Evo malo o Ultri
Naravno,ni ove godine Ultra festival ča se događa u Splitu nije moga proč bez pecet oni lažni moralisti koji bi zabranili ovo,pa bi zabranili ono,a jema ji,ča bi zabranili i ovo i ono…
Iako se to oče prikazat ka ništo loše,pa se ide toliko daleko pa se zna citira i Biblija,ali tote nima mista nikakvoj sodomi i gomori,ona se svakodnevno događa na nika druga mista i to baš od takvi isti,nazovimo ji moralisti,koji se u javnosti,kao takviman,želidu prikazat,a ja se uvik nanovo čudin koga oni sa lažnin načinon života očedu zavaravat,nas koji znamo ko su i šta su,možda Boga,koji sve vidi ili sami sebe?
U tri dana Ultre bilo je mladosti iz ciloga svita,iz sto i četrdesetak zemalj,tako da su se samo po tomen tote tribali dogodit neredi epskih razmjera,ali vidi čuda,ništa od toga,a oti lažni moralisti moredu puno toga od ovega mladoga,neopterečenoga svita naučit.
Mogli bi,ali nečedu,jerbo takvima triba kaos,sa otin se hranidu…
A to ča je oto mladoga,učenoga i pametnoga svita,koje je u ovo dan ča su bili u Splitu i okolici obašlo više muzeji i kulturni znamenitosti…,nego če ovi “moralisti” u cilomen svomen životu vidit,mladosti koja je prošla pola Zemljine balote i koji su nas puno brzo pročitali,a mi ji na svakomen koraku tili privarit,oderat,počevši od cijene smještaja,vožnje taksijiman,jiču,piču…,to ove ne smeta,pojedinci su se ponašali ka da nakon ota tri dana,sutra više ne postoji,ne svačajuči kako je oto mladoga svita zajedno sa Ultra festivalon omogučilo našoj državi da se za nju pročuje na svakomen kantunu ove naše balote Zemlje,a puno zemalj bi ko zna ča sve učinilo da se ovako ništo u nji dogodi i zamisto da budemo zafalni onima ča su Ultru doveli u Split, toj mladosti koja je došla i koja če sa svojiman videjiman,slikan,komentariman…učinit reklamu u sto i četrdesetak zemalj,imamo one koji se natječedu ko če dalje pljunit i zamisto pozitive,izvlačidu neku čudnu negativu,ma kako se samo sitidu svega onega ča su rekli ili napisali??
Niko je biče plačen za to da ote gluposti izmišlja i tura u javnost,ili…?
Fešta o veterani Jadrana
Ove subote su veterani Jadrana,koji bilježidu svoji trideset i dvi godine postojanja,na našu Rivu učinili feštu. Bilo je tote i crnoga rižota i čovapčiči sa pomeson friteson,srdel,njoki sa kozicaman…,pa je bila i lutrija na kojoj se moga dobit,pršut,bačva od inoksa, ponistra,večera za četvero u Baletnoj u frizeraju se ostrič… A za zabavu se pobrinila grupa Viva.
Otvori ...Prije je to puno češče bilo,a danas su rijetkosti
Da se iz našega sela gre brodican gledat utakmice od Ajduka. I pusti ti stat,ča je sigurno,sigurno,triba sve raspoloživo naložit,a ne da kasnije bude ono,kako su bili u šešulici,pa ji se nije na vrime vidilo…
Otvori ...Stari dijal sela je opet u mraku
Baš ka ča je to bilo pri koji misec daaan,a sutra je u selu fešta,pa bi bilo dobro da se odma najranije ujutro pozabavidu sa ovin,ali mislin da neče bit problema ka zanji put kad se to daniman oteglo,jerbo sad u odnosu na zanji put,znadu okle krenit… Evo to vako izgleda: A biče i turisti rekli,koja je ovo vuko…… Morali su lanpadinon svitlit za pročitat o kojoj se građevini radi…
Otvori ...A znate li ča je bilo na današnji dan pri dvadeset i pet godin?
A bija je ponediljak i finale Vinbledona kojega je osvojija Goran Ivaniševič. I nima koja svjeska televizija i novina to nije prinila,a oni koji vanka imadu koga svoga na kučne adrese dobivali su razne isječke iz novin o tome događaju ka ča če te moč vidit dva iz Čikago Tribuna ča su nan rođaci poslali iz Jamerik,a isto tako jeman i par slik kako je to izgledalo u Splitu koji…
Otvori ...Ovako je to bilo kad je Sučuračka Udruga navijača Hajduka na Gojači učinila Hajdučku noč
U organizaciji Sučuračke Udruge navijači Hajduka ovu subotu je na Gojaču održana Hajdučka noč,za zabavu su se pobrinili Kuzma i Shaka Zulu i DJ,a za one najmlađe doša je i Rico,a ča se tiče spize,e tote nisi moga reč,da nisi ništa izija,jerbo ti nije bilo po guštu,jer pored čovapčiči,tunja sa gradel,pa onda tunja učinjenoga na pašticadu sa puron,crnega rižota…nikako nisi moga ostat gladan,a pa je onda bila i lutrija di…
Otvori ...Ma ča je mašo,mašo je
To da se parkira doli na Rivu i da se zbog toga jedva mimoilazidu aute,to svi znamo,a isto tako kad to vidimo,onda oni ča gre od nove crikve put starega kanpanela,jerbo su aute parkirane sa njegove bande trake,ako vidi autu iz suprotnega smjera,lipo stane,čeka da oti prođe i onda krene,a pa more se dogodit da ti upolak puta od pravca starega kanpanela dođe auta,pa ako postoji sa donje bande koje…
Otvori ...Opet nan je liti vruče…
A zimi,naravno,brontulamo kako nan je,zima 😀 A je malo čudno da u šesti misec bude ovako vruče,ali šta je tu je,a sitimo se samo kako je našiman stariman bilo,a nisu ni ventilatore ni klime jemali,evo danas je pa tenperaturni rekord kad je u šestomen misecu u Splitu izmireno 39 ipo stupnjev,ali opet se vratimo malo u prošlost kad je na početku sedmoga miseca, 1950. izmireno 38,6 stupnjev ili 1981.godine kad…
Otvori ...Ovako je to sinoč izgledalo kad je izaša misec
I ako si okasnija samo par sekundi onda ti misec,iako u moru ima crveni odsjaj,na slici ostane narančastožuto opituran…
Otvori ...
Komentiraj