Asti evo prometni redar,a ča sad?
Jema oni ča su odma trčali micat auto,oni ča su promatrali di gre i kalkulirali oče li ga odma maknit ili če malo pričekat,oni ča su se raspravljali kad jin je slikalo auto,oni ča su auto u zanji čas makli,oni ča su,dokle je drugiman pisalo kazne, tote se zaustavili za trknit na bankomat dignit pineze,pa da neka vičemo ako u međuvrimenu dođe…,ali bilo kako bilo u nikoliko minuti,od pune rive aut nije ostala niti jedna,sve se razbižalo,niki sa kaznaman,a niki su prošli lišo,bez nji,tako da če ovi drugi sigurno i za drugi put kalkulirat oče li ga opet i drugi put tote meknit,dokle ovi prvi sigurno neče riskirat još jednu kaznu ili če možda i koko od nji opet tote meknit auto i mislit kako če drugi put bit brži od kazne ča če je dobit,a kad malo bolje pogledaš,niko od nji nije triba dobit kaznu,jerbo redar nije odma od početka krenija sa pisanjen kazni,krenija je od kraja i svi su komodno mogli maknit aute dokle je on doša do ote zanje aute,ali ka ča san več gori napisa,pojedinci su debelo falili u kalkulacijan.
A ča se ono kopa na mistu di je bila crikva ča je srušena u bonbardiranju?
A to su bili jema par miseci išli provuč kabel od telefonije pa su zaključili da je u prekidu cijev kroz koji bi triba odit i eto, razlog kopanju je postavljanje okitenske cijevi od jedne do druge šahte.
Otvori ...Torcida se na Staromen Placu oprostila od Jurice Jerkovića
Večeras se sa Staroga Placa iz nikoliko stotin grli opet moglo čut skandiranje “Jerković Jure”, koji je za Ajduka odigra 529 utakmic na kojiman je zabija 219 goli,samo šta je ovo večerašnje skandiranje Jurici bilo, odavanje počasti legendarnomen Ajdukovomen igraču koji nas je jučera napustija. Neopisivo je to bilo,obasjano bakljama,na terenu na kojemu je Jurica za Ajduka ono ča se reče “ginija”luminima je ispisana desetka koju je Jurica na dresu…
Otvori ...
Kako ostrič agavu,klap,treči put
Evo več treču godinu da su u Starčevićevoj za ozbiljno uzeli kako lipo ušestit ono zelenilo ča je u njoj,a mora se priznat da jin ide. Pa se moraš zapitat,zašto se zelenilo uopče šiša? Da bi to izgledalo lipo i bilo ugodnije za življenje?? Ili,eto ja dobija zadatak da triban oto ostrič,pa san eto ostriga?
Otvori ...A ča je ovo teklo Starčevićevon?
U ovi petak je bilo četrnajst daan da se ništo iz nikoga kamijona prolivalo po asvaltu i ulicon ostavilo trag koji je,neka su puste kiše padale, čak i danas vidljiv.
Otvori ...U ulica Kroz Blata i dalje problem
Ulica Kroz Blata ima več sedan osan ili koliko več godin problem da se po njoj iz potoka razlije voda,pa se zna dogodit da i par dan nakon kiše ljudi tote ne moredu normalno prolazit,a da ne smočidu noge. Pita san za ovi problem na Mjesnomen Odboru pa mi je nakon par miseci presjednik uspija reč da bi se ovi problem triba riješit kad se bude renovirat cesta od anbulante…
Otvori ...A sad malo o tomen kakvi su nan travnjaci u selu
Ove doli slike su travnate površine na Gospici ča ji održaje Vili,a osin nji još održaje i one isprid Bonbardeli i oni travnjak na cesti navr škole,a izgledadu isto ovako ka i ovi ča ji vidite na slikan. Na ove doli slike če te vidit travnjak na rivi,triba naglasit kako ga je izgazalo,ča bageron ča materijalon… dokle se radilo postolje za primiščanje spomenika,a niti su onda,a ni do dana današnjega…
Otvori ...Šta je to efekat “Crnoga labuda”?
Kako je HDZ-ov analitičar za ono šta se njima dogodilo na izboriman ka krivca naveja efekat “Crnoga labuda”,danas se cili dan iska oti labud,sumljalo se da je oti labud ovi ili oni,sve dok osoba koja je o tomen labudu govorila, nije i pojasnila na što je mislila kad je to rekla. A objašnjenje je prilično jednostavno. “Kada iznađemo odgovor na pitanje što ne znamo da ne znamo,onda če to postati-sada…
Otvori ...
Komentiraj