Ovi na slici su dijal od dragovoljac postrojbe Putalj koju je slika Franko Kovač uoči akcije Rašeljka za koju su se ovi šta ji vidite doli na slici dobrovoljno javili i fala Bogu svi su se živi vratili.Na slici još fali zapovjednik,pok. Ante Dadić koji je isto bija u akciji,ali trenutno nije bija tote kad se je slika učinila. Inače ova slika se nalazi u našemu Planinarskomen domu u onoj…

Zanji petnajestak daan ovo je česta slika?? Pa me napalo,da oli san diga ruke od sela,da od mene ni A ni Be,a toliko toga jema,je li,a svi ste na društveniman mrižan,tiktokiman,fejsbukoviman tviteriman…,pa je teško napisat,več sve ja moran,pokaza san kako to triba činit,a pa se uvatite,jer vidili smo,ako sami za sebe nečemo,niko nan to zamisto nas neče učinit…  

Ka ča san več pisa,ja ka viječnik Mjesnoga odbora ne mogu na sjednicama govorit o problemima u našemu mistu,jerbo je demokratska večina uskratila točku razno,(znate ovo,več san pisa,da mi je reklo da ča če nan točka razno,da oli i oni nisu cilo vrime po selu i ne vididu probleme),a pa ču ja ka i svi ovi godin na ovo stranice iskoristit blagodati demokracije i ulogu građanina (ko nezna o čemu…

Po selu je počelo,neka,miritadu cure,sad su u prvoj ligi,ali zašto nije meklo tartan,jerbo je rukomet grubi sport,jema puno padov,bacanji…,a s tin zajedno,kad se padne na asvalat idedu i ozljede,a pa san jutros naletija na jednoga koji je več dugo godin u tomen i govori mi,ma ča tartan,ne more ovde u nas ni ovo asvalta priživit,pa mi govori o tomen kako su jedan put vatali nike ča su baš ovod na…

Je jedna od največi motoristički humanitarni svjeski manifestacij koja se organizira u sto i deset držav u jednu iljadu i sto gradov,među kojiman je i Split di se danas na Rivi skupilo okolo šezdesetak motoristi sa svojiman takozvaniman vintage-retro motoriman,dok su sami motoristi bili obučeni,ono ča se reče,otmjeno-elegantno u odijela,sa modniman dodaciman poput neobični kravat i leptir mašnaman… A ovo sve događa se za da bi se prikupila novčana sredstva…

Uvik prispijedu okolo Svetoga Duje,a cijena jin nikako ne pada,nigdi je okolo deset euri,pa jema oni ča su ji vidili i za petnajst,a nikidan je na televiziju bilo kako ji u Zagrebu za dvadeset euri prodajedu,a još zanimljivije je kako ji mečedu u nike male plastične posude,pa to prodajedu za tri eura,pa pari ka da nije puno… Bome,oni ča jemadu stabla o trišanj biče bodljikavu žicu okolo mekli,a koliko dođedu,moredu…

A kad su nan ovi novi u Mjesni odbor ukinili točku razno,moj prijatelj Marijo je bija najgrlatiji za obranit oto odluke,a pa mi je reka da oli oni nisu po selu i ne vididu ča triba učinit,a dobro,a evo ču ja ipak napisat,jerbo ne gledamo svi istiman očiman,nekima su ova stabla onakva kakva bi tribala bit,možda jin je tako reklo,ali za me su ona nagnuta i to opasno nagnuta i…

A pri par daan uvečer kad san bija na Rivi ništo je plesnilo i najedan put se rasvjeta po selu udunila,jedino ča je radilo je gornji dijal lanp od Bobisa do starega kanpanela (sigurno jer su one spojene na trafo stanicu navr Kemijske škole),ove donje uza more su se udunile,ka i u ostatku starega dila sela sve do anbulante i Gospice zajedno sa tri stupa na središnjemu dilu Gospice,a pa…