Od Mula do Banane meklo je ležeče
Jema več nikoliko godin da oni ča tamo stojidu govoridu kako bi tote tribalo meknit ležeče,jerbo se,kako govoridu tamo vozilo,da je parilo ka da se trke održajedu,e i jema dva dana da su oti ležeči napokon i postavljeni,ali tomen je predhodila peticija koju su oni ča tamo stojidu,potpisivali,zanimljivo je kako se na nika mista stavilo ležeče jerbo nan je na Mjesnomen Odboru rečeno,znači ništa na pismeno,kako su ljudi sa otega područja tražili da se meknedu,a onda su ljudi sa toga područja zbog nji negodovali…,ali dobro,nečemo sad,več koji drugi put oba tomen…
Naravno,kako to več u nas biva,odma jin je našlo mane,oto ležeči (nji četiri) su široki,ča je dobro,ma su ča se visine tiče blagi,ča nije dobro,a pa tako oni ča tamo stojidu govoridu,da pojedini i dalje priko nji “letidu”,ali zato oni prvi do Mula je priča za sebe,kako je na to misto upa asvalat,tako je oto ležečega sa gornje bande visočiji od onega južnoga dila,najmanje pet centimetri,a sve se to moglo i drugačije izvest,tribalo ga je zamisto tote,samo koji metar prema istoku turnit i oto izbječ,ali…
A kako još nima računi od komunalne naknade?
Evo najnovije svit se žali da kako jin još nima računi za komunalnu naknadu,a pa se kroz čularekla kazala turnila vijest da čedu je krešit,ama čekaj malo i da su je mislili krešit,več je tribala doč,jerbo se računi ove zanje dvi godine šaljedu za cilu godinu,nji dvanaest,na kojiman je naznačeno kako ji do petnajestoga u misecu,triba platit,a evo danas je dvadeset i treči prvoga (asti ča vrime leti),a računi još…
Otvori ...Ajme straja,brrr
Danas popodne okolo tri manje deset iša san da ču auton gori put groblja i bija san prvi na semaforu,stojin ja stojin i vidin nikako čudno se ponašadu oni na cesti,ovi gre livo,ovi pravo,ovi desno,ovi se polukružno okriče…i sve u isto vrime?? Gledan ja u ovi svoj semafor i ne vidin ništa,ali pošto je sunce iza mene i još je nisko,mislija san da je to razlog,a pa san izaša vanka…
Otvori ...Ono kad čovik jema problema,pa ga u selu prozovedu kako je protiv sela?
A zašto,samo zato jerbo bi tili da se otklonidu anomalije, ljudi ne tražidu puno,tili bi samo da jin se riješi problem,pa da lipo,normalno nastavidu živit,ali oni koji su u selu dežurni za napade,odma se javidu,evo,ide se u selo ništo napravit i onda se koko nađe, kako nevalja ovo,kako nevalja ono,pa mu oti “dežurni”zalipi etiketu,kako je ti ča je na ništo ukaza,protiv sela… Ljudi koji stojidu kraj kina koje se od…
Otvori ...A kako onda ovo nazvat
Snješko nije,jerbo je on učinjen od sniga,a ovo šta liči na snjegoviča učinjeno od slame sa loncen na glavi,je??
Otvori ...Učlanjivanje u Našega Hajduka
Bilo je to ove nedilje u organizaciji Sučuračke Udruge navijači Hajduka,a jema bit da smo mi u selu priplačeni na ledaru,lani je puvala takva buretina i bilo je ledeno da su se oni ča su činili članske iskaznice sakrili u portun od one zgrade doli na rivu,a ono aparata ča čini ote iskaznice se nosija u jedan stan za poteplit ga,jerbo od leda nije moga normalno radit,a i ovi put…
Otvori ...Opet o livomen i desnomen bakalaru
Znate ovu priču,ne triba je ponavljat,e i ne dadu mi mira po selu kako ove godine nisan oba tomen pisa,jerbo je nakon dugoga vrimena u selo opet „uskrsnija“ i oni livi bakalar i zanimljivo u organizaciji našega Mjesnoga Odbora,ajde pak,ajde kad se tako priča,onda ču ništo napisat,inače nisan mislija. Ka prvo,po meni se oti bakalar nije ni dilija,e onda me pitadu kako,a lipo,jedinu obavijest po kojoj ja znan za oti…
Otvori ...Kad „rasprtit“ bor,vječito je pitanje?
Naravno,opet karba i okolo ovega pitanja,ali čekaj malo,ča onemu koji ga je itnija na Tri kralja,smeta oni ča če ga ostavit recimo, do petoga miseca,ali oni prvi ne more,a da ove druge ne naziva pogrdniman imeniman, “uljepšavajuči” to sve sa ukrasniman pridjeviman…? I dokle ga jedni itadu odma ujutro na Tri kralja i to se potrudidu da ji svi vididu kako su to učinili,(pa tako moremo vidit kako ji u…
Otvori ...Zimska guma u Dalmaciji,da,ne?
Uvik je okolo ničega karba,pa tako i okolo toga tribadu li nan ovde zimske gume ili ne tribaju? Nima ko jema autu,a da mu se u zimsko doba,kad padne kiša,nije dogodilo da mu pri kretanju, auta trza,pogotovo na nekoj uzbrdici ,proklizaje pri okričanju “punin” livo ili desno,pri kočenju mu triba puno za zaustavit se… E upravo se to i meni događalo i niko mi je pri petnajestak godin reka da…
Otvori ...
Komentiraj