Opet je pukla cijev od kanalizacije
Jučera je u ulici Rimski put opet je pukla ona tlačna cijev od kanalizacije. Zašto opet? A zato jerbo je u istoj ulici,samo par metri na zapad od ovoga sada mista,pukla u četvrti misec 2013-te godine.Opet na isti način,a to je da se podiga lipi dijal asvalta,a sadržaja iz cijevi bilo je toliko da je odilo i priko ceste,a kasnije su došli i vatrogasci pa su otu šporkicu sa šmrkoviman oprali.
Skale na Sokolani
Prošlu sedmicu su na Sokolanu meknute nove skale za ulazit u more,one stare, zarđale, su išle u ropotarnicu povijesti,a ove nove su toliko velike da se u isto vrime moredu na njiman mimoilazit oni ča ulazidu i oni ča iz mora izlazidu,a nji ka i ostali pet skal ča je zanji par godin u selo postavljeno, donirala je tvrtka “DAMOR”.
Otvori ...Mimohod ne zaboravi Srebrenicu
Jučer popodne Spliskin ulican je proša mimohod za Srebrenicu,nakon čega su sudionici mimohoda u more bacili crvene ruže.
Otvori ...Danas opet smrad i kafenilo iz Tunbina
Jutros me zvalo na mobitel da neka dođen slikat smrad i šporkicu ča gre iz Tunbina u more. A kad san odo tamo doša na Rivu onda su me oni dočekali da jesan li bija na Gojaču,je li Tunbin,je,bija san.
Otvori ...Lipo su uredili
Posli radov ča su ji činili za primistit fra Bernardina svaki put nakon kiše ostane lokvetina i dugo iza toga se tote ne more prolazit.
Otvori ...Splicka Scena u Sučurcu
U subotu su u Gospojskoj štradi Ante, Ivica,Tomislav,Vanja,Josip i Ivo,članovi Splicke Scene uspili publiku dvi ure držat atento,svi su čekali ča če sad koko od nji novoga reč,a nije u današnje vrime baš lako bit stend ap komičar,sa mikrofonon u ruci,na milost i nemilost stojiš sam isprid publike i strepiš kako čedu oni sa suprotne bande ča jin je puna kapa svega, reagirat na ono ča če komičar reč,a moran…
Otvori ...Torcidin mural na Sokolani
Na južnomen zidu od rukometnoga igrališta članovi Sučuraške Torcide su učinili jedan puno lipi mural u koji se uložilo puno truda i ljubavi,ali posal ni izbliza nije gotov,mora se sa sjeverne strane sanirat zid,jerbo kroza pukotine zida če kad bude padat kiša probijat voda i uništavat oti mural,a isto tako po planoviman, rukometno igralište bi tribalo krasit još murali.
Otvori ...Evo je napravilo
Znate onu rupu ča se otvorila u Starćevičevoj ulici zbog prolaska teškoga prometa,e došli su u ponediljak iskopali,nasuli materijal i išli ča. I sad san ja mislija da če to tako sa žalon barenko jednu misec daan stat,kad ji eto sutra dan najranije ujutro, došli su i oto asvaltirali. Opet se i ovde založija jedan iz našega sela ča ga neču imenovat dokle mi on ne reče da mogu. A…
Otvori ...Ima li ko za zaustavit ovo oskrvnuče šta se događa na groblju?
Nakon ča san obavijestija i popa i presjednika MO-a jučera san opet iša vidit na groblje ča se događa,mislija san da ču nač konzervatore,ali san naša samo čovika koji radi na bageru,pa san ga pita je li mu ko reka da ferma sa radoviman,zbog kostiju koje su tu nađene i koji mi je reka da mu je rečeno da neka nastavi sa radoviman,a ovi ča je bija sa menon se…
Otvori ...
Komentiraj