A nisan zna,pa znaš da bi bija napisa
Ovako san se jutros mora opravdavat,ma zaludu,tuklo me iz svi kaluni,a vražju mater ti nisi zna,znaš i ča če se sutra dogodit,a ovo ka nisi zna, je li ? Glavno da ti pišeš o pizdarijan,a ovo nije bitno,kvragu i znanje,koga briga za one pametne,neš ti nji. Ajde kvragu,ča si se navija ka brekelica,ma očeš mi više reč ča to nisan napisa? A to da je mali Domjan Barićev vanka na natjecanju dobija niku nagradu.
Domjan Barić,a koji je to?da koji?a od Roka sin, Roka?kojega Roka?a koliko ti to Rokov Barićevi znaš?,a onega ča jema autopraonicu,e,e odo toga,ajde nemoj zezat,a ča je radija, di je bija i koju je to nagradu dobija?eto san ti ja reka pa se ti sad informiraj. Ajde pak.
A je, išli su uz Domjana još i Petar Perković isto iz Kaštili i Matej Pavlović iz Splita, u Zurich-oliti ga Cirih(sva tri sa Zagrebačkoga PMF) i tamo su na natjecanju dobili prvo misto,a kad san čuja iz čega parilo mi je ka čudno,ali pošto nan je cili život i okolina koja nas okružije vezana za fiziku,onda čuđenja nima,pa tako ni okolo zadatka kojega su jemali za riješit,a radilo se o tomen da su tribali doč do toga, da koji se algoritmi tribadu koristit da bi računalo moglo pripoznat i razlikovat krave? Ja mislin da san ovo dobro napisa,neka mi ne zamiridu,ako nisan,jerbo mi je ovo jednostavno nika strana materija za koju moran priznat, nikad nisan čuja.
A u svemu tomen zanimljivo je i to da je zadatak bija prilično složen,a dira se područja od umjetne inteligencije i strojnoga učenja, kojega na svomen faksu uopče ne učidu.
A šta je to strojno učenje? A to van je vid umjetne inteligencije koja se bavi oblikovanjen algoritmi koji svoju učinkovitost poboljšajedu na temelju empirijski podatak,a računa se ka jedno od najaktivnijih i najuzbudljivijih područji računalne znanosti,jer ima brojni mogučnosti primjene od npr. raspoznavanja uzorak i dubinske analize podatak do robotike računalnoga vida,bioinformatike i računalne lingvistike.
Ajme ča san ovo sve gori ispisa,a jesan pametan. Jesan, vražju mater san pametan,neznan niti o čemu san pisa,samo san automatikon slaga slova u logične riči s kojiman san uspija složit nike rečenice.
Ali to o čemu san ja ovo gori ništo brlja,Domjan,Petar i Matej i te kako razumidu i satrali su svoje evropske kolege i od nji,dvanajst ekip osvojili prvo misto,iako su njiove kolege sigurno u povoljnijemu položaju ča se tiče kvalitete laboratoriji…
I na kraju još jednom sve čestitke našemu Domjanu i njegoviman kolegaman na osvojenomen prvomen mistu i sigurno je da ji je posli ovakvoga uspjeha več niko iz vanka sinja,ali ja se nadan da če se u Hrvaskoj pamet napokon počet vrednovat i da Domjan i slični njemu, svoju egzistenciju neče morat tražit van svoje domovine.
Šta mislite o čemu razmišljadu ove dvi ča sididu za stolon?
Eto su prošli i ovi izbori
Ka ča znate ovu nediju su u Kaštilima održani izbori za Gradonačelnika i Gradsko viječe na koje je izašlo malo više od trideset i dva posto,ili ti ga trečina od ukupni glasači,e i sad opet,ka i 2014 kad su bili izbori za mjesne odbore priče, da šta napravit pa da se svit nikako natira da učine ono šta mu je dužnost?Pa se spominjedu skandinavske zemlje i da bi i u…
Otvori ...Kako je to večeras bilo na Spliskoj rivi
Najpri kad san doša u grad vidija san ništo ka čudno,a nikako se sitit šta? Razmišljaj,razmišljaj,ma nebi se sitija… Ma čekaj malo,a ma je li ja to vidin one žute kesice ča su počele devedeseti i moga si ji na svakomen kantunu vidit,one ča sa modriman sloviman na njiman piše KERUM?Asti,a okle sad ovo? A okle,a doli sa rive jema štand,sa Pipijen,ko oče Pipi dobije ga sa oton žuton keson….
Otvori ...Zašto san ja jedini od dvadeset nas na sjednici Viječa roditelji glasa protiv?
Ali prvo da vidimo kako je sve to od početka išlo . Ono šta se u selu zna je to da je Viječe roditelji pokrenilo akciju za šta bolju prometnu sigurnost oko naše škole,a odma na početku moran naglasit da san puno puti ka nadopunu dnevnoga reda tražija uvrštavanje ove točke,da bi mi onda bilo sugerirano da čemo o tomen po točci razno. Ma daj,to čemo pod točku razno? Npr.uređenje…
Otvori ...Ovako izgleda Sučuraška svakodnevnica
Ka ča znamo lani je po selu učinjena nova prometna regulativa i postavljeni su novi znakovi,a da bi se to učinilo tribalo je napravit i niku prometnu študiju našega sela,e pa mi sad nije jasno kako se niko nije sitija ništo prominit u onoj ulici ča gre od stare do nove anbulante,koju kad ko more,večina vozači izbjegaje,jerbo je to cirkus kakvi se čepovi i kaos zna tote dogodit,a puno puti…
Otvori ...Panika danas na Sokolani (text od 17.07. 2015)
Evo je sredina petoga miseca i danas je tenperatura došla do 27 stupnjev,a i turisti u našemu selu su se sramežljivo,ali sigurno več počeli pojavljivat i samo je pitanje dana kad če počet sezona od kupanja,a glavna plaža koju turisti,a i Sučurani u našemu selu obožavaju je ona doli na Sokolanu,a svidoci smo da doli još uvik ulazi oni potok iz kojega su več nikoliko puti izlazila govna,a i ona…
Otvori ...Intervju sa Željanom Jurlinom,nositeljen Kaštelanske HSP-ove izborne liste
Eto tebe Željane opet na izboriman,ali ovi put si se aktivira na Gradskoj razini i ka ča san vidija čak si nositelj HSP-ove liste,a ča ti misliš koliko če te Vi ka stranka jemat uspjeha s obziron na ova sva događanja i javnu ne baš lipu percepciju di razne pravaške opcije radidu perfomanse nakon kojih kad se ljudiman spomene HSP odma manedu rukon,aaaa, to su ONI? Cili život se bavin…
Otvori ...Zašto se ne vrati znak zabranjenoga parkiranja ?
Dobro,ceston ča gre prema Kajinomen brigu zbog toga ča se odilo priko temelji od stare crikve auton se više ne more.Jeli to tribalo napravit ili nije mišljenja su različita,ali eto, maknimo tu priču sad na drugu bandu imamo to šta imamo i triba sad vidit ča učinit,a da život u selu gre normalno,a pošto je selo malo,a aut sve više,ovo je ispa veliki problem,zato jerbo sad sve aute moradu ič…
Otvori ...
Komentiraj