Otvoreno je Kaštelansko kulturno lito
Sinoč je na Igrišču otvoreno ovogodišnje Kaštelansko kulturno lito,a ovu godinu je to bilo uz klapu Rišpet,koju je nakon par otpivani pisam omela kiša pa je koncerat tribalo prikinit,a publika se razbižala,ali nakon koji dvadesetak minuti nebo se smilovalo,koncerat je nastavljen i traja do jednu jedanajst i dvadeset,s tin da se zanji dvadeset minuti opet odvija uz kišne kapi koje su pomalo,ali sigurno sipile i natapale,a publika i izvođači se nisu dali,uživalo se pivalo i kisnilo,a ja san bija jedan od oni koji su jemali sriče da od pet lunbrel koje su se otvorile i ja buden ispod jedne,naravno,ona moja je u onoj svojoj borši napokon jemala i ništo pametno,uvik se pitan ča sa sebon vučedu one boršetine i uvik tražidu ništo po njima i naravno,ne moredu nač,pa onda bude brontulanja i iskričanje sadržaja,za da bi našli ono ča tražidu…
I na kraju,lipo je to ča se na ovakviman događanjiman vodi računa o razmaciman između stolic,postavlja ograda kojoj se regulira broj ljudi,ali di san ko bija,problem je vanka ti ograd,ljudi su naravno,načičkani jedno do drugoga…
I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Sređije se staro kino ili ti ga,đudo dvorana
Raskopalo se ono starega,gnjiloga drvenoga poda,umisto kojega če se meknit novi,malo če se obnovit i instalacije,a isto tako u budučnosti zimi u ovoj dvorani ne bi više tribalo bit,zima,a liti vruče,več lipo ugodno… I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Otvori ...Evo je i po Kaštiliman počelo mečat
Odozdala,u donja Kaštila-Stari je počelo mečat stalke za one bicikle iznajmljivalice… I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!
Otvori ...Da zašto su ovi pitari isprid kontejneri?
A to se more pitat samo oni zbog koji je ove pitare i meklo,a meklo ji je zato jerbo bi se tote parkirale aute,pa radnici nisu mogli izvuč kontejnere za ispraznit ji,a tako ništo svako malo moremo vidit i doli na Rivu di jema oni ča isto tako mečedu aute isprid kontejneri i puno puti se dogodilo da uvik isti to činidu i onda radnici ča radidu na kamijonu jemadu…
Otvori ...
Ovo kako na Sokolanu još nije meklo priobučivalicu opet je niko potegnija priču oba tomen je li Sokolana plaža ili nije plaža
Pa je onda niko reka da se siča kako je na jednoj sjednici od Gradskoga viječa i sam Gradonačelnik reka da Sokolana nije plaža. A zanimljivo,od nas par ča nas je tote bilo,samo on zna da je Gradonačelnik oto reka,a kad san ga pita kad je to bilo,e on nezna,ali zna (sad se več malo koleba u tomen znanju) da je reka. A dobro,naravno sad se odma ide u potragu…
Otvori ...A Vi mislite kako je priša stavit priobučivalicu doli na Sokolanu?
A ne,ima prilišnijega posla,neko je radniciman iz graskoga pogona reka kako je prioritet sredit ove bubamare isprid kina o kojima san toliko toga do sad napisa,pa se više neču ponavljat,jer niko miče dvi bubamare,pa su onda probijali asvalat i u bubamare mekli tondine,da ji se ne more samo tako turnit,a onda kad su nakon toga opet maknute u stranu,e onda su brže-bolje odma sutradan uz oti tondin,sad dodatno i malton…
Otvori ...Pitadu me danas da kako na Sokolanu još nisu mekli priobučivalicu ?
Ma di Van je priša,pomalo,kad bude zavručilo, onda če. Da neka iden. A zašto ja bidan? Eto tako. A dobro.
Otvori ...Evo ga,danas su napokon sredili
I ona dva kandelabra na cesti između semafori navr Osnovne škole sad lipo svitlidu: A bilo je ovako: A nebi ni sad da se jedan, ča i nije triba,nije za ovi problem založija.
Otvori ...Jučera su Sučurački ribiči čistili more od smeča
Izvadili su i ono potopljenoga broda u moru isprid Rive. Uz sučuračke ribiče čistili su i članovi sučuračke Udruge navijača Hajduka,DVD-a mladost i društava Giričić.
Otvori ...
Komentiraj