Ovako izgleda Sučuraška svakodnevnica
Ka ča znamo lani je po selu učinjena nova prometna regulativa i postavljeni su novi znakovi,a da bi se to učinilo tribalo je napravit i niku prometnu študiju našega sela,e pa mi sad nije jasno kako se niko nije sitija ništo prominit u onoj ulici ča gre od stare do nove anbulante,koju kad ko more,večina vozači izbjegaje,jerbo je to cirkus kakvi se čepovi i kaos zna tote dogodit,a puno puti znadu popustit i živci,pa bude beštimanja,mavanja rukan,izlaženja iz aut i regulacije ko di triba stat za da bi se krkljanac raspleja… Šta učinit? Je li triba zabranit parkiranje na sjevernu stranu? možda nije pametno jerbo tote ljudi stojidu i tribadu nigdi parkirat. Možda je najbolje tote učinit jednosmjernu ulicu,da se iz pravca istoka ulazi u selo?
Ča učinili da učinili dobro učinili,ali od svega, je u ovomen slučaju najgore, ne učinit ništa,jer ovde nisu sigurni ni vozači ni pješaci i samo je pitanje dana kad če se dogodit koja tragedija.
Evo ovde na ovoj slici se vidi da se ova bila auta ča ulazi u selo morala dignit na korniž za da bi ovi iz pravca sela, koji je u prednosti moga proč. Vidite isprid bile aute pješake koji nisu sigurni neka idedu tamo di je za pješake i predviđeno.
A na ovoj slici morete vidit konbi iz pravca sela koji se penje na korniž za da bi se moga mimoič sa auton koja ide iz pravca istoka. Vidite isprid konbija pješaka koji nije siguran, neka ide tamo di je za pješake i predviđeno.
Panika danas na Sokolani (text od 17.07. 2015)
Evo je sredina petoga miseca i danas je tenperatura došla do 27 stupnjev,a i turisti u našemu selu su se sramežljivo,ali sigurno več počeli pojavljivat i samo je pitanje dana kad če počet sezona od kupanja,a glavna plaža koju turisti,a i Sučurani u našemu selu obožavaju je ona doli na Sokolanu,a svidoci smo da doli još uvik ulazi oni potok iz kojega su več nikoliko puti izlazila govna,a i ona…
Otvori ...Intervju sa Željanom Jurlinom,nositeljen Kaštelanske HSP-ove izborne liste
Eto tebe Željane opet na izboriman,ali ovi put si se aktivira na Gradskoj razini i ka ča san vidija čak si nositelj HSP-ove liste,a ča ti misliš koliko če te Vi ka stranka jemat uspjeha s obziron na ova sva događanja i javnu ne baš lipu percepciju di razne pravaške opcije radidu perfomanse nakon kojih kad se ljudiman spomene HSP odma manedu rukon,aaaa, to su ONI? Cili život se bavin…
Otvori ...Zašto se ne vrati znak zabranjenoga parkiranja ?
Dobro,ceston ča gre prema Kajinomen brigu zbog toga ča se odilo priko temelji od stare crikve auton se više ne more.Jeli to tribalo napravit ili nije mišljenja su različita,ali eto, maknimo tu priču sad na drugu bandu imamo to šta imamo i triba sad vidit ča učinit,a da život u selu gre normalno,a pošto je selo malo,a aut sve više,ovo je ispa veliki problem,zato jerbo sad sve aute moradu ič…
Otvori ...Jupiiiiiiiii evo opet novi obečanji
Asti evo opet ovi lokalni izbori,a sad če nas bonbardirat sa razniman izjavan,kako če ovi vako,oni nako,ovi če učinit ovo,oni ono,a naravno kad ga izabereš onda ko te šiša,a pa slušajte Vi ča mislite da ste političari,neču dat da od mene učinite večega glupana od onoga koliko san ti dopustija da misliš da jesan.A je izletilo ove četiri godine, pari mi se ka da su nikidan oni prošli bili,ma meka…
Otvori ...A i ovo je mašo
Iako je jučera na dva mista u selo meklo one velike kontejnere za glomazni otpad,jutros se opet moga vidit ovaki prizor:
Otvori ...
Danas na Svetomen Duji
Taman jutros kad je tribala počet misa počela je rosikat kišica,ali je nakon par minuti stala i iako oblaci baš nisu obečavali,kasnije je učinilo i sunce,posli mise,tamo okolo podne ipo na peškariji se dilija orzo sa suvin meson,ali ovi put spizu nisu dilili političari (lani Petrov,Orešković,Baldasar…),več volonteri,a tamo nigdi u isto vrime tribala je počet i utrka osmerac između Oxforda,Cambridgea, i Gusarovi legendi u kojoj je Oxford pobijedija. I premijer…
Otvori ...Parti Moto kluba Uspomena
Sinoč su članovi Moto kluba Uspomena zajedno sa prijateljiman na Moto partiju na Sokolani proslavili i 24. obljetnicu svoga postojanja.
Otvori ...
Komentiraj