Živili izbori
Danas san učinija đir priko rive i doli uz more,pravac prema Bobisu vidin ja priko oka da mi je ništo neobično,pogledan malo bolje,asti,a ča je ovo između dvi šentade,isturena prema naprid,biče da bude uočljiva,stoji nika klupa,gledan,trljan oči,asti pa ovo bi tribala bit ona takozvana,pametna klupa,nije ista ka one ča ji je meklo po Splitu,jerbo je prostor di se sidi učinjen od drveta,a sa strane stoji panel,koji otu klupu čini pametnom.
E i sad gren ja do oni oni ča su na drugomen kraju Rive i govorin dobili i mi pametnu klupu,a kad je meklo,a nji desetak me pogledalo,ali niko ne obada, ka da ništa nisan ni reka,a ka botu se svako od nas opeka,nima zaličanja,sve triba pomalo,a ja opet,kad je meklo onu pametnu klupu,a sad je nastalo komešanje,koja klupa,di ti je ta klupa,a ovi jedan ma ovo je opet nika njegova zajebancija,on je malo pri tamo proša i nije ništa vidija,a znaš ča promini očale,gledadu sad svi put zapada,a ovi jedan je i iša do tamo,pa maše,je,je evo je ovod…
E pa se sad počelo sa pričon o izborima,evo nan je i klupu prid izbore meklo,možda to i nije zbog izbori,nego je eto, slučajno sad stavilo,reka je ovi drugi,a je,je,sigurno je slučajno sad stavilo,ali odavna smo mi,reka je jedan,da su izbori bar svake dvi godine,na Rivu bi po mramorniman pločan sad odili,a ne po rupaman i goban gnjate iskričali.
Da je li koko iz Grada odgovorija za one antene ča su jema godinu dan postavljene na Pilani- na krov od stanice za tehnički pregled
Ovo kako je nikidan izašlo u javnost da če se u Kaštila krenit sa provavanjen pet ge (5G) mriže,ne stišajedu se priče,a di če to bit,kad če to bit,kako če to bit,pa me tako ne pristajedu vuč me za rukav di je stalo,zapelo,je li ko odgovorija ili šta je uopče sa onin pismon ča se poslalo Gradonačelniku sa potpisom okolo stoosandeset i pet građani našega sela zbog postavljanja antene na…
Otvori ...Evo več godina daan da se riješija problem sa govnima koja su išla doli na Sokolanu di se Sučurani kupadu
Evo je ove dane godišnjica kako je plaža Sokolana oslobođena od izlivanja govan koja su dolazila od jednu četrdesetak kuč iz pravca Peci. Mislija san cilo vrime kako če se ovi iz bile zgrade kroz svoje propagandne novine Kaštela info ili svoje službene stranice oglasit da su se Sučurani ko zna koliko godin ipak kupali u govniman i da ja nisan samo tako širija dezinformacije i laži,pa san isto tako…
Otvori ...Više cviča manje smeča
U sklopu akcije lipa su lipa moja Kaštila do kraja sedmice-svaki dan čete moč itat ono ča jemate od glomaznoga otpada,a kontejner če po običaju bit doli isprid crikve.
Otvori ...Da vidimo malo koliko su Kaštila od početka devedeseti na ovamo napredovala?
Koliko smo od početka devedeseti na ovamo točno dobili stanovnika nisan moga nač baš točne podatke pa ji neču ni pisat,ali npr.od 2011 do 2018 godine u Kaštila je došlo novi 2000 manje 14 stanovnika,ili ti za one ča ne volidu računat, nji 1986. Koliko u Kaštiliman trenutno ima stanovnika niko ne more točno reč,ali po zanjemu popisu iz 2011 godine oti broj je bija 38.667,a pošto se ovi zanji…
Otvori ...A ko je jučera pobijedija u udičarenju? Niko!
Za jučera je kod naši ribiči bilo predviđeno natjecanje u udičarenju,ali pošto je ujutro kad je to sve tribalo krenit puvala velika bura,onda se to odgodilo za drugu subotu,ali pošto se sve,pa i spiza pripremilo za ovu subotu,onda bi bilo šteta da to propade,da se nedajbože usmrdi,do drugoga puta,pa su oni to lipo ča su jemali ispekli i izili,a u drugu subotu če naravno,učinit reprizu.
Otvori ...Pandemijski Sveti Duje
Ni ovu godinu proslava Svetoga Duje nije bila onakva na kakvu smo navikli,nije bilo onega šušura po gradu,niti je bilo banci sa kojekakviman drangulijan,je jedino na jedno misto bilo oni drveni leptiri ča klapadu i vrijače,ni procesije, ni mise na Rivi nije bilo,tunbule isto tako,ali je zato bila misa u Svetoga Duje,pandemijska,sa samo trideset prisutni,grad je okičen zastavicaman,a kandelabre u Mramontovoj krasi cviče,ali,tradicionalna lutrija na peškariji je bila,pa se za…
Otvori ...Kontinuitet se nastavlja II
A evo opet malo vonji i gov…uf, fekalij šta ukrašavadu vizuru naše Rive,a šta bi bilo da se ima okolo pet godin nije kopa Novi put i postavile cijevi koje su spojene na eko sustav?
Otvori ...
Komentiraj