Očemo li ostat bez starega kanpanela?
O čemu se radi? Ima več koju godinu da san primjetija kako su na staremu kanpanelu fuge između stin,najpri di koja,a sad sve više,pogotovo na zapadnoj strani od kanpanela cilo vrime ka mokre i to nima veze je li pada ili je padala kiša,je li suvo bez kiše,je li na buru,oli na jugo,lito,zima,jesen,proliče,uvik je između fuug mokro,a da ima mista zabrinutosti pokazalo se kad me je lani,tamo nigdi u osmi misecu u selo trevija jedan naš meštar-zidar (ne priučeni),nego je od prvega dana peka zanat onako kako triba i ka meštar i penziju zaslužija.
I govori on meni da je li ja vidin ča se događa sa kanpanelon,a ne vidin,a da jeli vidin ovo ča je cilo vrime mokro,a to vidin i kako koga u selo pitan da jeli se i njemu čini kako je malo čudno da se ovo vlage pojavljije onda mi reče da ja to umišljan,a baš mi je drago da san sad trevija na ovoga i da nisan ovo umislija,ali po ovemu kako priča bilo bi boje da nije istina,jerbo kako mi on govori,između stinj se uvukla vlaga i sa svakon novon kišon dolazi nova voda koja ni malo ne čini dobro kanpanelu i pitanje je u kakvomen je stanju i ča če sa njin bit,a pitan ja njega,da kako se onda i liti ove fleke isto vididu,kako se od vručine to ne osuši,a on če meni da je to između zidov i da se to puno,puuuno teško suši. I od kako mi je to reka,svaki put kad me opet vidi u selo pita me da kako još nisan ništa o tomen napisa,triba djelovat,a ja njemu,čekaj, neču se ni ja baš zalitat, i vako kad ko ča napišen uvik se krivo protumači,pratin kako to sve gre,oče li se vlaga povuč,a sad vidin i ja da se to nikako ne povlači,nego gre sve šire,pa je vrime da se o tomen javno ništo reče i da se možda stručnjaci okolo toga zabavidu i ispitadu ča se to događa sa našin kanpanelon,ipak san ja lajk,a ne mora bit u pravu ni meštar,ali za maknit bilo kakvu sumnju oko možebitnoga propadanja kanpanela nije na odmet da struka reče svoju!
Kako stat na kraj oniman ča jin je teško doč do kaant za bacit smeče?
A ko če to dovest u red,iako jema kontejneri i kaant na svakomen kantunu,smeča jema svugdi okolo,tako se ide u razmišljanje da se gre obratnin tokon,a to je da,ako ti nečeš do kante, kanta če doč do tebe. Znači,ubuduče bi oni koji itadu svugdi okolo smeče tribali otvorit četveroje oči,jerbo če okolo šetat kante i pratit ko če di itnit smeče di ne triba i kad takvoga detektira,onda če kanta…
Otvori ...Zgrada od opčine če ostat bez petoga,a možda i četvrtoga kata?
Ovo kako se počelo sa uređivanjen fasade na zgradi od opčine, niko je kako to več po običaju ide, pustija priču o tomen da se neče sređivat četvrti i peti kat,ustvari to i nisu četvrti i peti kat,jer ako se sičate kad je zgrada bila gotova kako je bilo peripetij da se je peti i ko zna koji još kat radija bez dozvole,pa se onda to išlo rješavat sa preimenovanjiman…
Otvori ...A di ču sad strikane?
U dane okolo Uskrsa u prodaji je puno ča oni, od marcipana ili nazovimo marcipana,plišani,a i živi, zečev,kuniči,patak,piliči…koje ljudi (pogotovo ove žive) mahon kupujedu ne razmišljajuči o tomen da če kasnije imat problema, di če sa njiman? Sičan se tako naza desetak godin kad nas je jedna iz Splita ča je znamo zvala upomoč da joj, ako moremo, smistimo piliča koji to više nije bija, kod sebe,jerbo je naresta,a njoj…
Otvori ...Jeste li turnili sat uru naprid?
Danas počinje računanje litnjega vrimena i švere na satu tribamo turnit uru naprid.E sad, pošto se po običaju okolo svega činidu nike študije tako su i ovde Amerikanci izašli sa podatkon da se zbog pomicanja kazaljki naprid i spavanja uru manje u ponediljak (dan iza pomicanja) za 25 posto povečava rizik od srčanoga udara,ali tribalo bi nas utješit to ča se kad se ura makne nazad i budemo spavat uru…
Otvori ...Danas u Splitu uoči utaknice Ajduka i Dinama
Najprije je sa Matejuške priko,rive kroza Marmontovu prema Poljudu krenija mladi naraštaj Torcidaši sa maskan priko ust,i sve je izašlo na ponistre,jer se grad orija od pisme,a onda je jednu dvadesetak minuti kasnije sa rive krenilo jednu dvistotinjak Poljaci-Torcidaši koji su došli bodrit našega Ajduka,a kad su oni počeli pivat e to se nije orilo,nego su inkarti počeli sa kuč i zgrad padat,a mora se priznat da su za ovu…
Otvori ...
U Splitu je danas obilježen Međunarodni dan Down sindroma
Prigodnin programon na Spliskoj rivi danas je obilježen Međunarodni dan Down sindroma,tako da su članovi Udruge za sindrom Down 21-Split plesali,pivali,prodavali kolače,i razne proizvode koje su sami napravili,a posli je Šime Strikoman učinija Milenijsku sliku koja je predstavljala livu bičvu koja je bila crvene i desnu bičvu koja je bila plave boje.Čekaj malo, neznan jesan li sad pogodija boje i strane i oklen se triba gledat za vidit na kojoj…
Otvori ...
Komentiraj