Napiši jin da se ovde u nas nikad nije govorilo česma nego smo mi uvik zvali funtana
Kako je u nedilju pala ona murva na pazaru,tako su iz grada po portaliman novinan,niko govori i na televiziji izašli sa podaciman o radoviman koji bi se tribali tote radit,pa se međuostalin tote moglo pročitat kako če se napravit i nova česma,sigurno bi uz banke i ona tribala bit kamena,jerbo se od izvođači radov spominje i Jadrankamen.
E i sad od kako su Sučurani pročitali to česma,sad je to udarna tema o kojoj se po cilomen selu govori,ma kako je nikomen palo napamet oto nazvat česma,kad smo mi to ovde zvali česma,jema puno selo došljakov ča su došli osvukud,pa se od nikoga nije moglo čut da funtanu naziva česmon,a šta je ovo,turcizam…
I iša ja danas okolo tri manje kvarat,računan luda je nika ura pa neče nikoga ni bit i na miru ču slikat ono doli ča je od pazara ostalo,a ostala je baš funta.. ups,česma pa san je zajedno sa iskopinan slika,a nisan ni izvadija aparat,a odo tamo,iz pravca “modne piste” čuje se,nemoj zaboravit slikat česmu,a jesi li slika česmu…nji petnajestak sidi na šentadan i govori o česmi,neka,baš super da čemo jemat i novu česmu.
I napiši, da mi ovde to zovemo funtana.
Evo san napisa.
Evo,ovo doli na slici je “ono”,umisto čega če doč opet “ono”,samo novo:
A na ovoj doli slici čete vidit ote iskopine ča su našli,a tribale bi pripadat onoj prije crkvi,ne onoj ča su je bonbardirali,nego onoj prije nje,crkvi Svetoga Luke,pa čak ima razmišljanji da je tote bila apsida,ali one gredu nikako polukružno,a ovo ča vidimo gre nikako pravilno iako se vidi tamo na kraju da stine gredu ka u kolunbar,ali ja mislin da su to sigurno temelji od onega ča je tote bilo,a šta mi nikad nečemo ni doznat ča.
A ovo na donjoj slici bi tribalo to bit dijal obale,a pošto je to sve zbog dušmani onda bilo opasano zidoviman,moglo bi se usput nazivat i obranbenin zidon,a ako je bija obranbeni ko zna koliko je bija visok i jesu li gori jemali one velike kazane sa vrilin uljen da dušmane, kad se sa brodi po zidinan počmedu penjat, moredu prolivat?
Je Kaštila jemadu,je nan pritiče
Ili kako bi stari volili reč, je nan “lajedu”! Znate ovo ča sa sjeverne bande ceste radidu korniž i cestu,e i znate za one kabele ča su smotani jema več i dvadeset godin virili iz zemlje i stali uza zid,e to su kabeli koji su podzemno tribali doč do kuč od vlasnikov koji su onda ustupili mukte zemlju i kojima je uz podzemno dovedenu struju tribalo još spojit i kanalizaciju,taki…
Otvori ...Struka opet u akciji
Nakon ča se je na ovo misto učinila rupa, došli su ispilali asvalat bageron to sredili i nalili betonon,neka jin je žena ča tote stoji rekla da je doli nigdi pukla cijev od vode koju triba popravit. I evo na,pinezi su se na radove i beton potrošili,za da bi se sad opet kopalo za učinit posal onako kako triba?
Otvori ...Šta ti znači imat sposobne i stručne ljude (nadodane slike kad je stablo ispilalo)
Je,je,čulo se danas puno “lipi” besid nakon ča je od velike kiše i ono vitra pala ova jedina jedna murva ča je ostala na našemu pazaru,a di neče,potkopalo joj je žile,a ostavilo jedro (čitaj krošnju)od jednu sedandesetak kvadrati,isto ka da na temelje od kokošinjca napraviš neboder,a eto,iznenadila ji je kiša,malo je potopila okolo,a i nije zeman od vitrov,pa je ka normalno da se je otoliko stablo tako nezaštičeno ostavilo,je,je,vidi se…
Otvori ...Sv.Leopold Mandić u Splitu
Najpri se kolona zaustavila isprid samostana časni sestar Klarisi koje nemaju doticaj sa vanjskin sviton i kojima je ovo drugi put da su izašle vanka samostana. Prvi je put to bilo kad su izašle 1998 godine za pozdravit Papu Ivana Pavla II. Posli toga su krenili do Pojišani.
Otvori ...Nakon pikamera sad su na red došli motičice,pinelčiči,špatulice…
Eto na,nakon jučerašnjega pikamiranja danas se nakon ča je sa bivšega pazara otuklo cili beton otkrilo da jema doli niki naslagani stinj i kako to več gre,eto i oni sa pinelčičiman,špatulan,metriman,strelican,aparatiman koji čedu to sve sad lipo u libre skicirat,fotografirat i onda če tek nakon toga moč krenit radovi. E,a sad ka po običaju i okolo ovoga je u selo bila prepirka ,a to Van je bilo ovako,ovi jedan ča…
Otvori ...Evo na,srušilo ga je
Evo na,nakon, niko govori šezdeset i pet,niko sedandeset godin,pazar je danas potaracalo.
Otvori ...Evo na,napokon je asvaltiralo
Ka ča znamo radovi na cesti od Gospice do anbulante tribali su bit gotovi tamo do kraja petoga,a po novomen to bi tribalo bit do kraja ovega miseca,jerbo,lipo zvuči da je danas napokon asvaltiralo onu gornju traku od ceste,ali, sad triba sredit i donji dijal ceste,jerbo triba učinit livejal,tj.nagib za da bi voda odila u šahte koje su napravljene sa sjeverne bande ceste,tako sad triba meknit one rubnjake sa donje…
Otvori ...A ča je ova traka okolo sučuračkoga pazara?
Bilo je glavno pitanje danas. A to bi se sutra tribalo krenit sa razbijanjen,tako da pazar ovaki kako ga svi znamo ide u povijest,a kakvi če bit novi vidičemo,ali san siguran da če bit oni kojiman če se svidit,isto ka i oni kojiman neče. A eto nikad nije kasno,ovi radovi su tribali bit tamo u treči misec pa su od nji odustali i evo ji na sad,a oče li to…
Otvori ...
Komentiraj