Učinija je lipi dan bez kiše,nije bilo ni zima,a na Spliskoj rivi iako je subota i to predblagdanska iznenađujuče malo svita.Na pozornici se u sklopu zimskoga akvarela pivalo,dida mraz je šeta sa jednon veeelikon vričon iz koje je vadija darove za dicu,žuti prsluci su,ka ča su to prošle subote najavili,opet izašli na ulice,jedan komični žongler je zabavlja sve one koji su se tote zatekli…

Sinoč je u vatrogasciman bilo baš veselo,to je več postalo tradicionalno da prid Božično Novogodišnje blagdane Dida Mraz dici dili darove,ali ovi put se nije spušta u saonicaman,nego je doša karon,a pri ulasku u dvorište pratija ga je snig,ma ča snig,to je bila prava mečava,a bilo je i vatrometa.

Vidili ste nikidan ča su one bube učinile palmi isprid škole,sataru je tako da u sredini ostane sama pilotina i onda jednostavno padne sama od sebe,e,a sad pošto znamo da Marfi nikad ne spava (mislin na Marfijev zakon),mala je vjerojatnost da se pri padanju oti palmi neče dogodit koja dežgracija i da neče koga poklopit,ali zato triba ono ča se reče,radit preventivno i sve one palme ča su se osušile…

Bome,nisu je štedili,učinili su je u papar. Ove slike su mi poslali.

Jučera je Ivica Matković ima prilično zahtjevan posal,jerbo je ono stablo isprid škole lipo nareslo,a jedini način da ga se skreše bija je, da to napravi neko kome je penjanje na visine šala mala. I naravno,po selu je odma počelo,a ča triba plačat posebnoga čovika za rizat stabla,oli to nisu mogli učinit oni iz Komunalnoga pogona. Nisu. Ka ča san več napisa,posal je bija vrlo zahtjevan i opasan,a sve takve…

  A glasija je:”Promet od nove godine ne vozi izvan Splita?” A radi se o tomen da bi prema Uredbi Evropskoga parlamenta gradovi i opčine suvlasnici firme “Promet”tribali potpisat nove ugovore,da bi moga vozit na linijaman na kojiman je i do sad vozija,a do sad je to učinija samo grad Split, koji je suvlasnik 80,78 %,sljedeči suvlasnik je grad Kaštila sa 5,2%,a oti novi ugovori imačedu napisane i uvjete po…

Danas su se i u Splitu pojavili ljudi sa žutiman prsluciman,niki su za njiman vikali bravo,a niki su posprdne komentare o njiman govorili,a oni su prolazili kroza Spliske ulice i uzvikivali sve ono ča narod između sebe o oniman ča nas vodidu, govori. Uglavnon,bilo kako bilo,oni su najavili svoj izlazak na ulice i drugu subotu,a ča če od otoga svega ispast, vrime če pokazat.

A je lipo danas bilo friško,a po Kozjaku i Mosoru počelo se bilit,malo ranije nego ča su to prognoze govorile,jer prave oborine očekijedu tek sutra,pogotovo uvečer prema suboti,a pošto če se “tuč”vlažna ciklona sa sredozemlja i ladna Sibirska struja, mogle bi i ovde u nas letit pahuuulje,ako ništa drugo,a onda če nan ji bar buretina sa Kozjaka,oli Mosora donit. Danas: