Pitanje po selu,da zašto nigdi nima plakatjere za vidit liste za izbore od Mjesnoga odbora?
Jerbo da jema puno oni ča ne gredu po bespučiman interneta i da bi bilo u redu da jema koja plakatjera od Mjesnoga odbora pa da se tote mekne i ča MO radi,a i sad obavijest o izborima…
Znači odma u početku ispravak,MO ima oglasnu ploču,a morete se sitit kad san oba tome pisa kako san u prošlomen mandatu pita viječnike da je li znadu di je Mjesnoodborska oglasna ploča,a oni su slijegali ramenima,znači,ni viječnici neznadu di se oto oglasne ploče nalazi,a kako bi onda građani našega sela to tribali znat?
I prošle su četiri godine otega mandata,a vladajuči nikako da prihvatidu prijedlog nas iz opozicije da se oglasna ploča Mjesnoga odbora mekne doli na Rivu,di je dnevni boravak našega sela i di bi se mečale obavijesti,ča se učinilo,ča se misli učinit,zapisnici sa sjednic,di se vidi ko je ča pridložija,koliko je ruuk bilo za,koliko protiv kojega prijedloga bitnoga za naše misto i pridložilo se da uz oto ploče ide i poštanski sandučič,da građani našega sela moredu čako pridložit,poslat nas, jer ništa ne radimo…,ali ča se ono reče,bolje ne “talasat”,ča se manje zna to bolje,ovako MO pari ka nika tajna organizacija,iako mu je funkcija bit spona između stanovnika našega sela i grada…
Pa se onda prominila vlast i više na čelu MO-a nisu bili oni koji su imali tridesetogodišnji kontinuitet,ali opet borba i opet nima oglasne ploče,a onda kako je vrime odmicalo pokazalo se i zašto…
Evo,na sliku doli morete vidit oto oglasne ploče koju MO dili sa ribarskin društvon,a za koju devedesetpet posto,a mislin i više svita za oto ploče nima pojma i na njoj su sa vanjske bande zalipljene informacije o izboriman.
Oho,ovo kako nan je u selo krenila predizborna kanpanja,počelo se lagat
Istinon se itajte,a ne lažiman u laži su kratke noge,stara je poslovica. Eto,turnija je niko priču,pa se po selu opet govori kako san ja kriv ča se ono doli plaže na Sokolani nije napravilo kako triba… A sad evo “malčice” oba tomen koliko san vrimena i živac izgubija za oto bidne i napačene plažice,reče koko da je dugo za čitat,a naravno da je dugo kad je problem od odavna i…
Otvori ...Pravovaljane kandidacijske liste za izbor članova Mjesnoga odbora Kaštel Sučurac
Na stranicama Grada Kaštili jučer su objavljene pravovaljane kandidacijske liste za prijevremene izbore članova Sučuračkoga Mjesnoga odbora koji če se održat 16.veljače.
Otvori ...Svakako šta pri napiši
A ča je,još čete mi govorit i ča ču pisat.O čemu se radi? A ovi mi govori kako je prolazija tamo kraj Osnovne škole i da je na dvorani vidija par razbiveni stakli,a dobro si reka da to moran svakako napisat,pa da oni koji bi tribali,hitno reagiraju,jerbo se more dogodit velika dežgracija-zlo,zamislimo situaciju,prolazi dite,a odozgara se odlomidu ostaci od puknutoga stakla,a ka ča znamo “Marfi”nikad ne spava,jer ka šta znamo,ako…
Otvori ...A šta si ti mislija da češ dimit tamo di ti očeš
A kad nečeš,nego če dim odit tamo di ja oču:
Otvori ...Da jesan li vidija kako su mekli novi stup i reflektor ?
Je,vidija san,jema nikoliko daan da se u parku opet po noči vidi za proč,da jin je bilo poslat bonbonjeru? E vidi tebe,a ipak su napravili,a mogli su i ne napravit. A je u pravu si,mi u selu se moramo veselit svakome i najmanjemu pomaku…
Otvori ...Nama naplačijedu kesice jer čemo sa otin spasit okoliš?
A ova plastika s kojon se na paletama omotajedu raznorazni proizvodi,more okolo ka lepurina letit i nikomen ništa??
Otvori ...A ča Domina,Mandina,Kate,Marijeta i Filomena jemadu za reč o današnjemu bojkotu kupovanja ?
Jesi li napisa? jesan.aj pošalji. NA Evo ji,opet nji pet našli su se i prokomentirale bojkot za u petak ne odit u dučane,ali naravno,kako to kod nji več gre,ne moredu se oni složit ni da je danas petak,a kamoli oba tomen da otoga dana nečedu poč u dučan čako kupit… A karba je odma krenila okolo kafiči,pa je Mandina pitala je li i oto triba bojkotirat,a naravno jedni su za…
Otvori ...Slikano prisinoč
Puno puti,ustvari cilo vrime se iz pravca cimentare vidi ono ča u selu govoridu da je dim,a mislidu na ovi fumar ča se vidi na sliku,sa desne bande,e ali za umirit svit,več san pisa,a i opet ču ponovit,to je para,ali, bitan je ovi veliki fumar,ča se nalazi livo…
Otvori ...Da ča ovo baluna stoji doli na rivu?
A čeka da ga odnesedu ča,ona velika buretina kenila ga je u more… Evo na ovu doli sliku morete vidit kako se točaje:
Otvori ...
Komentiraj