Zanimljivo i niko ne reagira?
Ka ča san več pisa,ja ka viječnik Mjesnoga odbora ne mogu na sjednicama govorit o problemima u našemu mistu,jerbo je demokratska večina uskratila točku razno,(znate ovo,več san pisa,da mi je reklo da ča če nan točka razno,da oli i oni nisu cilo vrime po selu i ne vididu probleme),a pa ču ja ka i svi ovi godin na ovo stranice iskoristit blagodati demokracije i ulogu građanina (ko nezna o čemu govorin,neka se informira)
Ovi problem propadanja obale,odvajanja dila obale…,istočno od Mula,je dugo več prisutan i u selu se oba tome na veliko raspravlja i svi mislidu da čedu službe koje su zadužene za detektiranje problema reagirat,ali ništa odo toga,a situacija je prilično ozbiljna,jerbo postoji mogučnost da koko auton,zajedno sa ovi dilon oštečene obale uleti u more,a onda če,ka ča to inače u nas biva,nastat prepucavanja i svak sa sebe skidat odgovornost,a ja,ča mi to nije posal izmirija san metron i ustanovija da je u samo misec daan dijal obale na tomen mistu potonija okolo desetak centimetri,a odo toga je prošlo još misec daan,ali iza toga više nisan mirija,more bit da je ostalo ka ča je i bilo,a možda je još više potonilo,a neznan je li postoji mogučnost da se je možda i uzdiglo?
Bilo kako bilo,pod hitno ovde triba meknit ogradu,naravno,ako stručnjaci mislidu da je ovo misto opasno,jerbo san ja ipak lajk,a možda su stručnjaci več ovo i obašli,pa zaključili da je sve u redu i kako ogradu ne triba meknit?
Evo za one ča neznadu kako to izgleda:
Rukometno igralište jučera je dobilo novi sloj asvalta
Po selu je počelo,neka,miritadu cure,sad su u prvoj ligi,ali zašto nije meklo tartan,jerbo je rukomet grubi sport,jema puno padov,bacanji…,a s tin zajedno,kad se padne na asvalat idedu i ozljede,a pa san jutros naletija na jednoga koji je več dugo godin u tomen i govori mi,ma ča tartan,ne more ovde u nas ni ovo asvalta priživit,pa mi govori o tomen kako su jedan put vatali nike ča su baš ovod na…
Otvori ...Da ča je ovo ovoliko jedrilic u Kaštelanskomen zalivu?
A objašnjenje pogledajte na ovoj prvoj slici:
Otvori ...
Distinguished Gentleman’s Ride
Je jedna od največi motoristički humanitarni svjeski manifestacij koja se organizira u sto i deset držav u jednu iljadu i sto gradov,među kojiman je i Split di se danas na Rivi skupilo okolo šezdesetak motoristi sa svojiman takozvaniman vintage-retro motoriman,dok su sami motoristi bili obučeni,ono ča se reče,otmjeno-elegantno u odijela,sa modniman dodaciman poput neobični kravat i leptir mašnaman… A ovo sve događa se za da bi se prikupila novčana sredstva…
Otvori ...Bome je lipa cijena trišanj
Uvik prispijedu okolo Svetoga Duje,a cijena jin nikako ne pada,nigdi je okolo deset euri,pa jema oni ča su ji vidili i za petnajst,a nikidan je na televiziju bilo kako ji u Zagrebu za dvadeset euri prodajedu,a još zanimljivije je kako ji mečedu u nike male plastične posude,pa to prodajedu za tri eura,pa pari ka da nije puno… Bome,oni ča jemadu stabla o trišanj biče bodljikavu žicu okolo mekli,a koliko dođedu,moredu…
Otvori ...Sve mislin koko če reagirat,ali ništa
A kad su nan ovi novi u Mjesni odbor ukinili točku razno,moj prijatelj Marijo je bija najgrlatiji za obranit oto odluke,a pa mi je reka da oli oni nisu po selu i ne vididu ča triba učinit,a dobro,a evo ču ja ipak napisat,jerbo ne gledamo svi istiman očiman,nekima su ova stabla onakva kakva bi tribala bit,možda jin je tako reklo,ali za me su ona nagnuta i to opasno nagnuta i…
Otvori ...Šta se događa sa vanjskon rasvjeton usrid sela?
A pri par daan uvečer kad san bija na Rivi ništo je plesnilo i najedan put se rasvjeta po selu udunila,jedino ča je radilo je gornji dijal lanp od Bobisa do starega kanpanela (sigurno jer su one spojene na trafo stanicu navr Kemijske škole),ove donje uza more su se udunile,ka i u ostatku starega dila sela sve do anbulante i Gospice zajedno sa tri stupa na središnjemu dilu Gospice,a pa…
Otvori ...Jednodnevni cvit
Svake godine početkon petoga miseca na ovemu kaktusu rastvoridu se cvitovi koji duradu samo jedan dan,krenu ujutro dok još nije tolika vručina,a tokon dana več počmedu pomalo propadat i do uvečer ga puno puti više nima…
Otvori ...
Komentiraj