Šta če ovo i dalje bit svakodnevna slika dok se čako ne dogodi?
O ovomen san pisa ko zna koliko puti,građani su isto tako pisali pročelnici,na Mjesnomen Odboru (dokle nas HDZ nije blokira i imali sjednice) se o ovomen problemu stalno govorilo,još bi nan rekli da ča se ponavljamo o tomen smo več raspravljali,a neznaju oni još koliko san dosadan i da ču i dvista milijuni puti reč dokle se ne napravi,pa je siguro i ovo jedan od razlogov kako ne sazivljedu sjednice od Mjesnoga Odbora,ali nedaj Bože da se čako dogodi,neče se niko moč “oprat” i reč,nismo znali,kako u ovomen,tako i u svemu onomen ostalomen ča je tribalo još odavna,a nije se učinilo.
A ovde pojedinci iz kuče direktno na korniž izlazidu i samo je pitanje momenta kad če se zlo dogodit,več se događalo da su zbog prolaska kamijoni i aut kornižon ljudi ostajali bez škuri,inače ljudi ča tote stojidu, iz uličic ka na sigurno izlazidu,jerbo nebi tribalo bit nikakve opasnosti da če ji koje promjetalo na kornižu pokupit,ali ovde u nas zaboravite na ikakvu logiku.
Ma ča ovo smrdi?
Sinoč okolo deset uri učinili smo đir priko Rive i nisi moga o smrada,pa san iša pogledat na ono misto di znadu izlazit govna i naravno i sad su veselo plovila,a usput je niko,biče mislija da se po noči neče vidit,ništo bilo ispustija. Na slikan morete vidit kako je to izgledalo,nisan ima veliki blic,pa je to ispalo evo ovako: Facebook Comments
Otvori ...Tribalo bi meknit veče ogledalo
Toliko nji me je u selo fermalo zbog onoga raskršča kraj škole di zbog radov ne radidu semafori,a i inače kad semafori nisu u funkciji tote se iz pravca rive teško uštekat,jerbo zbog zaštitne ograde triba lipo izač na cestu za vidit je li iz pravca Kaštili dolazi koje promjetalo,a na ono ogledalo ča jemamo se slabo vidi,reka je jedan da pari ka pijatič o crne kafe,pa bi zbog sigurnosti…
Otvori ...Za koji dan počimlje škola,a sviman je nad glavan jedan veliki upitnik
Evo do koji dan počimlje škola,a svi,počevši od učenika,roditelji,nastavnikov… su zbunjeni i nemadu pojma kako če to u školaman u stvarnosti bit. Lipo su se oni ča su ote mire donili dositili kakve bi one tribale bit,pa se govori da bi za srednjoškolce bilo dovoljno jemat razmak od jednu dva metra za bit u razredu bez masak,(a zanimljiv je podatak kako je u prvomen misecu tamo u Kini u jednomen…
Otvori ...Tenperatura mora na Sokolani je petnajst stupnjev
Satrali su me ovo lito da moran ništo napisat o tomen kako je doli na Sokolanu more ledeno za popizdit,a među njiman je bija i oni ča mi govori da neš ti to ča ja pišen,kad mi stranicu čitadu samo tri čovika,a kad san mu na mobitel reka koliku san tenperaturu izmirija,da moran to odma meknit,a kad neču,da me moreš i dalje napadat kako čekan i po deset dan za…
Otvori ...Nije valjda kako čemo ovo opet sami tribat zakrpit?
Sičate se tamo pri par godin kad su upravo na ovomen mistu građani našega sela uzeli stvar u svoje ruke,zamišali melo i lipili i popravljali ploče koje su izletile,upale ili ove sa strane ča se klimadu,isto ka i danas,samo ča ji sad na pojedina mista i fali,a jema i više od dva,a niko je dobacija da jema i tri miseca kako smo vidili dvojicu da uzimljedu mire,pa smo se obradovali…
Otvori ...Ovako izgleda zvjezdano nebo tamo di nima svjetlosnoga zagađenja
Bija san par dan na jednomen od otoci sa malin brojen stanovnika,a kako nima puno stanovnika,tako je i svjetlosno onečiščenje vrlo malo,a to je glavni preduvjet da bi na nebu moga vidit ono milijardu zvizd koliko ji na njemu jema,pa se tako more lipo vidit i mliječna staza koju ovde kod nas, nema šanse da ugledate,a pošto se baš nisan sa opremon za ovu priliku pripremija,pribjega san partizanskomen načinu snimanja,a…
Otvori ...
Ma vidi kakvo nan je more
Jutros je na potezu od Sokolane pa do Mula more bilo na nike masne fleke. Facebook Comments
Otvori ...
Komentiraj