“A gremo ča vidit o čemu pričadu Mate i Jure?”
Mate je več bija u čeki i vreba sa visine oče li mu koko doli naletit,kad eto do njega sletija i Jure.
A ča si se vako približija,pita Mate,ajde ča si se pripa,govori mu Jure,oli nisi čuja da se mi od ovega virusa ne moremo zarazit,je Jure je,pusti ti stat,ča je sigurno sigurno,ča ti znaš ča čedu opet falit,sičaš se ono kad je bila tičja gripa,pa smo bižali i sakrivali se da nas ne uvatidu,jedva smo živu glavu izvukli,asti da je li se sičan,napravili su pizdariju od gripe i onda su je još nazvali po nan,pa su nas di bi ko došli priko oka gledali,a mi bidni ni krivi ni dužni,nisi nigdi moga na miru bit,odma bi se u te stinon italo, kad nisan onda dobija srčani i neču,nego Mate,reci ti meni od kad si ovde jesi vidija koga od oni doli da je proša,a,e moj Jure ma nikoga,evo več uru vrimena stojin ovde i samo san dvi maške vidija,a i one su u mene gledale,pa san jin se beljija,morete mi soli na rep stavit,a…čekaj pst,evo jednoga gre nizdol prema nan,a ča nako trče,biče sad i nji vatadu, ka ča su nas onda,a,ebenti sriču,eno je skrenija prema Varošu,ajde kvragu i korona virus i koga je izmislija, cilo jutro san izgubija zaludu,od ovi doli nigdi nikoga, ebenti ja vaki život,kad se nimaš na koga pošteno ni posrat,a je moj Mate, koja su ovo luda vrimena došla.
A gren ti ja Jure ča,štufalo me više čekat,a ajde,ja ču još malo ostat,eno vidin nikoga doli na Sokolani,valjda če ispod proč?
I dok ljudi stojidu doma zatvoreni,one uživadu izležavajuči se na šentadama
Di je ko neka tamo stoji
Od ponoča je na cestama blokada prometa između gradov,samo se uz posebne propusnice more prolazit. Znači mi iz Kaštili ne moremo ni ti prema Solinu,a kamo li prema Splitu jerbo je odma gori na brzoj cesti na semaforu kraj Metroa policijska blokada na kojoj policija gleda propusnice za prolazak dalje,a na Kaštelanskoj cesti je blokada na Svetomen Kaji. Naravno da je nastala velika pomutnja,ovako nešto nije bilo ni za vrime…
Otvori ...Rive,trgovi,ulice…sve je pusto
Jučera-u subotu kad san prolazija Spliskon rivon sve skupa nije bilo dvadesetak svita,a na one na koje bi naišli,bili da su sami u dvoje,da samo prolazidu ili sididu na šentadi, policija bi ih kontaktirala i od nji tražila da Rivu ča pri napustidu. Malo me to brkalo jerbo doktorica Alemka Markotić ravnateljica klinike za infektivne bolesti govori, da ako moremo osigurat kretanje na otvorenomen prostoru di nima puno svita sa…
Otvori ...Opasni tobogani
Nikidan me zaustavija jedan roditelj iz sela i govori mi da neka napišen da bi sa onin toboganon na Sokolani tribalo ništo napravit,jerbo em šta je tobogan strm zbog čega se pri spuštanju uvati puno lipa akceleracija,doli na podu je žalo i beton,pa je tako, kako mi ovi govori,njegovo dite kad je došlo do poda jednostavno izletilo sa tobogana,sklizlo nogama po žalu i udrilo zadnjin dilon glave u beton tako…
Otvori ...
I dičja igrališta se zatvaradu
Kako su se pozatvarali trgovački centri roditelji su uspili pronač dičinja igrališta na otvorenome (aaaaa,discavery),a pošto zbog situacije sa korona viruson nije priporučljivo da se na jedno misto skuplja puno svita,jednostavno se donila direktiva da dičinja igrališta triba zatvorit,pa čak se govori da se više neče moč igrat ni vanjska košarka,oli balun. I tako je danas sve tobogane,ljuljačke,gingalice… u selu omotalo trakaman,ali jema i oni ča su te trake,makli da…
Otvori ...
Kontejneri za glomazni otpad
Ka ča več znate,a za one ča možda neznadu svaki ponediljak doli ispod crikve u oni veliki kontejner morete odnit takozvani glomazni otpad,ali ka ča se u ovo vrime od kako se kontejner postavlja,pokazalo da se oto kontejnera odma kroz uru vrimena zna napunit,evo ja san u ponediljak bija okolo osan i kvarat ujutro i več je bija veliki problem,pristivava san stvari u kontejneru za smistit ono ča san donija,a…
Otvori ...
Komentiraj