Sučurac če doli na Rivu dobit zatvorenu peškariju????
Po selu se več počelo na veliko o tomen baze itat,eno če u sobu peškariju otvorit,je jedna od jači.
Ali krenimo redom,zaustavljadu me po selu da je li istina kako če doli na Rivu u onemu prostoru di je bija Turistički,oli ti ga ondašnja Mjesna zajednica doč peškarija u zatvorenomen,je oče,da komen je to palo na pamet,a ča ja znan komen,nikomen u Gradu ili na koje drugo misto,evo na opet,a reka san da neznan,mogu nagađat,ali neču,nama je pridočeno to na Mjesnomen odboru,a ja san se odma usprotivija,da zašto tote očedu ribarnicu učinit,more koja Udruga ili društvo tote bit,a Vi ribarnicu očete tote meknit,a onda je presjednica MO-a rekla,kako se po zakonu riba više ne smi na otvorenomen prodavat,več u zatvoreno,pa je rekla primjer kako je i Spliska peškarija sad unutra,je,unutra je,ma je Spliska peškarija u peškariji koja je tote jema miljun godin i ta peškarija je cilo vrime rastvorena,ventilira zrak i svaki dan se sa vodon peredu podovi,banci…,isto ka da ne znamo ča je peškarija,kad se čisti riba u kužini,cila kuča počme po ribini smrdit,a Vi očete tote,(kako je oni reka u sobu)ribarnicu meknit,pa to neš moč živit od smrada,a da triba nač misto di čedu naši ribari ribu prodavat,da se sa njiman pričalo i da jin oni doli prostor odgovara,a i da če se pratit oče li se prostor uredno držat…
Ma čekaj malo,zašto jin se ne da niko određeno misto u selo,pa neka na oto misto meknedu neki kiosk ili nešto slično,kako je to ribar iz Kanbelovca lipo riješija,samo ča je on oti kiosk meka na privatnu parcelu.
Evo za one koji neznadu,ovo doli na slici je oti prostor di su naumili peškariju meknit:
Dakle,ja san naravno bija protiv ovakvoga prijedloga uz obrazloženje koje san napisa i uz prijedlog kako se to može riješit ka i šta je ribar iz Kanbelovca to napravija, ali je prijedlog da ovde bude peškarija, ipak proša.
I na kraju je selo kroza priču zaključilo kako niko nikomen za dišpet oče u ovi prostor peškariju uvalit??
A za one ča neznadu,Sučurac je još za vrime Austrougarske jema peškariju u zatvorenomen prostoru,a to je bilo doli di je sad ona zgrada od stinj, ča se nalazi ispod pošte.
Ko itne materijal na divlje očekuje ga veeelika kazna
Danas je Splisko grasko viječe donilo odluku da svaki oni koji itne razni materijal,onako na divlje,bilo diko u prirodu,na ulicu,park,uz cestu,plažu…,more očekivat kaznu od deset do sto iljad kuun.A taman je prije donošenja ove odluke jedan u Splitu iskipa evo ovo: Valjda če i Kaštila sličnu odluku donit? Jer ima i u nas isti prizori: Osin po selu u nas se ita i po Kozjaku,po privatniman zemljama…,najvažnije da se oti…
Otvori ...Evo su počeli radovi
Na putu prema groblju započeli su radoviman za vodu i kanalizaciju tako da se sa autan uzgor ne more,pa sad preostaje ona alternativa od puta ča san bija o njoj pisa,ali ka ča san u tomen textu reka,triba meknit tabele,jerbo ni naši iz sela ne znadu kako če uzgor ič,a kamoli koko šta bude triba doč sa strane,a isto tako u priči sa oniman šta svakodnevno koristidu oti put,postoji kritika…
Otvori ...A kako če se dokle budedu trajat radovi,do groblja moč doč?
Ovo kako EU financira radove okolo vode i kanalizacije,svaki čas se more dogodit da radovi počmedu i na putu prema groblju,tako da če se auton moč doč do Braskoga doca,a dalje če se moč samo nanoge odit,a za aute se pripremija alternativni pravac,ali kroza priču sa ljudiman svatiš da tri dila nji nema pojma ča mu objašnjaješ,kad mu govoriš di oti takozvani, alternativni put prolazi,pa ču ja ovako to objasnit….
Otvori ...A,sad češ sigurno napisat onu poznatu,a jesan li Van ja reka ča če se dogodit?
Govoridu mi u selo nako onega ča se je jedan kamijoncin šta je vozija drva zaglavija kolon u Tunbin jerbo se u Tunbinu otvorila rupa,a sriča da rupa nije bila toliko velika,pa je samo sa kolon zaglavija i kako mi je ovi jedan reka,jerbo je bija sa“ druge strane žice“tražilo se pomoč da ga se dođe sa sajelon izvuč,ali se ipak uspija nikako sam iz otega iskobeljat… Pa me od…
Otvori ...A čiji je posal za maknit ove čike?
Navr one kante ča je meklo isprid starega kanpanela,a još je nije maklo,neka ne pristaje anbijentu u kojemu se nalazi,stoji pepeljara i ta pepeljara kako se vidi izvršava svoju dužnost, zašto je i postavljena,ali se postavlja pitanje čija je dužnost da otu pepeljaru isprazni?Sriča da jemamo kišu koja ote čike izmrvi i buru koja ji kasnije raznese.
Otvori ...Pitadu me u selo da di bi u nas tribali bit ovi polupodzemni kontejneri za smeče?
A ča to mene pitate? A kako ča?Jesi li ti u Mjesnomen Odboru? Ajde pak. Jesan i?Jeli oti Mjesni Odbor počeja radit? A je,baš smo nikidan-u četvrtak jemali sjednicu. Jemali ste sjednicu? A kako ništa oba tomen nisi pisa.Ajde pusti sad to,čekan da mi se slegnedu dojmovi pa ču onda,još uvik mi u glavi rebunbajedu,odbijedu se ka od šponde i nikako ji stivat na jedno misto. Nego pusti sad MO,ča…
Otvori ...Opet ovde di nebi tribalo
Jema več nikoliko daan da su na sjeveroistočnomen kantunu od Rive (tamo di su kontejneri) počela govna u more izlazit,ča se nikako nebi smilo događat,jerbo je oti dijal uza Kajin brig i okolo njega cili bija raskopan i kanalizacija se sprovela u eko sustav?? Je li to ima veze sa smradon ča se baš na Kajinomen brigu more ove dane u navratiman čutit,jer mi je jedan još prije govorija kako…
Otvori ...Ma vidi ti dase Austrijanca
Taman isprid mene na semaforu stoji niki Rangerover neka je na semaforu zeleno,kad ča,izaša dasa iz aute pa se iša karat sa onin-onon ča je bilo u drugoj auti odisprid njega. E sad ča se on iša karat ne znan,ali znan da je nakon vike i mavanja rukan grintavo krenija prema auti, uša, počeja vozit,i ispromiša sve trake koliko ji je ko bilo i lipo je udrija po gasu, jema…
Otvori ...
Komentiraj