni ča su se raspravljali kad jin je slikalo auto,oni ča su auto u zanji čas makli,oni ča su,dokle je drugiman pisalo kazne, tote se zaustavili za trknit na bankomat dignit pineze,pa da neka vičemo ako u međuvrimenu dođe…,ali bilo kako bilo u nikoliko minuti,od pune rive…
Otvori ...A ča se ono kopa na mistu di je bila crikva ča je srušena u bonbardiranju?
A to su bili jema par miseci išli provuč kabel od telefonije pa su zaključili da je u prekidu cijev kroz koji bi triba odit i eto, razlog kopanju je postavljanje okitenske cijevi od jedne do druge šahte.
Otvori ...Torcida se na Staromen Placu oprostila od Jurice Jerkovića
Večeras se sa Staroga Placa iz nikoliko stotin grli opet moglo čut skandiranje “Jerković Jure”, koji je za Ajduka odigra 529 utakmic na kojiman je zabija 219 goli,samo šta je ovo večerašnje skandiranje Jurici bilo, odavanje počasti legendarnomen Ajdukovomen igraču koji nas je jučera napustija. Neopisivo je to bilo,obasjano bakljama,na terenu na kojemu je Jurica za Ajduka ono ča se reče “ginija”luminima je ispisana desetka koju je Jurica na dresu…
Otvori ...
Komentiraj