Oče li ova tabela sa slikon utjecat na savjest pojedinac?
Nakon ča je Split to počeja jema več par miseci mečat i u nas je prošli petak doli na rivu uz znak od parkirališta za invalide meklo i sliku osobe u invalidskiman koliciman. Puno nji se pita,a ča jemadu mečat slike,oli nije dovoljno ča su znak mekli?
A nije,jerbo jema puno oni ča jemadu ote invalidske karte za aute,a ni blizu nisu od potribe za na oto misto parkirat,pa se sa oviman slikaman,takve osobe koje tote gredu parkirat, oče podsjetit da jin ota karta ne daje za pravo otet misto onoj osobi kojoj je to stvarno i potriba.
Jema san i ja bija otu kartu još tamo devedeseti godin i baš je to bilo super,moga san sa njon doč na mista di je inače bilo zabranjeno,a parkira bi fiču usri grada,isprid stare bolnice i ča se jednoga dana dogodilo,a to da san baš tote bija prolazija i jedan čovik iz aute me pita da je li mu mogu pomoč,doša san do njegove aute,a on je otvorija porta pak i pita da mogu li izvadit invalidska kolica i meknit ji do aute,a on se sa sica od aute pribacija na sic od invalidski kolici bez koji se ne more nigdi maknit. I ča san ja nakon toga napravija? Vazeja san otu kartu za invalide ča san je jema i raskida je u najsitnije komadiče i više mi nikad nije palo napamet vazest otu novu kartu,niti na ota mista parkirat.
Torcidin mimohod za Vukovar
Ka i protekli godin i večeras je Spliska Torcida napravila kolonu sječanja, za 27. godišnjicu pada Vukovara, koja je kako su se krečali prema krajnjemu cilju,do murali na Sučidru, bivala sve brojnija,a za razliku od prošli godin kad se pivalo zovi samo zovi,orilo Vukovar,Vukovar,palile bengalke,…ovi put je to bilo sasvin drugačije,nije bilo bengalki i svi su mučali.
Otvori ...Da zašto mi je kuča sinoč bila “opiturana” u ljubičasto?
A zato jerbo je jučera bija dan prijevrimeno rođene dice Palčiči. Prijevrimeni porod je največi uzrok smrti kod novorođenčadi,a u Hrvaskoj se godišnje tako rodi okolo 2 600 dičice,a obilježavanjen ovega dana želi se ukazat na taj problem,jer za da bi ova dičica imala šansu za priživit tribaju imat kvalitetno ličenje i dovoljno aparati koji su neophodni za održavanje života prijevrimeno rođene dice. E a sad zašto se otega dana…
Otvori ...Sutra opet dolazi kontejner za glomazni otpad
Sutra je treči ponediljak u misecu i opet naš red za kontejner od glomaznoga otpada,koji če bit postavljen doli kraj oni ostali kontejneri na rivi isprid crikve.
Otvori ...Kako roditeljima šta vodidu dicu u vrtič pomoč da ji pri povratku ne dočeka kazna na šoferšajbi?
Roditelji ča vodidu dicu u dičju vrtič Neven imaju veliki problem, di ostavit auto,a da ji na povratku ne dočeka kazna,a da sad ovde puno ne mudrijamo,evo kako su to u Zagrebu riješili. Mi samo kopirajmo.
Otvori ...Branje maslin
Nakon ča su ove godine sve moguče nedače napale stabla o maslin,počevši od leda u treči misec pa onda nikoga rilaša ča ji je izbuža,gube,muje,suše,pa onda naza misec daan ona velika bura šta je ono bidno šta je priživilo otrunila… ča je u konačnici rezultiralo urodon koji je manji nigdi upalak,nigdi za trečinu,a nigdi nisu niti deka uspili ubrat,ali eto za ove sritnike šta jin je na stabliman ostalo za…
Otvori ...Ne stišaje se bura zbog bonbastičnoga naslova na naslovnici u Slobodnoj Dalmaciji o zatvaranju cimentare
Otvoreno pismo: Šta se krije iza bonbastičnoga naslova u Slobodnoj Dalmaciji da su:“ Kaštelani najavili gašenje cementare, bez posla ostaje 306 ljudi!“???? I to je na kraju naslova meknut uskličnik,ne upitnik,a to bi onda tribalo značit da je ovo ča je potpisana novinarka napisala,konačna odluka? Malo čudno je to sve skupa izgledalo,a o nekiman nelogičnostiman,usputnin izostavljanjen ili pojedinin naglašavanjen, dobije se dojam kako se ovde radi o namjeri diskreditiranja pojedinaca…
Otvori ...U ponediljak če na rivu isprid crikve bit kontejner za glomazni otpad
Od ovega miseca če se počet sa prakson koju je Gradonačelnik več jema par miseci najavija,a to je da če se,zamisto ka ča je to do sad bilo, da se kontejner za glomazni otpad samo jedan put godišnje meča,sad to za naše selo bit prvi i treči ponediljak u misecu i to svaki misec,pa bi se tribali nadat da če gotovani svatit da bi zamisto okolo kontejneri,ono glomazno ča tribadu…
Otvori ...Slušaj ti iz Mjesnoga odbora,a kad če se turnit sat uru nazad?
Ajde pak,evo sad ču poč po ključ od kanpanela pa ču turnit kazaljke.
Otvori ...A ča radidu one službe u Gradu kojima je posal ovakve probleme detektirat?
Jema več i par daan da su mi rekli kako iz oni šahti na cesti,tamo di je bila stara apoteka,a sad frizeraj,frcadu stine,a kako neče kad je, kako prolazidu šleperi,labudice… oto sve rastreslo i popucalo,a zbog toga dijal između rešetak osta bez asvalta i kako prođe koko od oti veliki aut izleti po koja stina (vidite na sliku) i samo je pitanje vrimena kad če koko na koju čipo učepit…
Otvori ...
Komentiraj