E dobro su oni govorili,doče kiša i u potociman če opet bit vode i šta onda?
I bili su u pravu,evo je danas kroz uru vrimena nalilo kiše koja se inače ispada za cili deveti misec i kako su ko oni govorili,potoci če opet počet teč samo neka kiše krenedu,ja znan da če sad bit oni koji če reč,ma jesi lud ča to stavljaš,uopče ne ide ljudiman u prilog,a ne,za bit objektivan,moraš to napisat,jerbo bez toga nima kredibiliteta.
Znači vako,biče koji malo više od po ure nego ča je danas fermala kiša,iša san povirit potoke,naravno,oni bujični su tekli i ulivali se u more (mmm,koje kolure),pa evo prvoga,onega doli na Sokolani ča se ulije na plažu,bujični potok Strabežnik ili Stražbenik,ovisi kako ga ko oče zvat:
Pa je i bujični potok koji prolazi kroza Tunbin,isto tako proradija:
Pa je i oni nazovimo potok, koji gre iz Vrili doli put Lučice i uliva se u more ispod švori,isto tako poteka:
A zanimljivo,oni tamo niki potok,ča su ga na silu prozvali,bujičnin potokon,Bucavica,danas ni kapi vode,a je li sad kome došlo do mozga kako to ipak nije bujični potok,več je to izvorska voda,koja je zanimljivo,ka i naši bunari,prisušila,pa san pogleda danas cili sritan,kako su “stručnjaci”govorili,da če nakon kiše bit puni bunari,kad ono ništa,ka i dosad,a palo je kako di,od pedeset,pa se čak nigdi spominje i sedandeset litar i to govoridu,da je količina vode,koja se inače rasporedi kroza cili deveti misec…
I dokle san odija doli ispod Đardina,za poč slikat slapič,nji par me fermalo i govori mi,ne triba ti odit slikavat,nima vode,a pa baš to i triban slikat,za nikomen dokazat kako to nije bujični potok,več izvorska voda
A zašto san ovde doli meka sliku lokve?
A za one koji čedu ovo vode u koritu koje se vidi ispod prisušenoga slapiča,iskoristit za reč,odila je voda,vidi da je jema u koritu,ma si ti namjerno to biče kasno popodne doša slikat.
Znači,kako su ko od velike kišurine koja se izlila,nastale lokve,tako se isto voda zadržala i u ovemu koritu…
Lokva:
Tomosi na Sučuračkoj rivi
Ovu nediju na Sučuraškoj rivi dogodija se osamnajesti po redu susret Tomosovi motorini koje vlasnici brižno čuvadu,a pojedini se sa sjetom i suzom u oku prisječadu oti dan,a pa se ka po običaju učinila đirada priko sela,bilo je buke i dima,neče bit komarac,vozilo se ko če sporije,pa ko če pri,itala se prazna kantica od ulja u limenu kanturinu,pa je Zagor podilija sladolede i cila riva je lizala. Inače ove godine…
Otvori ...Da ča se čeka sa prosvjediman?
Pitadu ljudi po selu,da je li se koko od ovi ča jin je poslano i tribali bi reagirat zbog prisušivanja bunari,javija sa nekakvin odgovoron,je li Gradonačelnik naša slobodan termin za primit građane šta se ovega problema tiče,(da sad ne ponavljan,sve ovo kome je upučeno,morete pročitat na ovoj stranici),a ja jin govorin da još od nikoga na pismeno,ništa nima,a da onda triba lipo izač na ulice,učinit prosvjed,pa če se valjda čako…
Otvori ...Ova ograda kraj kina prestavlja veliku opasnost
Po noči nije baš uočljiva,nema nikakvi reflektirajuči znak da bi bila primjetna.
Otvori ...Da kako nisan napisa da su pri dva dana na Sokolani popravili plažu
A ča bi tribalo,možda bonbonjeru odnit? A kad mi je ovi reka da kako nisan oto napisa,ovi drugi je doda,da neka meknen,kako je i Sučurac doša na red… Evo san napisa. Bilo je ovako: Pa onda ovako: I sad nakon popravka,ovako:
Otvori ...
Čeka san oče li se koko sitit da i ovo triba,ma zaludu
Bitno je kako je moj prijatelj Marijo u selo reka, da je više on napravija za Sokolanu u petnajst daan,nego ča se je u petnajst godin učinilo,a pošto se on doli kupa mislija san da če reagirat,ali eto,nije… Evo ovako je to bilo: A vako je to sad: Znači,po ovima slikama vidimo kako se ovo nije dogodilo u jedan dan,ma nije ni u dva,tri,četiri,pet,šest,sedan… i pustija san za vidit oče…
Otvori ...Odniču sam sebe diko na promatranje
Petak je dva ipo popodne,nigdi je okolo trideset i šest stupnjev,a koliko je na zvizdanu,sam Bog zna,ni cvrčiman se ne da pivat,kolika je sparina,a ja se vozin put Splita,jerbo da igrači od Ajduka dolazidu okolo tri na stadijon,a pa dokle se vozin ne moreš izbječ samopreispitivanje,ma čekaj malo,a ča tebi oto triba,dočedu oni i bez tebe če ji se dočekat,a kad ču poč,ustvari več gren,evo me u gradu i dokle…
Otvori ...A sad malo o bunariman u našemu selu koji su prisušili,suši za koju zli jezici govoridu da je krivac…
Ovi zanji par daan sve više ljudi govori kako sa bunariman ništo nije kako triba,niki moredu zalivat samo desetak minuti,niki petnajestak,dvadesetak,po ure i to je to,a ovi jedan mi govori da je njemu skroz bunar prisušija. Zanimljivo,ka ča san več prije govorija,selo je podiljeno,zabrinuti,koji ostajedu bez vode u bunariman i ovi drugi,kojima je ama baš sve jedno,jer niti jemadu bunare,niti ji je briga,ali čedu uredno podbadat ove ča problem jemaju…
Otvori ...
Komentiraj