Kad to nisu napravili Mjesni odbor i Grad,onda su mještani kupili buket i mekli
Naravno,kako to več u nas gre od kako san u Mjesnomen odboru kad dođen u selo odma udri po meni,a jutros je to bila kanonada,kako san odija na noge,od Gospice pa do rive samo je pljucalo za menon,a na rivi je bija kulmin.
Sididu oni doli na klupu,a ja ono ka E,a ma ča E i odma počelo,ma kako Vas nije sram ni cviče Vi iz Mjesnoga odbora,ka ni oni iz opčine, jučer na godišnjicu bonbardiranja niste mekli.
A ča mene napadate,znate kad san Van nikidan govorija da nan se presjednik Mjesnoga odbora ne javlja ni na mobitele,ni na ejmalirane poruke,a pa da se javija bili bimo mu usput spomenili da se u Sučurcu 5.dvanajestoga obilježava godišnjica bonbardiranja našega sela,e,a,reka je jedan,a ča mu triba govorit,oli on ne stoji u selu,pa nezna,a drugi če,je,puno nji briga,a treči je reka…,ma neču sad o tomen ča je ko govorija,jer bi znate več,mora cilo vrime bi,biiip pisat.
E i onda mi je palo na pamet i govorin ja njiman,a znate ča,ajmo mi sad ovde između sebe skupit i poč kupit buket pa ga stavit,muk,pa su se onda počeli vadit pinezi,pa smo seli u auto, donili buket,e i sad ko če ga meknit,neče ovi,neče oni,pa je pala odluka da to lipo učini najstariji od nas.Eto.
Počivali u miru!
Ako je koko vidija presjednika Sučuračkoga Mjesnoga Odbora molimo da nan javi
Biče koko misli da se ja ovo zafrkajen? Ne! Odavna nisan bija ovako ozbiljan. O čemu se radi? A o tomen da je član Mjesnoga odbora Željan Jurlin zbog jednoga nastaloga problema zva na mobitel presjednika Mjesnoga Odbora pa da ovi sazove sastanak MO-a di bi se o novonastalomen momentu raspravilo,ali se presjednik u prošlu sridu nije javija na poziv,niti kasnije nazva,to je bilo u sridu,a u četvrtak ga je…
Otvori ...Get je opet bija okupan moren
Po ko zna koji put ljudi ča stojidu u Getu su bojazno gledali dokle če se more penjat,eto, ovi put je dobro prošlo,sriča da je bilo mirno,nije bilo lebičade oli garbinade,a ni kiša nije padala. Dokle če ovi ljudi bit u straju oče li jin more u kuče ulazit,to niko nezna,ne naslučuje se baš nešto da bi se to moglo sredit,ali eto mi ka opozicija u novomen sazivu Mjesnoga Odbora…
Otvori ...Jean-Michel Nicolier,Loran Šulentić
Za one ča jin nije jasno zašto san meka ovakvi naslov, neka ovo štivo pročitadu do kraja pa če jin bit. Ko je Jean-Michel Nicolier? Francuski mladič-dvadesetpetogodišnjak koji je dragovoljno doša u Hrvatsku i pridružija se našima obranbeniman snagama u Domovinskomen ratu. Zašto? Dokle je bija u Francuskoj na televiziji je gleda ratna razaranja i strahote koje su neprijatelji činili po Hrvatskoj i nije moga mirno sidit nego je reka…
Otvori ...Oče li ova tabela sa slikon utjecat na savjest pojedinac?
Nakon ča je Split to počeja jema več par miseci mečat i u nas je prošli petak doli na rivu uz znak od parkirališta za invalide meklo i sliku osobe u invalidskiman koliciman. Puno nji se pita,a ča jemadu mečat slike,oli nije dovoljno ča su znak mekli? A nije,jerbo jema puno oni ča jemadu ote invalidske karte za aute,a ni blizu nisu od potribe za na oto misto parkirat,pa se…
Otvori ...Torcidin mimohod za Vukovar
Ka i protekli godin i večeras je Spliska Torcida napravila kolonu sječanja, za 27. godišnjicu pada Vukovara, koja je kako su se krečali prema krajnjemu cilju,do murali na Sučidru, bivala sve brojnija,a za razliku od prošli godin kad se pivalo zovi samo zovi,orilo Vukovar,Vukovar,palile bengalke,…ovi put je to bilo sasvin drugačije,nije bilo bengalki i svi su mučali.
Otvori ...Da zašto mi je kuča sinoč bila “opiturana” u ljubičasto?
A zato jerbo je jučera bija dan prijevrimeno rođene dice Palčiči. Prijevrimeni porod je največi uzrok smrti kod novorođenčadi,a u Hrvaskoj se godišnje tako rodi okolo 2 600 dičice,a obilježavanjen ovega dana želi se ukazat na taj problem,jer za da bi ova dičica imala šansu za priživit tribaju imat kvalitetno ličenje i dovoljno aparati koji su neophodni za održavanje života prijevrimeno rođene dice. E a sad zašto se otega dana…
Otvori ...Sutra opet dolazi kontejner za glomazni otpad
Sutra je treči ponediljak u misecu i opet naš red za kontejner od glomaznoga otpada,koji če bit postavljen doli kraj oni ostali kontejneri na rivi isprid crikve.
Otvori ...
Komentiraj