Ča se mene i moje čere tiče Ajduk je jučera tuka Lokomotivu sa tri naprema jedan
Evo na ovu doli drugu sliku more se vidit di je bija balun,a sad ne virujen san baš trefija pravu stotinku sekunde dokle san ovo slikava,pa postoji mogučnost da je balun još bija unutra dokle ga vratar nije izbija ili ga je izbija,pa je ovo krenija prema vanka? Bilo kako bilo i da nisu ove dvi solucije točne,nego je ovo baš oni pravi uvačeni momenat,po slici se vidi kako je balun priša onu livu štangu,a po tomen je onda i crtu.
Na tribinan,bar ovde di san ja bija,prava drama,sucu se spominje,pip,pib,biiip,bip,biiiiip,a čer mi vuče aparat,ča je sad,a da če ona odnit doli njiman kazat sliku,a kome njima,a onemu sucu i vuče i dalje aparat,jedva san ga prioteja,ajde smiri se,to ti je tako,ali briga nas za nji, mi čemo to kontat ka da je gol pa,e i zato je gori onakvi naslov.
Inače je utakmica počela sa minuton šutnje zbog preminuloga Stanka Poklepovića od kojega se Torcida oprostila veličanstvenon koreografijon.
Večeras su Sučuraške i Donjokaštelanske maškare učinile primopredaju ključi
Sinoč je u onoj dvorani u vatrogasac održana primopredaja gradski ključi koje je Gradonačelnik uručija,najpri Sučuraškiman,a onda i Donjokaštelanskiman maškaran,nakon čega su jedni i drugi svrgnili sa vlasti stare i postavili nove kraljice od krnjevali,u nas je tu lentu do sad držala Lela,a večeras ju je zajedno sa krunon priuzela Majda…
Otvori ...Evo je Vili “misiju zvana palma” doveja do kraja
I evo,Vili je danas napokon sredija sve ono ča je naumija i na misto di je osta oni panj od palme kojega je svakodnevno i to po cile dane uporno kida, rastrka zemlju koju je natopija i tote rasporedija busene trave koji če se sad u proliče počet širit i popunit prazninu. Ups,zaboravija san napisat kako su mu u utorak došli pomoč oni iz Vlastitoga pogona,govori mi Vili da su…
Otvori ...Kad to nije napravija Mjesni Odbor onda je Gradonačelnik primija stanovnike sa Brižin
Ka ča san več o tomen pisa stanovnici Brižin zbog rekonstrukcije ceste sada jemadu veliki problem,jerbo po novome kad se sa južne strane digne zid,ljudi više neče tote moč parkirat aute. I kako ji mi iz Mjesnoga Odbora nismo primili i saslušali njiove probleme,razlog je obrazložija presjednik u emajliranoj poruci “Molio bih Vas da dobro ispitate situaciju prije nego li sazovemo sjednicu . Provjerite što je točno problem i da…
Otvori ...Kome triba ovakvi Mjesni Odbor neznan,ali znan da građaniman našega sela sigurno ne triba
Znate ono nikidan kad san priča da se je na Brižinan počelo sa radoviman rekonstrukcije ceste i spomenija da tamo sad ljudi jemadu problema? E,a problem i nije baš tako mali,jerbo sad po novomen kad se sa južne strane digne zid ljudi više nečedu tote moč parkirat aute,tako da če puno nji bit u velikiman problemiman,a mi ka Mjesni Odbor ovega našega sela smo tu da kad ljudi jemadu niki…
Otvori ...I opet ljudi u staromen dilu sela (Getu) nisu spavali,jer su bili u straju kad če jin more počet u kuče ulazit
Ovu nedilju rano ujutro okolo dvi ipo-tri ure,kako su mi ovi muž i žena pričali u kuču jin je počelo ulazit more,a oni su samo bespomočno gledali i micali ča se moglo,da bar eto,šteta bude ča manja,čak je ljudiman i u aute more ulazilo,ali neču puno više o ovomen pisat,evo ču sad i u buduče samo Copy paste,pa evo opet ono ča san lani u treči misec o tomen pisa,samo…
Otvori ...
Svizac Phil je reka da če proliče uranit
Svake godine drugoga veljače na Sviječnicu u Američkomen gradiču Punxsutawney bude tako živo da se brojka od šest iljad stanovnika diko zna popet i na trideset iljad jerbo se sa svi stran sjati puno svita naravno uz sedmu silu koja oti događaj nikako ne propušta,a razlog tome je za vidit oče li najpoznatiji svizac i “meteorolog” na svitu Phil ugledat svoju sjenu. To je tradicija koju su davne 1886 godine…
Otvori ...Kad več nije zaslužija i moga dobit nikakvu nagradu za Dan Grada,a onda mu bar dajte sve ono ča mu trenutno triba za stuč ovi panj od palme
Uvatija se Vili žestoko tuč po onemu panju od palme i naumija ga je skresat na desetak centimetri ispod zemlje. Tija je on da ovi ča su palmu ispilali idedu još malo doli,lipo jin je on to okolo okopa,ali tehnički jednostavno nije bilo izvedivo,eto,bar su mu odozgara to na fite nikako iskidali,a onda se Vili uvatija mašklina i počeja po tomen tuč,a mašklin odskače ka da u gumu tuče,a sa…
Otvori ...
Komentiraj