Ajme straja,brrr
Danas popodne okolo tri manje deset iša san da ču auton gori put groblja i bija san prvi na semaforu,stojin ja stojin i vidin nikako čudno se ponašadu oni na cesti,ovi gre livo,ovi pravo,ovi desno,ovi se polukružno okriče…i sve u isto vrime??
Gledan ja u ovi svoj semafor i ne vidin ništa,ali pošto je sunce iza mene i još je nisko,mislija san da je to razlog,a pa san izaša vanka i dolazin isprid semafora,a taman kad san otvorija vrata od aute,jedan naš iz sela ča je dolazija iz pravca Solina i skreča nizdol,mi livo desno ginga rukon,a kad ono semafori ne radidu,a ča sad,stvorila se iza mene kolona,zanimljivo,nima nervozni,niko mi ne svira ča se ne mičen,a ča če mi svirat,kad se ja maknen,doče i on na red,a biče mu lipo ka i meni,a ča ču sad jadan ti san,triba bi ič drito put uzgor,a ovde ne stajedu ni kad je crveno,a kamo li če sad kad semafori ne radidu i odluka je pala,gren ja polako se uštekat put desno i uspija nikako,pa san se uputija put Vrili, tamo skrenija desno iša ispod podvožnjaka doša sa gornje bande Magistrale i uputija se put sela,pa lipo na otemu raskršču navr vatrogasac skrenija desno put groblja,a u međuvrimenu su došli i policajci koji su se uvatili regulirat promet,najpri je jedan od nji sta na sredinu i prova tako regulirat,ali je vrlo brzo odusta,jerbo je vidija da nebi baš dobro proša,a pa su dva policajca stali svaki na svomen “otoku” i promet odatle regulirali,e to je bilo po danu,a okolo pet ipo kad san se nanoge vrača iz sela iša san povirit je li to popravljeno,kad san ima šta vidit,ne samo da ne radidu semafori,več je i cilo raskršče zajedno sa ceston u mrčini,a policajac nima,a kako če ji bit kad se ništa ne vidi,moredu samo nastradat,a problem ča nima struje i gornja banda navr Magistra je u mraku,najvjerojatnije leži u podzemnomen kabelu,jerbo okolo pet ipo kad san tote bija,jednu tridesetak metri ispod vatrogasac radnici od Elektrodalmacije su bageron kopali cestu (a tek je asvaltiralo) i ako je,kako se to u žargonu od elektrostruke zna reč,”probija” kabel i kad dođedu do njega,triba vidit koliko je strada,oto nevaljalo maknit ča,nadožuntat novi…
To nije baš posal evo,uzeli smo dvi žice i sad čemo ji konbinirkaman zavrnit i zamotat izoliron,ipak je to kod ovi visokonaponski kabeli ča gredu od jedne do druge trafostanice,malo konpliciranije,a ovo gori ča san napisa,je,ako je samo na tome dilu komad otega kabela “probija”najjednostavniji kvar,koji se more dogodit,koji isto tako iziskuje vrimena za to dovest u red,ali ako nije…
I eto,to je u kratkiman crtaman to,provajte izbjegavat prilazit Magistralu put uzgor i nizdol,učinite ka i ja danas,ajdete desno,desno,koristite ona dva podvožnjaka šta ji imamo,a i pazite na onemu dilu od sela put vatrogasac,jerbo se tamo činidu radovi za da bi se otklonija kvar.
Ono kad čovik jema problema,pa ga u selu prozovedu kako je protiv sela?
A zašto,samo zato jerbo bi tili da se otklonidu anomalije, ljudi ne tražidu puno,tili bi samo da jin se riješi problem,pa da lipo,normalno nastavidu živit,ali oni koji su u selu dežurni za napade,odma se javidu,evo,ide se u selo ništo napravit i onda se koko nađe, kako nevalja ovo,kako nevalja ono,pa mu oti “dežurni”zalipi etiketu,kako je ti ča je na ništo ukaza,protiv sela… Ljudi koji stojidu kraj kina koje se od…
Otvori ...A kako onda ovo nazvat
Snješko nije,jerbo je on učinjen od sniga,a ovo šta liči na snjegoviča učinjeno od slame sa loncen na glavi,je??
Otvori ...Učlanjivanje u Našega Hajduka
Bilo je to ove nedilje u organizaciji Sučuračke Udruge navijači Hajduka,a jema bit da smo mi u selu priplačeni na ledaru,lani je puvala takva buretina i bilo je ledeno da su se oni ča su činili članske iskaznice sakrili u portun od one zgrade doli na rivu,a ono aparata ča čini ote iskaznice se nosija u jedan stan za poteplit ga,jerbo od leda nije moga normalno radit,a i ovi put…
Otvori ...Opet o livomen i desnomen bakalaru
Znate ovu priču,ne triba je ponavljat,e i ne dadu mi mira po selu kako ove godine nisan oba tomen pisa,jerbo je nakon dugoga vrimena u selo opet „uskrsnija“ i oni livi bakalar i zanimljivo u organizaciji našega Mjesnoga Odbora,ajde pak,ajde kad se tako priča,onda ču ništo napisat,inače nisan mislija. Ka prvo,po meni se oti bakalar nije ni dilija,e onda me pitadu kako,a lipo,jedinu obavijest po kojoj ja znan za oti…
Otvori ...Kad „rasprtit“ bor,vječito je pitanje?
Naravno,opet karba i okolo ovega pitanja,ali čekaj malo,ča onemu koji ga je itnija na Tri kralja,smeta oni ča če ga ostavit recimo, do petoga miseca,ali oni prvi ne more,a da ove druge ne naziva pogrdniman imeniman, “uljepšavajuči” to sve sa ukrasniman pridjeviman…? I dokle ga jedni itadu odma ujutro na Tri kralja i to se potrudidu da ji svi vididu kako su to učinili,(pa tako moremo vidit kako ji u…
Otvori ...Zimska guma u Dalmaciji,da,ne?
Uvik je okolo ničega karba,pa tako i okolo toga tribadu li nan ovde zimske gume ili ne tribaju? Nima ko jema autu,a da mu se u zimsko doba,kad padne kiša,nije dogodilo da mu pri kretanju, auta trza,pogotovo na nekoj uzbrdici ,proklizaje pri okričanju “punin” livo ili desno,pri kočenju mu triba puno za zaustavit se… E upravo se to i meni događalo i niko mi je pri petnajestak godin reka da…
Otvori ...Opet,po ko zna koji put?
Malo češče se to događa da nan prostori,koje su nazvali podhodniciman za pješake,koji su ustvari korita od potoci,ne koristidu svrsi kojoj su ji namijenili,jerbo kad su kiše,oti nazovimo podhodnici izvršavaju svoju osnovnu funkciju,prolazak vode koja je tote oduvik odila,a pa je tako bilo i jučera,oba,oni kraj vatrogasac i oni kraj Jadranovoga igrališta su,ma zamisli,plivali u vodi i nije se moglo iskoristit za tote proč. I dokle je kroza onega…
Otvori ...Život je vrlo jednostavan,ali ga ljudi svakako očedu zakonplicirat?
Zašto?A eto zato. Upa san u jednu priču oba ovemu,kako roditelji jemadu problem,jerbo očedu da jin dica u ditinjstvu ostanedu dica,imačedu vrimena za surovu stvarnost… Pri nikoliko godin pisa san oba tomen kako se krenilo na dicu,da Dida Mraz ne postoji,najnovije ove godine,ka ča smo u novine mogli pročitat,kako je mater jednoga prvašića iz jedne Osnovne škole sa istočne strane Splita rekla,da je vjeroučiteljica dici rekla kako nima Svetoga…
Otvori ...
Komentiraj