Da nebi koko reka ma vidi ga,on bi sad govorija maškaran ča bi one i kako bi tribale radit. A ne,ne,to mi niko ne more pribacit,ja se samo držin one,zašto je niko puno,puuuno davno donija odluku o običajiman u kojiman se jedan put godišnje da malomen čovik priliku da se kroz maškare izrazi ča misli o onemu nazovimo, “velikomen” kojega je izabra na vlast,a ne ka ča san nakon ovoga ča san mu reka, od barjaktara dobija odgovor,asti kad bi to tako bilo onda bi nan zatvorili špinu,a ja njemu,e onda bi to bile prave maškare,a ne ove sad kad gledaš ča moreš,pa da sa špine obilato teče. I zašto mi je vako puno tribalo (jedanajst daan) za ovo se uvatit pisat,a pa baš iz oti razlogov,nisan ja toliko sa mojiman razmišljanjiman bitan koliko je bitno to ča svit u selo,zbog kojega se maškarana povorka čini i Mašogadur piše,jema o tomen za reč,jer npr.ako se nešto u Mašogaduru oče prikazat,onda triba to u cijelosti napisat onako kako triba,a ne odradit samo oni dijal koji nekomen paše,a oni drugi dijal koji nekomen ne odgovara jednostavno primučat.Naravno,ovo šta ču ja napisat nije “selo” napisalo,več ja,a o pojediniman stvarima u odnosu kako se na nji “selo”izjasnilo da nebi pisa cilo vrime ono biiip,bip, ču obuč u celofan.

Mogu ja o ovomen svaki dan po stranicu pisat,ali san eto,zbija sve u ove,nazovimo četiri točke:

1.
Evo ču počet najpri sa sebon ča ste me mekli u mašogadur,vidin da van je to smišno kako su me makli iz kina,meni nije.

Dobro,sad to meknimo na stranu, ukusi su različiti,jema oni ča se susidu naslađijedu kad mu krepa krava,a jema i oni ča skupa šnjin plačedu,ali,kad ste se več uvatili moga micanja ča iz kina zašto onda niste napisali sve onako kako triba?
Ovako pari ka da me potiralo jerbo san ništo krivo učinija,tamo u dvanajesti misec kad su se u kinu održavala događanja čovik je doša do mene i ovoga ča je sad u kinu i pita ga, da jeli radi grijanje i usput reka da se po selu priča da san ga prije nego san iša ča pokvarija,a je je, govorin ja ovemu,nije samo to,sve san za sebon uništija i jemali su dobri misec dan posla za sve to osposobit za da bi se moglo evo sad u dvanajesti priredbe održavat. Malo je falilo da ga ne pošaljen,ali eto,čovik je stariji i jema san rešpeta i koliko toliko osta ladan.

Eto vidiš,a i ovo ča ste vi sad mekli i ono ča pojedinci,ka ovi po selu pričadu,ko zna ča če se od priči sad tek počet slagat? A da ste tili,ali niste, mogli ste bar u par besid ljudima objasnit situaciju okolo otega moga odlaska.Reka mi je Marijo da on jema niku drugu informaciju ( za razliku od one ča je jedina istinita) i da se zato nije ništa drugo pisalo.

A Marijo zna da mu ja nikad ne lažen,a isto tako,sa osobon koja mu more po tomen pitanju dat pravu informaciju je cilo vrime (one line) tako da je od samoga izvora direktno moga pravu istinu saznat,ali ne,to nebi baš lipo zvučalo,nebi lipo bilo za pročitat da su me makli zbog toga,da me maknedu,zato ča niko oče pokazat da je glavni i da more to učinit,(oče pokazat mišiče?)a nije bitno to ča i kako oti obavlja posal,koji nije ka ča niko misli samo otvorit kino upalit sviče,koje kasnije kad sve završi triba udunit i zaključat pa poč doma,a jok,kad san prvi put nakon dugo vrimena uša u kino u kojemu san do devedeseti radija okolo sedan godin,reflektorska rasvjeta je bila desetkovana,a predstave su se odvijale u nikomen polumraku.

Za dovest sve skupa u red zajedno sa tiristorskin uređajen pomoču kojega se reflektori palidu tribalo mi je dobri par miseci,a pored rasula sami reflektori koje je tribalo “reparirat” glavni problem su mi bile žarulje u tima reflektoriman koji nima nigdi za kupit,a koje san bez da je Grad da ijednu kunu na svoj obraz dovuka iz Zagreba,a za pojedine predstave ča su se događale u kinu,nosija svoju opremu za dobit šta kvalitetniju scenu,jerbo je šteta da kad se več trudiš i izgubiš toliko vrimena za učinit pojedinu predstavu, svjetlosno to ne bude popračeno kako triba i izgubija bi ja okolo toga lipo vrimena,neka mi nije bilo u opisu radnoga mista,ali neka,nije mi ža.

Ma nisan ja od oni ča mislidu da je nezamjenivi,da kad on gre ča iza njega če to sve propast,ali nažalost,jema oni ča upravo mislidu to, da oni jesu,ali nisu.

I volija bi,a ko mene pita ča bi ja volija,da ste kad ste več pisali o kinu stavili koju od ovi slik ča ču ji doli meknit na kojiman se vidi kako nan kino od,ne vlage,več vode koja prolazi kroza zidove,pomalo,ali sigurno propada iako su oni nadležni u gradu i po nikoliko puti obaviješteni i na licu mista se u to uvjerili niko ništa ne poduzimlje,a jedina nan je dvorane ovakve namjene u Kaštiliman,u koju kad pojedini glumci ča su obašli puno dvoran ostanedu ne malo iznenađeni kad je vididu,a i kad prvi put progovoridu ostanedu zabezeknuti akustikon koja je vrhunski odrađena jer je pri zanjoj rekonstrukciji kina projekat za akustiku učinija najbolji,nazovimoga akustičar u bivšoj jugi,a šteta,prova san ja to bija iznutra i malton i gleton i pituron nikako dovest u red,ali u samo koji misec dan opet se sve vrati na staro,(to je isto ono ka da čoviku koji se iz nutra raspada obučeš frak),a jedan zidar mi je reka da otu sjevernu stranu(zid),bi tribo ča pri zaštitit da ovako ne propada, jerbo to ča se več godinama događa,uništaje oti vanjski sjeverni nosivi zid.

2.
E sad kad san se več uvatija pisanja iz Mašogadura onda ču i o zanjoj stranici di se opet i ove godine,ka ča je to bilo i prošle, uvatilo popa. Ma zanimljivo je ovo,od kako je ovi novi pop doša jema oni u selo ča jin smeta,a sad nebi tija mišat ovo u Mašogaduru sa otin,ali mi nije jasno ka ča san več lani bija o tomen pisa da kad je oni pop ča je bija prije ovega prominija nike običaje,npr. kad je ukinija na sprovodiman krug okolo ciloga groblja onda niko ništa,jedini san ja o tomen progovorija ,nakon čega su se svi itali sa izjavan kako to triba vidit zašto je kako je,ne more to tako,iče on tamo di mu se reče… i ka po običaju svakoga čuda dva dana dosta. I neču puno,ispast če čudno da dvi godine zaredon ja popa branin,ali ovo pod brojen osan ča je napisano:“ Olabavit ču pravila za Krizmu i Pričest“,moran naglasit,a to da je upravo ovi pop kad je doša u selo izbacija tinbravanje u knjižice kad je ko od dice bija na misu oli vjeronauk,ALI, su dica to po svoju iskoristila, i iznevjerili ukazano in povjerenje,tako da je ona prošla generacija prvopričesnika i krizmanika kriva za stroža pravila.

3.
Pita me Marijo odma onu večer na maskenbalu da ča mi se čini od povorke,a onda san mu reka ovo ča san več gori napisa,a ništa, u Mašogaduru je za sve kriv pop,a u povorci je glavni krivac ispa Most. O popu nismo,jerbo smo se nikidan u selo oba tomen karali,ali zato jesmo oba mostu – slici u povorci. Da kako to ja govorin? A lipo Marijo,ma nisi ti to svatija,govori mi, dobro,aj ti mi onda objasni,a jesi li vidija Žutoga kako sidi na mostu i vata stolicu – fotelju sa udicon, e, i?
E i to ti je prikazano kako su se oni gori u vlasti borili za fotelje, oni u vlasti? pitan ja njega,e,a reci ti meni, a di je onda u otoj točki ostatak priče? a ča bi ti još tija?a ništa ja nebi tija,po ovomen ča san ja vidija ispada da je samo Most lovija fotelje,a ove ostale ja nevidin? a ča mi je još čudnije ti si oto vidija,a ja nisan i sad si me pripa,moraču u okuliste odit,generacija smo,pa da je meni u odnosu na tebe ovoliko vid iša kvragu?znaš ča Marijo,moreš ti to meni sad deset dan objašnjavat i pritunbavat i opet ja to neču svatit,a biče san glup? nisi ti glup,nego ne razumiš,znaš ča Marijo,da je oti most sta na tri slova HDZ,ili da se oti most izmrčija sa grafitiman od svi stranak ča su ušli u Vladu onda bi ja sad oto ča ti meni govoriš da ja nisan razumija to svatija,ali ovako?

4.
I na kraju,pitan ja Marija,a jeli reci ti meni ovo ča ste užgali ka krnju ča je ovo?a da jeli ga to zajebajen,a nije,a oli nisi vidija da je to fotelja,za koju se političari grabidu,a vidiš ti i ja san isto tako vidija fotelju,znači da mi nije vid iša baš tako kvragu ka ča san mislija,hm,a ča je sad?pita me,a ništa Marijo,a jeli se ti sičaš oni davni vrimen kad san i ja sa vaman sidija za stolon i mislija da donosin nike odluke u maškaran,gleda me i čeka ča ču sad reč,e i,a jeli se ti sičaš onda kad se je donila odluka da če otu godinu Sanader gorit iako se niko sitija da su niki izbori (neznan sad koji su bili) i pita, da jeste li siguri oto za Sanadera,a Vi uglas je,je, pa ča da su izbori,a onda tamo sedan dan pri povorke za sastankon doznajen da je “niko” prominija odluku (a ko kad san i ja oti ča odlučije?)(kako nisi)(samo ti misli da jesi) (a eto san mislija) i dozna za prominu da če se otu godinu zapalit selo,sa obrazloženjen,da neš ti baze užgat Sanadera kad ga svi okolo palidu,a zanimljivo je Marijo to da su Kanbelovčani šest dan prije užgali fotelju,za da bi Vi to isto učinili? To je sad baza?

I na kraju pošto san čuja da se i moj odlazak iz maškar oče na krivi način protumačit,reču, da san ja naza jednu šest-sedan godin (asti ča je brzo prošlo) iz maškar iša ča baš zbog nepridržavanja one,nazovimo definicije ča san je gori u vrju o maškaran napisa,a koju bi svako, nako kako komen odgovara,po svoju prikraja.