Ove dane Sučurani me,zovedu na mobitel, na svakomen kantunu,a i nasrid ulice,ceste,rive,trgov,trgovačkiman centriman… zaustavljadu i pitadu šta je sa ton „Dujon“,koju smo odluku u MO donili,jesmo li tražili sastanak kod Gradonačelnika,doznali ko nan je to laga itd.itd.? E moji Sučurani,a ča Vi mislite da to tako na brzinu gre,pomalo,nije priša,Sučuračkomen Mjesnomen Odboru ka po običaju triba vrimena za sastat se,nevalja ništa naglo činit,rekli bi stari ljudi,ko priši vrat lomi,a pokazalo…

U sridu pridvečer su počele kružit slike razrušeni skal sa kojiman se sa južne strane ulazi u groblje. Mobitel nije prista zvonit,ogorčenje sa svi stran,ma ča je ovo,ma zašto je tribalo sad i u skale badat,stari je to dijal povijesti i nikomen nije jasno zašto se sad i one rušidu? U priči sa jednin,kojemu je sve ravno,pa je tako naša i razlog za rušenje oti skal,da su bile stare i…

Niko naman Sučuraniman več trideset godin laže i ovde javno otiman postavljan pitanje,pa je li Van dosta više,kako Vas nije sram,ča jemate umisto obraza, brodski lamarin…???????? A evo i emajlirana poruka ča san je zbog toga ča nan je reklo da če Duja početkon školske godine počet vozit,a nije, posla Viječnicaman i viječniciman MO-a K.SUčurac: “Poštovane viječnice i viječnici MO K.Sučurac,tražim hitnu sjednicu MO-a zbog manipulacije i laži „Nekoga“,a na…

Danas su se počele dilit kante za mišani komunalni otpad,a čast da dobijedu prve kante u Kaštiliman, pripala je stanovniciman Sučuračke Gorice.

Evo san meka. I ča sad?

Ne morate gledat na kalendar,nije prvoaprilska šala,ali opet sa druge bande gledano,pošto vijest dolazi od strane politike,a znamo koliko toga su nan političari rekli,pa porekli,najbolje da se do ponediljka suzdržimo od bilo kakve euforije. Znate i sami kako se to sve skupa dogodilo okolo naše Sučuračke Duje,a bome i na sjednici Mjesnoga Odbora bilo je žestoko,za da bi nakon toga dobili odgovor iz Grada kako če nan početkon nove školske…

U četvrtak su u Gospojskoj štradi bile sedme po redu, Glende i batude u organizaciji Gradske knjižnice Kaštila. Neču ništa pisat oba otomen,jerbo od oni dvadesetak ča su bili okolo mene svi su imali ništo za nadodat,oli oduzest,pa san doša do zaključka da bi ja sad ovde kad bi bilo ča napisa, ispa subjektivan.  

😀

Nakon ča je to učinija Split, lani u jedanajesti misec je i u nas na oni doli znak za parkiralište od invalidi ispod crikve, meklo sliku osobe u invalidskiman koliciman,nebi li kad tote gredu parkirat,proradila savjest oniman ča su na ovakvi ili onakvi način došli do otakve dozvole,vidili za koga su ota mista stvarno predviđena i odustali o svoje nakane da im ga zauzmedu. E onda je u drugi misec…