A je nas ludaju
Kako se dogodilo da nan voče i povrče ne prodajedu na kile,več se to čini na komade,oli na posudice,pa se tako zna dogodit da glavica salate košta “samo” jedan eur,alo,jedan eur,a u njoj nima ni petnajst deki,a onda kad baciš računicu koliko bi došlo po kila,oli kil,slabo ti dođe,ali eto niko se lipo sitija kako čedu nas na fini način “pokocat”,a ono kad ti uz cijenu reče ono samo,odma ti mrak padne na oči,pa tako ja nikidan prolazin Spliskin pazaron i vidin one prve smokve-Petrovače,meklo ji je u niku plastičnu škatulu i do nji cijenu od četiri eura i pitan ja ovu ča prodaje,a ovo četiri eura,je li to cijena za kil,po kila ili?,a da nije,več je to cijena za ovo smokav ča je uspilo stat u to plastične posudice,ma čekaj malo,uspilo stat,to je nika nova mira,a more li se znat,koliko u oto smokav ča je uspilo u oto plastike stat,jema težine,asti da ča če mi sad to,to je ta mira koliko je u kutiju stalo,ali eto kad san ja baš toliko navalija,mekniče ona na vagu pa da buden miran i ča je vaga kazala,oto smokav ča je u oto plastične kutijice stalo jema ništo manje od četrdeset i pet deki,a to znači da bi kil oti smokav tribalo bit okolo devet euri,a još mi govori da je to pala cijena,jerbo da su ujutro bile šest euri,naravno,mislin na količinu ča je uspila u oto plastične škatule stat…
A zanimljivo,uz cijenu koja je definirana,npr.ota četiri eura,jemamo i cijenu (oko),znači na ovu doli sliku morete vidit kako uz škatulu ovi bobic ča se nalazidu desno od ovi zlatni smokav,jemamo i cijenu od oko 4 eura…
Šta je sljedeče,grožđe čedu po zrniman počet računat?
Danas je Dan antifašističke borbe
Na današnji dan, prije 83 godine u šumi Brezovica kraj Siska oformljen je Prvi sisački partizanski odred koji je ujedno bija i prvi antifašistički odred u Hrvaskoj i u Evropi.Povodom ovoga dana Sučurački antifašisti su položili vijence i zapalili sviče na spomen kosturnici poginulih antifašista iz našega mista.
Otvori ...Najtopliji dan u šestomen misecu,pustinjska savura,nestanak struje,globalno zatopljenje,krave…
Ovako izgledadu Split,Marjan sa Čiovon u pozadini-slikano iz Mravinac: Kako znamo u Splitu je izmirena največa tenperatura zraka u šestomen misecu,38,3 stupnja koja od 1948 do ove 2024 godine prvi put jučera zabilježena okolo četiri ure popodne,dokle se u Kaštila izmirilo 39 stupnjev. Ali to nije sve,jema več nikoliko daan da ne vidimo plavo nebo,več sivo,puno savure iz Afrike,a ovo je več ko zna po koji put,a zanimljivo je i…
Otvori ...Jeste li vidili ovi lipi crtež na Gojači ča su ga učinili Sučurački planinari?
A još je bolji kad se zatvoridu ova istočna vrata ča su sad otvorena. 😀
Otvori ...
Sučurac je dobija svoj prvi radar
To je ona mala škatulica kraj ceste šta snima koliko vozite i ako prikoračite dozvoljenu brzinu učine jednu puno lipu i puno skupu sliku. Radar je meklo na pravo misto,Brižine,jerbo je namo ravnina i znadu se razvit velike brzine,a o tomen problemu nan je još u prošlomen sazivu Mjesnoga Odbora govorila viječnica koja tamo stoji i koja je,a jema i četiri godine govorila kako bi tote tribalo radare meknit i…
Otvori ...U selu se jema več nikoliko daan stavlja nova javna rasvjeta
Počelo se sa početkon sela tj. sa istočne strane Kaštelanske ceste i došlo nigdi do zapadnoga ulaza od fabrike cimenta. Skidaju se stare armature u kojiman su bile natrijeve žarulje,(žuto svitlo) i mečedu nove,led rasvjetu,koja daje bilo svitlo koje je prirodnije od onoga prije jer je najsličnije sunčevomen svitlu iako i ovde struka ima ništo za reč,pa se preporuča,pinkicu više žutoga svitla,da ubije oto plavetnilo,jer je tako puno ugodnije za…
Otvori ...Sičate li se aute Ami 8 ?
Ovo pitanje san postavija za one malo starije. Pri jednu dvadesetak daan oto aute se moglo vidit u naše selo,a čovik je s njon doša iz Francuske. Bome,jema se on ča i drndat,a i hrabar je šta se uopče s njon i uputija za dovde doč,a triba se vratit i nazad. Evo slika odo te aute za one šta su zaboravili kako Ami 8 izgleda,ka i za one ča je…
Otvori ...Doli na Rivi od jučera nima više pekare
A slike poput ove doli,idu u ropotarnicu povijesti:
Otvori ...
Komentiraj