Nakon ča san obavijestija i popa i presjednika MO-a jučera san opet iša vidit na groblje ča se događa,mislija san da ču nač konzervatore,ali san naša samo čovika koji radi na bageru,pa san ga pita je li mu ko reka da ferma sa radoviman,zbog kostiju koje su tu nađene i koji mi je reka da mu je rečeno da neka nastavi sa radoviman,a ovi ča je bija sa menon se…

Jučera je mobitel bija užaren,sa svi stran je zvalo da ča se ono u Gospe kopa,pa san iša vidit i je,sve je isprid raskopano,a tamo na zapad di su oni čenpresi je i dijal žil okinut,a u selo odma krenila priča da zašto se to kopa kad se uvik govorilo da su tu naši preci pokapani,znan kad san u svoje vrime, kad mi je otac ono bija groblje vodija pita,da…

Kako san jučera zbog onega ča se isprid crikve kopa par puti bija na groblju,e oti zanji put kad san izlazija iz Fiče odma mi je iz daljine mavalo da dođen,a ča je,ma ča ča je,sramota,na nijednoj od tri čatrnje (isprid mrtvačnice,na staromen dilu i doli južnomen dilu groblja)ne moreš vode napunit,jedina ča radi je ona četvrta,ča se nalazi namo skroz na istočnu stranu.

Odma na početku moran reč da me sjednice ča ji jemamo u Mjesnomen odboru sa odgovoriman zašto to šta smo mi tražili da nan u selu triba,ne moremo imat-dobit,podsječaju na onu Britansku seriju „Da ministre“,baš na zanjemu sastanku,niko vrime san drža zatvorene oči i samo sluša odgovore presjednika MO i mislija da san u toj priči,ali kad san otvorija oči,suočija san se sa žalosnom stvarnošču. Od zanjega sastanka Mjesnoga Odbora…

Pitanje je vrimena kad če se u Starčevićevoj ulici dogodit koja tragedija jerbo su političari dozvolili da se kroz nju odvija teški kamijonski promet,za kojega se,tamo za di je predviđen da triba odit,radidu ceste po posebniman uvjetiman,počevši od podloge ispod asvalta,ka i samoga asvalta koji je u odnosu na ovi ča je u Starčevićevoj i po četiri-pet puti deblji,a o tomen kako je ovo gusto naseljeno područje nečemo ni spominjat….

Znate oni kanal ča su ga kopali za kabel od telefonije na prostoru di je bila stara crkva ča je stradala u bonbardiranju,a koji su obiližili sa kafenin asvalton? E,a sad su oti kanal koji je iskopan u otemu kafenomen asvaltu, zakrpili sa crnin asvalton. Pa to sad izgleda evo ovako: Ok,razumin da je zeznuto doč do mali količin kafenoga asvalta,ali da se bilo malo poigrat sa materijalon,da je bilo…

Evo i večeras smo u stari dijal sela opet bez rasvjete,u par navrati se to parilo ka da je u redu,ali sustav opet uporno ispada,pa je tako bilo i sinoč i večeras… Naravno da u selu odma krenedu priče,a jedna od nji je kako je ovo zavručilo, pa da se je biče koko na fazu od rasvjete spojija sa klimon.

Zanimalo me koliko su bukirali ovi naši iznajmljivači ovo lito pa san to iša pogledat na booking.com. Osim njega ima i Airbnb, Novasol i ko zna koje još internet agencije ali ja san gleda samo booking. Ovo ča je crveno to je bukirano, a ča je bilo nije :(. Gleda san sedmicu od subote do subote, osin oni 5 dan za vrime ultre, a ča je sve crveno osin jednoga…

Stari dijal sela skupa sa rasvjeton na Gospici sinoč i prisinoč su bili u mraku,jedino je gorija donji dijal rasvjete od Sokolane pa do rive,a po tomen se dalo zaključit da je javna rasvjeta podiljena na dva voda,ali po stanju na terenu,kad se ovakvi kvar dogodi,krivo raspoređena. Sinoč je okolo deset uri u trafo stanici u Varošu kvar otklonjen.